Mədəniyyətlərarası dialoqun e-resurslar vasitəsilə təbliği üçün yeni perspektivlər

Bakı:

15 °C

72 %

9 m/s

Əlaqə

AZ RU EN

Ana səhifə / Mədəniyyət / Mədəniyyətlərarası dialoqun e-resurslar vasitəsilə təbliği üçün yeni perspektivlər

Mədəniyyətlərarası dialoqun e-resurslar vasitəsilə təbliği üçün yeni perspektivlər

06.05.2017 [12:42]

Bakıda keçirilən IV Ümumdünya Mədəniyyətlərarası Dialoq Forumu çərçivəsində növbəti panel sessiya “Mədəniyyətlərarası dialoqun e-resurslar vasitəsilə təbliği üçün yeni perspektivlər: UNESCO nəşrləri və e-platformasının istifadəyə verilməsi” mövzusuna həsr edilib.
AZƏRTAC xəbər verir ki, panel sessiya Abucada UNESCO-nun multisektoral regional ofisində ictimai və humanitar elmlər üzrə proqram mütəxəssisi Huqu Çarnienin moderatorluğu ilə keçib. UNESCO-nun baş direktorunun sosial və humanitar elmlər üzrə müavini Nada əl-Nashif sessiyanın mövzusu haqqında məlumat verib.
Vurğulanıb ki, təqdim ediləcək veb-saytda (ingilis versiyası: www.muslimarablegacy.net və fransız versiyası: http://www.heritagearabomusulman.net) yerləşdirilmiş akademik material müsəlman-ərəb irsi ilə Qərb dünyası arasındakı əlaqələrdən bəhs edir. Bu veb-sayt hərtərəfli olmaqdan daha çox, “töhfə vermək üçün çağırışlar”dan ibarət təməl daşıdır. “Vikipediya” ilə eyni məzmuna malik olan bu platforma bütün dünyadan məlumat toplayaraq (məzmun baxımından) zənginləşməyə hazırdır və hər kəs üçün əlçatan olan və durmadan inkişaf edən internet səhifəsidir.
Bildirilib ki, onlayn rəqəmsal kitabxana xüsusilə sülh və tolerantlıq dəyərlərinin formalaşdırılmasında ərəb-müsəlman sivilizasiyasının rolunu və bu irsin müasir Avropanın, nəticə etibarı ilə də çağdaş dünyanın inkişafına necə töhfələr verdiyini diqqət mərkəzində saxlayır.
Layihənin icrası vaxtında atılmış çox mühüm addımdır və ziyarətçilərə həm mədəniyyətlər, həm də onların qarşılıqlı asılılığı haqqında dəqiq məlumatlar verir.
Daha sonra UNESCO-nun xoşməramlı səfiri Aleksandra Oçirovanın məruzəsi dinlənilib. UNESCO tərəfindən məşhur elm və mədəniyyət obyektləri haqqında “Qərb dünyasında müsəlman-ərəb mirası” adlı onlayn rəqəmsal kitabxana sistemindən danışan A.Oçirova qeyd edib ki, bu kitabxana Kral Abdullah bin Əbdüləziz adına Beynəlxalq Sülh və Dialoq Mədəniyyəti Proqramı çərçivəsində maliyyələşdirilir. Rəqəmsal kitabxana ərəb-İslam dünyasının elmi, fəlsəfi, ədəbi və bədii antologiyası və onun Qərbin düşüncə və mədəniyyətinin yenilənməsinə töhfəsi əsasında yaradılıb.
Diqqətə çatdırılıb ki, antologiyada 100-dən çox məqalə yer alıb. “İyirmi tanınmış tədqiqatçı tərəfindən hazırlanan mədəniyyətlərarası sorğu kitabçası “Elm və texnologiya - tibb”, “İncəsənət və ədəbiyyat”, “Fəlsəfə”, “Mütəxəssislər” və “Bilik mənbələri” mövzularını əhatə edir. Elmi obyektivliyə əsaslanaraq, sorğu kitabçasında Aralıq dənizinin bütün sahili boyu intensiv qarşılıqlı əlaqələri və bu əlaqələrin Hindistan, fars, ərəb və Afrika ölkələrinə mənsubluğunu təsdiq etməyin zəruriliyinə xüsusi diqqət yetirilir”, - deyə A.Oçirova bildirib.
Paneldə Kanadanın Kvebek əyalətində yerləşən Laval Universitetinin antropologiya departamentinin fəxri professoru Frankin Seylantin, Paris-Saclay Universitetinin mübahisəli məsələlərin təhlili və onların həlli variantları mərkəzinin direktoru Salim El Sayegin, “İnkişaf üçün mədəni transformasiya” təşkilatının beynəlxalq məsləhətçisi Lazaro İsrail panelin mövzusu ilə bağlı fikirlərini bölüşüb, təkliflərini bildiriblər.
Sessiya müzakirələrlə davam edib.

Paylaş:

Baxılıb: 930 dəfə