Kubra Əliyarlı: Ölkəmizdə icra edilməsi nəzərdə tutulan heç bir sosial layihə təxirə salınmayıb

Bakı:

18 °C

94 %

5 m/s

AZ RU EN

Ana səhifə / YAP xəbərləri / Kubra Əliyarlı: Ölkəmizdə icra edilməsi nəzərdə tutulan heç bir sosial layihə təxirə salınmayıb

Kubra Əliyarlı: Ölkəmizdə icra edilməsi nəzərdə tutulan heç bir sosial layihə təxirə salınmayıb

12.08.2020 [09:01]

“Prezident İlham Əliyevin rəhbərliyi ilə ölkəmizdə həyata keçirilən davamlı və məqsədyönlü islahatlar, irimiqyaslı iqtisadi, sosial layihələrin icrası uğurlarımızı şərtləndirən və təmin edən əsas amillərdəndir. Bütün sahələrdə olduğu kimi, böyük qlobal bəlaya çevrilən koronavirus pandemiyası ilə mübarizə çərçivəsində də ölkəmizdə təxirəsalınmaz addımlar atılır”.
Bu fikirləri Yeni Azərbaycan Partiyası (YAP) Binəqədi rayon təşkilatının baş məsləhətçisi Kubra Əliyarlı deyib.
Onun sözlərinə görə, pandemiya ilə mübarizə fonunda Azərbaycandakı vəziyyət dövlət tərəfindən görülən işlərin səmərəsindən xəbər verir: “Avqustun 6-da dövlət başçısı İlham Əliyev ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirilən müşavirədə bir sıra mühüm məsələlərə toxundu. Reallıq budur ki, məhz dövlət başçısının birbaşa nəzarətində olan və Onun təşəbbüsü, səyləri ilə davam etdirilən islahatlar bugünkü müsbət dinamikanın əldə olunmasında böyük rol oynayır. Pandemiya ilə mübarizə ilə bağlı qəbul edilən qərarlar məhz vətəndaşlarımızın sağlamlığının qorunması, dövlətimizin və əhalinin bu bəladan maksimum az itki ilə çıxmasına hesablanıb. Bu zaman vətəndaşların üzərində düşən vəzifə isə daha da məsuliyyətli olmaq, verilən qərar və qaydalara əməl etməkdir”.
K.Əliyarlının sözlərinə görə, dövlət başçısı çıxışlarında dəfələrlə bildirib ki, Azərbaycan xalqının virusun yarada biləcəyi bütün təhlükələrdən maksimum az itkilərlə çıxması üçün mümkün addımlar atılıb və bundan sonra da atılacaq: “Təbii ki, pandemiyanın ilk dövrlərindən lazımi qabaqlayıcı tədbirlərin görülməsi, sərhədlərin bağlanması, karantin rejiminin tətbiq edilməsi, koronavirusla mübarizəyə dəstək fondunun yaradılması, modul tipli xəstəxanaların istifadəyə verilməsi, xarici həkim briqadalarının təcrübə mübadiləsi məqsədilə ölkəmizə səfərlərinin təşkil edilməsi görülən işlərin miqyasından xəbər verir. Dövlət başçısının da qeyd etdiyi kimi, bu il istər pandemiyanın baş verməsi, istərsə də neftin qiymətinin aşağı düşməsinə baxmayaraq, ölkəmizdə icra edilməsi nəzərdə tutulan heç bir sosial layihə yarımçıq qalmayıb və təxirə salınmayıb. Hətta sevindirici haldır ki, məcburi köçkün, şəhid ailələri və Qarabağ müharibəsi əlillərinin, ümumilikdə, isə 45 min nəfər insanın bu il rekord sayda mənzillə təmin edilməsi planlaşdırılır”.

Paylaş:

Baxılıb: 578 dəfə