A.Karavayev: Mehriban Əliyevanın şəxsiyyəti mədəniyyətlərin uğurlu sintezinin bariz nümunəsidir

Bakı:

30 °C

43 %

5 m/s

Əlaqə

AZ RU EN

Ana səhifə / Siyasət / A.Karavayev: Mehriban Əliyevanın şəxsiyyəti mədəniyyətlərin uğurlu sintezinin bariz nümunəsidir

A.Karavayev: Mehriban Əliyevanın şəxsiyyəti mədəniyyətlərin uğurlu sintezinin bariz nümunəsidir

30.09.2015 [09:45]

“Mehriban Əliyeva sadəcə Azərbaycan milli elitasının ən parlaq örnəklərindən biri deyildir. Onun şəxsiyyəti mədəniyyətlərin uğurlu sintezinin bariz nümunəsidir. İ.M.Seçenov adına Birinci Moskva Dövlət Tibb Universitetində təhsil aldığı dövrdə ona istər Azərbaycanın yaradıcı mədəniyyəti, istərsə də Moskva ziyalıları, sovet alimləri mühiti eyni dərəcədə təsir göstərib. Bu gün Rusiya-Azərbaycan münasibətlərinin humanitar müstəvisində birinci xanım öz ölkəsində rus dilinin, Rusiya mədəniyyətinin və təhsilinin qeyri-rəsmi “elçisi” rolunu oynayır”. Bu sözləri tanınmış politoloq Aleksandr Karavayev “Rossiyskaya qazeta”da dərc olunan “Gələcəyi yaradırıq” məqaləsində yazıb.
Müəllif Bakıda İ.M.Seçenov adına Birinci Moskva Dövlət Tibb Universitetinin filialının açılışından söz açılan məqalədə yazır: “Bu layihə Rusiya ilə Azərbaycan arasında uzunmüddətli strateji tərəfdaşlığın səmərəli nümunələrindən biridir”.
Məqalədə vurğulanır ki, Azərbaycanda tədrisin istər Azərbaycan, istərsə də rus dillərində olduğu 327 dövlət ümumtəhsil məktəbi fəaliyyət göstərir. Bundan əlavə, ölkədə təhsil prosesi sırf rus dilində aparılan daha 16 dövlət məktəbi fəaliyyət göstərir. 2014-cü il üçün olan məlumata görə, bütövlükdə rus dilində təhsil alan məktəblilərin sayı təqribən 91 min nəfər təşkil edir. 2009-2013-cü illərdə ali və orta ixtisas təhsil sistemində islahatlar üzrə dövlət proqramının yekunlarına dair ilkin nəticələr əldə edilib. Tədrisin məzmun və texnologiyası təkmilləşdirilib. Ali təhsil ixtisaslarının sayı və seçimi əmək bazarının tələblərinə uyğunlaşdırılıb. Ali məktəblərin strukturu və bütövlükdə onların idarəçilik sistemi müasir tələblər baxımından modernləşdirilib. Ölkənin hüdudlarından kənarda yerləşən ali məktəblər, Azərbaycanın daxilindəki ali və orta məktəblər arasında daha sıx əlaqələr yaradılır. Azərbaycan ali məktəblərinin akkreditasiyasına beynəlxalq ekspertlərin cəlb olunmasını sanballı nailiyyət hesab etmək olar. Universitetlərin reytinqini müəyyən edən sistem yaradılıb. Ali məktəblərdə zamanın tələblərinə uyğun elmi-tədqiqat işlərinin təşkili sistemləşdirilib. Bu, xüsusən, neft kimyası sahəsində mütəxəssislərin hazırlanmasına aiddir. İnsan məhz təhsil prosesində mədəni dəyərlər mənimsəyir, peşə vərdişləri qazanır, rəqabətin və istehlak dəyərlərinin hökmran olduğu müasir dövrün sərt dünyasına daxil olur. Məqalədə vurğulanır: “Təhsilin Azərbaycan modeli belə bir prinsipdən çıxış edərək qurulur: müasir biliklər düzgün istiqamət verən və qlobal çağırışlarla üzləşdiyi zaman şəxsiyyəti gücləndirən qüvvədir”.

Paylaş:

Baxılıb: 555 dəfə