Türkiyəli nazir: Müasir dünyada təchizat marşrutları yenidən qurulur

Bakı:

18 °C

82 %

4 m/s

Əlaqə

AZ RU EN

Ana səhifə / Dünya / Türkiyəli nazir: Müasir dünyada təchizat marşrutları yenidən qurulur

Türkiyəli nazir: Müasir dünyada təchizat marşrutları yenidən qurulur

19.10.2026 [20:41]

Orta Dəhlizin mərkəzində yerləşən, Bosfor və Dardanel boğazlarında gəmiçiliyi tənzimləyən, İraqın cənubundan başlayan təchizat marşrutunun formalaşmasına töhfə verən Türkiyə bəyan edir ki, Ankaranın iştirakı olmadan heç bir yeni dəhliz yaradıla bilməz. Hazırda beynəlxalq ictimaiyyətin gündəliyində Orta Dəhlizin və onun tərkib hissələri olan Trans-Xəzər marşrutunun və TRIPP layihəsinin inkişafı, eləcə də “İnkişaf yolu” layihəsinin (Bəsrədən Türkiyə sərhədinə doğru uzanan marşrut – red.) işə salınması və Hicaz dəmir yolunun müasirləşdirilməsi kimi məsələlər var.

AZƏRTAC xəbər verir ki, bunu Türkiyənin nəqliyyat və infrastruktur naziri Abdulkadir Uraloğlu Ankarada SETA Fondunun “Qlobal nəqliyyatın dəyişən geosiyasəti və “İnkişaf yolu” layihəsi” mövzusunda təşkil etdiyi konfransda çıxışı zamanı deyib.

Onun sözlərinə görə, Türkiyə tarixən Şərqlə Qərbin qovuşduğu məkan olub, Anadolu torpaqları vasitəsilə Qafqazdan Afrikaya yük daşımaları həyata keçirilir.

“Müasir dünyada təchizat marşrutları yenidən qurulur. Yükdaşımaların təkcə maliyyə göstəricilərinə deyil, həm də təhlükəsizliyə, davamlılığa və yüklərin təyinat yerinə çatdırılma müddətinə üstünlük verilir”, – deyə o bildirib.

Türkiyənin nəqliyyat və infrastruktur naziri 2021-ci ildə “Ever Given” konteyner gəmisinin Süveyş kanalını bağlaması nəticəsində yaranan böhranı xatırladıb: “Cəmi bir gəminin kanalı bağlaması yüzlərlə şirkətin yükdaşımaların müddətini yenidən nəzərdən keçirməsinə səbəb oldu. Həmin hadisədən sonra kanalda yaranan sıxlıq isə ticarətin yalnız bir dəniz marşrutundan asılı olmasının yolverilməz olduğunu aydın şəkildə göstərdi”.

Abdulkadir Uraloğlu Yəməndəki husilərin hərəkətləri ilə əlaqədar gəmiçilik üçün yaranan risklərə də diqqət çəkib.“Mövcud təhdidlər səbəbindən bir çox şirkət yüklərin Ümid burnu ətrafından daşınmasına üstünlük verməyə başlayıb. Bu isə yükün çatdırılma müddətinə əlavə 10–15 gün artırır”, – deyə nazir bildirib.

O, Qərblə Rusiya arasındakı ziddiyyətlər səbəbindən Şimal marşrutu üzrə yükdaşımaların da azaldığını qeyd edib.

Orta dəhliz mövzusuna qayıdan Abdulkadir Uraloğlu Qarsdan Naxçıvan Muxtar Respublikası ilə sərhədə qədər yeni dəmir yolunun çəkilməsinin əhəmiyyətini vurğulayıb: “Qars–İğdır–Aralıq–Dilucu istiqamətində çəkiləcək 224 kilometrlik dəmir yolu Orta Dəhlizin strateji həlqəsinə çevriləcək. Bu marşrut Türkiyəyə Türk dünyasına gedən ən qısa yolu açacaq”.

Paylaş:

Baxılıb: 141 dəfə

Xəbər lenti

Hamısına bax