Azərbaycan Dövlət Aqrar Universitetinin (ADAU) “menecment (alman proqramı)” ixtisasının II kurs tələbələri tədris-təcrübəsi məqsədi ilə Ağcabədi rayonun Cəfərbəyli kəndinə səfər ediblər

Bakı:

27 °C

43 %

4 m/s

AZ RU EN

Ana səhifə / Sosial / Azərbaycan Dövlət Aqrar Universitetinin (ADAU) “menecment (alman proqramı)” ixtisasının II kurs tələbələri tədris-təcrübəsi məqsədi ilə Ağcabədi rayonun Cəfərbəyli kəndinə səfər ediblər

Azərbaycan Dövlət Aqrar Universitetinin (ADAU) “menecment (alman proqramı)” ixtisasının II kurs tələbələri tədris-təcrübəsi məqsədi ilə Ağcabədi rayonun Cəfərbəyli kəndinə səfər ediblər

23.07.2015 [13:41]

Azərbaycan Dövlət Aqrar Universitetində tələbələrin praktiki bilik və vərdişlərinin formalaşdırılması və inkişaf etidirilməsi prioritet məsələlərdən biri hesab olunur. Bunu nəzərə alaraq, istehsalat və tədris təcrübələrinin müasir və innovativ texnologiyalara əsaslanan aqrar-sənaye müəssisələrində keçirilməsi başlıca vəzifə kimi müəyyən edilmişdir. ADAU-nun menecment (alman proqramı ilə) ixtisasının II kurs tələbələri tədris-təcrübəsi məqsədi ilə Ağcabədi rayonun Cəfərbəyli kəndində yerləşən, ölkə üzrə ilk və ən böyük keçi təsərrüfatına səfər ediblər. Tələbələri təsərrüfatın rəhbəri, sahibkar Mülhazil Balakişiyev böyük ruh yüksəkliyi ilə qarşılamış, təsərrüfatın icracı direktoru Svetlna Məmmədova keçi ferması ilə tələbələri yaxından tanış etmişdir. Keçilərin yenilənməsi, bəslənməsi, çimizdirilməsi və saxlanması ilə əyani tanış olan tələbələr avtomatlaşdırılmış sağım prosesində iştirak ediblər. Nahar fasiləsində tələbələr fermanın yeməkxanasında isti çoban yeməklərinə və təzə süd məhsullarına qonaq ediliblər. Günün sonunda tələbələr rayonun görməli yerləri ilə tanış olublar.
Qeyd etmək lazımdır ki, 2005-ci ildən Azərbaycan Dövlət Aqrar Universitetində bakalavariat səviyyəsində menecment (alman proqramı) ixtisası üzrə mütəxəssis hazırlığı aparılır. İxtisasın tədris planı Almaniyanın Vaynştefan – Trizdorf Tətbiqi Elmlər Universitetinin mütəxəsisslərinin iştirakı ilə hazırlanmışdır. Tədris planının uyğunluğu tələbələrin mübadiləsinə, kreditlərin transferinə əlverişli imkanlar yaradır. Hazırda qeyd olunan ixtisas üzrə universitetdə 100-dən artıq tələbə təhsil alır. Təhsil proqramında alman dilinin tədrisinə xüsusi yer verilməklə, bu dili yaxşı mənimsəyən tələbələr 6 ay müddətində Almaniyanın fermer təsərrüfatlarında istehsalat təcrübəsi keçirlər. 2014/2015-ci tədris ili üzrə 4 tələbə Almaniyanın LOGO e.V. təşkilatının dəstəyi ilə qeyd olunan ölkənin fermer təsərrüfatlarında təcrübə keçmək hüququ qazanmışlar.
ADAU-nun mətbuat xidməti

Paylaş:

Baxılıb: 829 dəfə