Münasibətlər qarşılıqlı hörmət və etimada əsaslanır

Bakı:

24 °C

57 %

3 m/s

Əlaqə

AZ RU EN

Ana səhifə / YAP xəbərləri / Münasibətlər qarşılıqlı hörmət və etimada əsaslanır

Münasibətlər qarşılıqlı hörmət və etimada əsaslanır

13.03.2026 [22:32]

Toğrul Zeynalov

YAP Ağdam rayon təşkilatının əməkdaşı

2026-cı il martın 11-də Avropa İttifaqı Şurasının Prezidenti Antonio Costanın Azərbaycana səfəri ölkəmizlə Avropa İttifaqı arasında münasibətlərin inkişafında mühüm hadisə kimi dəyərləndirilir. Səfər çərçivəsində keçirilən görüşlər və verilən bəyanatlar Azərbaycan ilə Avropa İttifaqı arasında siyasi, iqtisadi və enerji sahələrində əməkdaşlığın yeni mərhələyə qədəm qoyduğunu bir daha nümayiş etdirdi. Görüşdən sonra keçirilən birgə mətbuat konfransında Prezident İlham Əliyev Azərbaycanın Avropa ilə əlaqələrə böyük önəm verdiyini vurğulayaraq bu münasibətlərin qarşılıqlı hörmət və etimada əsaslandığını bildirdi. Cənab Prezident qeyd etdi ki, Azərbaycan uzun illərdir Avropanın etibarlı enerji tərəfdaşı kimi çıxış edir və bu istiqamətdə həyata keçirilən layihələr Avropanın enerji təhlükəsizliyinə mühüm töhfə verir.

Dövlətimizin başçısı çıxışında xüsusilə enerji əməkdaşlığına diqqət çəkərək bildirdi ki, bu gün Avropa İttifaqının artıq 10 üzv dövləti Azərbaycandan təbii qaz idxal edir. Bu fakt Azərbaycanın qlobal enerji bazarında mühüm mövqeyə malik olduğunu göstərməklə yanaşı, ölkəmizin etibarlı tərəfdaş kimi nüfuzunu da təsdiqləyir. Prezident İlham Əliyev vurğuladı ki, Azərbaycanın təşəbbüsü və iştirakı ilə həyata keçirilən beynəlxalq enerji layihələri təkcə region üçün deyil, bütövlükdə Avropa üçün böyük əhəmiyyət daşıyır. Bu layihələr Avropanın enerji mənbələrinin şaxələndirilməsi baxımından mühüm rol oynayır və qitənin enerji təhlükəsizliyinin möhkəmləndirilməsinə xidmət edir.

Görüş zamanı tərəflər enerji ilə yanaşı, iqtisadi əməkdaşlıq, investisiya imkanları və regional məsələlər ətrafında da fikir mübadiləsi apardılar. Prezident İlham Əliyev qeyd etdi ki, Azərbaycan Avropa İttifaqı ilə əlaqələrin daha da genişləndirilməsində maraqlıdır və müxtəlif sahələrdə yeni əməkdaşlıq istiqamətlərinin müəyyənləşdirilməsi üçün geniş potensial mövcuddur. Xüsusilə yaşıl enerji sahəsində əməkdaşlıq perspektivləri diqqət mərkəzində oldu. Dövlətimizin başçısı Azərbaycanın bərpa olunan enerji sahəsində böyük imkanlara malik olduğunu və bu istiqamətdə Avropa şirkətləri ilə əməkdaşlığın genişləndiyini vurğuladı.

Prezident İlham Əliyev həmçinin regional sabitlik və təhlükəsizlik məsələlərinə toxunaraq Azərbaycanın bölgədə sülh və əməkdaşlığın tərəfdarı olduğunu bildirdi. O qeyd etdi ki, regionda davamlı sabitliyin təmin olunması iqtisadi inkişaf və beynəlxalq əməkdaşlıq üçün mühüm əhəmiyyət daşıyır. Bu baxımdan Avropa İttifaqı ilə siyasi dialoqun davam etdirilməsi və qarşılıqlı anlaşmanın gücləndirilməsi xüsusi önəm kəsb edir.

Paylaş:

Baxılıb: 612 dəfə