Sosial-iqtisadi sahədə qazanılan uğurlar Azərbaycan Prezidenti İlham Əliyevin rəhbərliyi ilə həyata keçirilən siyasətin alternativsizliyini bir daha təsdiq edir

Bakı:

11 °C

93 %

10 m/s

AZ RU EN

Ana səhifə / Siyasət / Sosial-iqtisadi sahədə qazanılan uğurlar Azərbaycan Prezidenti İlham Əliyevin rəhbərliyi ilə həyata keçirilən siyasətin alternativsizliyini bir daha təsdiq edir

Sosial-iqtisadi sahədə qazanılan uğurlar Azərbaycan Prezidenti İlham Əliyevin rəhbərliyi ilə həyata keçirilən siyasətin alternativsizliyini bir daha təsdiq edir

06.02.2013 [03:12]

Sosial-iqtisadi sahədə qazanılan uğurlar Azərbaycan Prezidenti İlham Əliyevin rəhbərliyi ilə həyata keçirilən siyasətin alternativsizliyini bir daha təsdiq edir.
AzərTAc xəbər verir ki, bu fikir fevralın 5-də Nərimanov rayon İcra Hakimiyyətində keçirilmiş və 2012-ci ilin sosial-iqtisadi yekunlarına, cari ildə qarşıda duran vəzifələrə həsr olunmuş yığıncaqda xüsusi vurğulanıb.
Yığıncaq iştirakçıları əvvəlcə Ümummilli lider Heydər Əliyevin rayon İcra Hakimiyyəti binasının foyesində qoyulmuş büstü önünə gül dəstələri düzüb, Azərbaycanın müasir tarixində müstəsna xidmətləri olmuş bu insanın xatirəsini ehtiramla yad ediblər.
Rayon İcra Hakimiyyətinin başçısı Abdin Fərzəliyevin hesabat məruzəsində Ümummilli lider Heydər Əliyevin müəyyən etdiyi sosial-iqtisadi inkişaf strategiyasının indiki mərhələdə Prezident İlham Əliyev tərəfindən uğurla həyata keçirilməsi sayəsində əldə olunmuş nailiyyətlərdən bəhs edilib. Bildirilib ki, rayonda iqtisadiyyatın inkişaf etdirilməsi, müəssisələrin istehsal fəaliyyətinin bərpa edilməsi və genişləndirilməsi, yeni iş yerlərinin yaradılması, sahibkarlığın inkişafı, əhaliyə kommunal xidmətlərinin göstərilməsi, təhsilin maddi-texniki bazasının möhkəmləndirilməsi, səhiyyə xidmətinin səviyyəsinin yüksəldilməsi, gənclərin asudə vaxtının təşkili, idmanın inkişafı və digər sahələrdə uğurlar qazanılıb. Hesabat dövründə sənaye məhsulu istehsalının ümumi həcmi (xidmətlər də daxil olmaqla) 1 milyard 851,9 milyon manat təşkil edib, əvvəlki illə müqayisədə 93 faiz artıb. Məhsulun ümumi həcminin 83,5 faizi dövlət sektorunun payına düşür. Sənaye müəssisələri üzrə orta aylıq əmək haqqı əvvəlki illə müqayisədə 5,9 faiz çox - 435,2 manat olub. Rayon ərazisində 928,7 milyon manatlıq tikinti işləri aparılıb. Bu sahədə 11 846 nəfər çalışır. Tikinti təşkilatları üzrə orta aylıq əmək haqqı 464,9 manata çatıb.
Ötən il pərakəndə əmtəə dövriyyəsi 869,9 milyon manat təşkil edib. Əhaliyə 304,5 milyon manatlıq pullu xidmət göstərilib və artım sürəti 14,6 faiz olub.
İşsizliyin aradan qaldırılması istiqamətində görülmüş tədbirlər nəticəsində hesabat dövründə Nərimanov rayonunda 5477 yeni daimi iş yeri açılıb.
Yığıncaqda rayonda aparılan abadlıq və yenidənqurma işlərindən də geniş bəhs edilib. Daxili imkanlar hesabına məhəllələrin abadlaşdırıldığı, yeni istirahət guşələrinin yaradıldığı, yolların çəkildiyi, təhsil və səhiyyə müəssisələrinin təmir olunduğu, istilik sistemlərinin bərpası istiqamətində işlərin davam etdirildiyi bildirilib.
Məruzədə rayon əhalisinin aztəminatlı təbəqəsinə diqqət və qayğının artırılması istiqamətində görülmüş işlərdən də danışılıb. Bildirilib ki, Nərimanov rayon Əhalinin Sosial Müdafiəsi Mərkəzi tərəfindən 2778 ailəyə ünvanlı sosial yardım təyin olunub, 275 tənha ahıl vətəndaşa evlərində sosial-məişət xidməti göstərilib.
Məruzə ətrafında çıxış edən natiqlər 2012-ci ildə rayonda həyata keçirilən tədbirləri müsbət qiymətləndiriblər. Çıxışlarda xüsusi vurğulanıb ki, Nərimanov rayonunun ictimaiyyəti dövlətimizin başçısının müstəqil Azərbaycanın daha da qüdrətlənməsi, xalqımızın xoşbəxt gələcəyi naminə yorulmaz fəaliyyətini ürəkdən bəyənir.
Hesabat yığıncağında çıxış edən Prezident Administrasiyasının məsul əməkdaşı Tağı Tağıyev, Yeni Azərbaycan Partiyası Sədrinin müavini - İcra katibi, Milli Məclisin deputatı Əli Əhmədov və başqaları diqqəti yanvarın 15-də Prezident İlham Əliyevin Sədrliyi ilə Nazirlər Kabinetinin 2012-ci ilin sosial-iqtisadi inkişafının yekunlarına və 2013-cü ildə qarşıda duran vəzifələrə həsr olunmuş geniş iclasına, orada ölkə başçısının proqram xarakterli nitqinin əsas müddəalarına cəlb ediblər. Bildirilib ki, sosial-iqtisadi sahədə qazanılan uğurlar Ulu öndər Heydər Əliyev tərəfindən müəyyənləşdirilən, bu gün Prezident İlham Əliyevin rəhbərliyi ilə inamla həyata keçirilən siyasətin alternativsizliyini bir daha təsdiq edir.
Sonda keçən ilin yekunlarına görə təhsil, mədəniyyət, səhiyyə, idman, inşaat və digər sahələr üzrə fərqlənənlər mükafatlandırılıblar.

Paylaş:

Baxılıb: 1108 dəfə