Fransa üzr istəməlidir!

Bakı:

14 °C

88 %

6 m/s

Əlaqə

AZ RU EN

Ana səhifə / Siyasət / Fransa üzr istəməlidir!

Fransa üzr istəməlidir!

18.05.2024 [10:35]

Parisin mövqeyi iki ölkənin münasibətlərində daha mənfi təsirlərə gətirib çıxara bilər

Nardar BAYRAMLI

Fransa Azərbaycana qarşı qərəzli mövqeyini davam etdirir. Rəsmi Paris ölkəmiz haqqında böhtan kampaniyası aparır. Bugünlərdə Fransanın daxili işlər naziri Jerald Darmanan ölkəmizə növbəti dəfə böhtan atıb. O, “France-2” telekanalına müsahibəsində əsassız olaraq Azərbaycanı Yeni Kaledoniyada etirazlara müdaxilə etməkdə və ölkəsinin daxili işlərinə qarışmaqda ittiham edib. Görünən odur ki, Fransa rəhbərliyi Yeni Kaledoniyada baş verən hadisələrdə günahkar axtarışına çıxıb.

Artıq rəsmi Paris xarici və daxili siyasətində ciddi böhran yaşamaqdadır. Təsadüfi deyil ki, hazırda bu dövlət keçmiş müstəmləkələrindən qovulur. Həmin bölgələrdə Parisə qarşı etiraz aksiyaları səngimir, Yelisey sarayına qarşı çıxışlar, narazılıqlar günü-gündən daha da artır. Niger, Qabon və s. bölgələrdən qovulan Fransaya qarşı etirazların artdığı keçmiş müstəmləkələrdən biri də Yeni Kaledoniyadır. Bu bölgədə Fransa müstəmləkəçiliyinə qarşı etiraz aksiyaları artıq davamlı xarakter alıb və hər gün daha da güclənir. Öz müstəmləkəçi siyasətinin acı nəticələrini yaşayan Fransanın rəsmilərinin Azərbaycanı ittiham etməsinin heç bir əsası yoxdur. Bu ölkənin daxili işlər nazirinin iddialarına cavab olaraq Azərbaycan Xarici İşlər Nazirliyinin (XİN) mətbuat xidmətinin rəhbəri Ayxan Hacızadə Fransa tərəfinin ilk növbədə Azərbaycana qarşı təhqiramiz ifadələrini bir daha qətiyyətlə pislədiyini və ermənilərin kütləvi şəkildə qətlə yetirilməsi kimi qəbuledilməz ittihamlarla Azərbaycana qarşı apardığı qarayaxma kampaniyasını dayandırmağı tələb edildiyini bildirib. O qeyd edib ki, Fransa daxili işlər nazirinin öz ölkəsinin uzun illər həyata keçirdiyi müstəmləkəçilik siyasətinin tərkib hissəsi kimi yerli xalqlara qarşı insanlıq əleyhinə cinayətlər törətməsini, milyonlarla günahsız insanın vəhşicəsinə qətlə yetirilməsi tarixini xatırlaması daha münasib olardı. Ayxan Hacızadə bildirib ki, Jerald Darmananın ölkəmizə qarşı və Azərbaycanla Yeni Kaledoniyanın müstəqillik tərəfdarlarının liderləri arasında iddia olunan münasibətlərə dair səsləndirdiyi növbəti əsassız fikirləri tamamilə rədd edirik. Bununla yanaşı, Fransanın daxili işlər naziri Azərbaycanı Yeni Kaledoniyada müstəqillik tərəfdarının etirazlarını dəstəkləməkdə ittiham etmək əvəzinə, ölkəsinin bu cür etirazlara səbəb olan dənizaşırı bölgələri ilə bağlı uğursuz siyasətinə diqqət yönəltməlidir.

A.Hacızadə J.Darmanan tərəfindən Azərbaycanın diktatura adlandırılmasına da münasibət bildirərək deyib ki, bu ifadələrə görə Fransa ölkəmizdən üzr istəməlidir. O bildirib ki, Fransa tərəfindən Azərbaycana qarşı səslənmiş bu kimi fikirlər tamamilə qəbuledilməzdir və rəsmi Bakı tərəfdən qətiyyətlə rədd edilir: “İnsan hüquqlarının kobud şəkildə pozulduğu, baş verən iğtişaşlar zamanı aksiyaçıların öldürüldüyü, islamofobiya və müsəlmanlara qarşı hücum hallarının, eləcə də antisemitizmin geniş yayıldığı Fransadan fərqli olaraq Azərbaycanda fundamental hüquq və azadlıqlar tam olaraq təmin edilir. Azərbaycan müstəqilliyini bərpa edəndən etibarən daim demokratik dəyərlərə sadiq cəmiyyət kimi formalaşıb və inkişaf edib. Azərbaycan müxtəlif etnik və dini mənsubiyyətə mənsub insanların mehriban və təhlükəsiz şəraitdə yaşadığı ölkədir”. A.Hacızadə vurğulayıb ki, Fransa üzr istəməyəcəyi təqdirdə, bu, Azərbaycan-Fransa münasibətlərinə daha mənfi təsirlərə gətirib çıxaracaq: “Fransa tərəfi bu açıqlamaya görə üzr istəməlidir. Əks təqdirdə, bu, Azərbaycan-Fransa münasibətlərinə daha mənfi təsirlərə gətirib çıxaracaq”.

Ümumiyyətlə, Fransanın daxili i?lər nazirinin ölkəmizə qarşı əsassız və qərəzli açıqlaması ilk dəfə deyil. Bu ölkənin digər rəsmiləri kimi, o da Azərbaycana qarşı qara piar kampaniyası aparır. Yəni, daxili işlər naziri ənənəsinə sadiq qalaraq yalan danışmaqda davam edır, həm də bununla ölkəsinin törətdiyi cinayətləri ört-basdır etməyə çalışır. Digər tərəfdən, Yeni Kaledoniyada baş verənlər indinin problemi deyil, 50 ildən artıq yaşı olan azadlıq mübarizəsi, Fransanın kolonial siyasətinə qarşı hərəkatdır. Bunu bu gün Azərbaycanın üzərinə yıxmaq isə riyakarlıq və qərəzdən başqa bir şey deyil.

Eyni zamanda, uzun illərdir ki Fransa bu ərazidə demoqrafik vəziyyəti dəyişməyə, yerli kanakların sayının azalması üçün orada kolonialistlərin sayını artırmağa çalışır. Bu gün baş verənlər məhz bu siyasətə qarşı mübarizədir. Rəsmi Paris bu problemlərə cavab vermək əvəzinə, Azərbaycanı ittiham edir. Ən maraqlı olan isə Fransa nəşrlərinin hakimiyyətlə eyni mövqe nümayiş etdirmələridir. Bu ölkədə heç bir media qurumu kanakların azadlıq mübarizəsindən, dinc sakinlərin öldürülməsindən yazmır və ya yaza bilmir. A?ınacaqlı hal odur ki, Yeni Kaledoniyada baş verən iğtişaşlara cavab olaraq Fransa hökuməti ordunu adaya yeridib. Bunun nəticəsində artıq 10-a yaxın qurban və 200-ə yazın yaralı var. Fransa hökuməti ordunun Yeni Kaledoniyada törətdiyi vəhşilikləri dünya ictimaiyyətindən gizlətmək üçün bölgədə “TikTok” sosial şəbəkəsini bağlayıb.

Beləliklə, rəsmi Paris müstəmləkəçi siyasətini israrla davam etdirməyə çalışır. Bütün bunların fonunda bu ölkənin Azərbaycana qarşı səsləndirdiyi əsassız iddialar yolverilməzdir.

Paylaş:

Baxılıb: 646 dəfə