YAP Tərtər rayon təşkilatı bələdiyyə seçkilərinə yüksək səviyyədə hazırlaşır

Bakı:

18 °C

82 %

11 m/s

Əlaqə

AZ RU EN

Ana səhifə / YAP xəbərləri / YAP Tərtər rayon təşkilatı bələdiyyə seçkilərinə yüksək səviyyədə hazırlaşır

YAP Tərtər rayon təşkilatı bələdiyyə seçkilərinə yüksək səviyyədə hazırlaşır

19.11.2014 [10:08]

Ramiz Şabanov: İrəli sürülən namizədlərin 40 faizdən çoxunu qadınlar və gənclər təşkil edir
“Məlum olduğu kimi, oktyabrın 29-da Yeni Azərbaycan Partiyasının (YAP) şəhər və rayon təşkilatları sədrlərinin ümumrespublika müşavirəsi keçirilib. Bələdiyyə seçkiləri kampaniyasına hazırlıqla bağlı məsələlərin müzakirə edildiyi həmin müşavirədə partiyanın yerli strukturlarının qarşıda duran vəzifələrin yerinə yetirilməsi məqsədilə səfərbər edilməsi, irəliyə sürülən namizədlər üçün treninqlərin təşkil edilməsi tövsiyə olunub, seçki kampaniyasının yüksək səviyyədə keçirilməsi üçün digər zəruri tapşırıqlar verilib. YAP Tərtər rayon təşkilatı da öz fəaliyyətini bu tövsiyə və tapşırıqlar əsasında qurub”.
Bunu qəzetimizə açıqlamasında YAP Tərtər rayon təşkilatının sədri, rayon təşkilatı Seçki Qərargahının rəhbəri Ramiz Şabanov deyib. Onun sözlərinə görə, dekabrın 23-də ölkəmizdə keçiriləcək növbəti bələdiyyə seçkiləri ilə əlaqədar YAP Tərtər rayon təşkilatında 13 nəfərdən ibarət Seçki Qərargahı yaradılıb. Bunun ardınca hər bir məntəqədə fəaliyyət göstərəcək məşvərətçi səs hüquqlu üzvlər və müşahidəçilər təyin edilib, eləcə də təbliğat kampaniyasında iştirak edəcək fəalların tərkibi müəyyənləşdirilərək rayon təşkilatının müvafiq tarixli heyət iclaslarında təsdiq olunub.
Seçkilərə hazırlığın yüksək səviyyədə keçdiyini deyən Ramiz Şabanov onu da əlavə edib ki, YAP Tərtər rayon təşkilatının Seçki Qərargahının üzvləri arasında iş bölgüsü və Fəaliyyət Proqramı hazırlanaraq, təsdiq edilib.
YAP Tərtər rayon təşkilatı 84 ərazi ilk partiya təşkilatında 5569 nəfər partiya üzvünü birləşdirir ki, onların da 2896 nəfəri qadın, 1415 nəfəri isə gənclərdir: “Hazırda bütün partiya üzvləri bələdiyyə seçkilərinə hazırlıqla bağlı səfərbər olunublar. Bu məqamda qeyd edim ki, Tərtər rayonu üzrə 2 seçki dairəsi mövcuddur: 95 saylı Tərtər və 97 saylı Goranboy-Tərtər-Ağdam Seçki Dairəsi”.
Ramiz Şabanovun sözlərinə görə, Tərtər rayonu üzrə ümumilikdə 25 bələdiyyəyə seçki keçiriləcək ki, onlardan 1-i şəhər, 24-ü isə kənd bələdiyyələridir: “Dekabrın 23-də keçiriləcək bələdiyyə seçkilərində Yeni Azərbaycan Partiyası Tərtər rayon təşkilatı 25 bələdiyyə üzrə seçkilərdə iştirak etmək üçün 229 nəfər partiya üzvünün namizədliyini irəli sürüb. İrəli sürülən namizədlərin 40 faizdən çoxunu qadınlar və gənclər təşkil edir”.
Bundan sonrakı prosesdə, yəni, təbliğat kampaniyasına rəsmən start verildikdən sonra isə bütün zəruri olan təbliğat-təşviqat işləri həyata keçiriləcək.
Nadir AZƏRİ

Paylaş:

Baxılıb: 1064 dəfə