Dünya bir daha Azərbaycan və Türkiyə həmrəyliyinin təntənəsinə şahidlik etdi

Bakı:

18 °C

88 %

3 m/s

Əlaqə

AZ RU EN

Ana səhifə / YAP xəbərləri / Dünya bir daha Azərbaycan və Türkiyə həmrəyliyinin təntənəsinə şahidlik etdi

Dünya bir daha Azərbaycan və Türkiyə həmrəyliyinin təntənəsinə şahidlik etdi

02.06.2022 [11:43]

Ramil Orucov,

YAP Gəncə şəhər təşkilatının sədri

Azərbaycan və Türkiyə həmrəyliyi, sarsılmaz birliyi bu gün ən yüksək zirvəyə yüksəlib. İki qardaş ölkə əsrlər boyu sevincini, kədərini birgə bölüşüb, istər xoş günlərdə, istərsə də çətin vaxtlarda birlik nümayiş etdiriblər.

Bu gün də iki ölkə başçısının yürütdükləri siyasət Azərbaycan və Türkiyənin bu həmrəyliyini, qardaşlığını daha da möhkəmləndirib, sarsılmaz edib. Son 2 ildə Azərbaycan və Türkiyənin ictimai-siyasi həyatında baş verən proseslər bir daha təsdiq etdi ki, zəfərdə də, quruculuqda da, dünyanı heyran edən layihələri gerçəkləşdirməkdə də iki qardaş dövlət birlikdədir, eyni amal, məqsəd uğrunda birlikdə addımlayırlar.

İki qardaş xalqların bir-birini dəstəklədiyi məqamlar saysız-hesabsızdır və onları sadalamaqla bitməz. Təkcə tarixi Şuşa Bəyannaməsinin imzalanması iki dövlət və onların xalqları arasındakı birliyin, doğmalığın, dostluğun və qardaşlığın növbəti təzahürü oldu. Qürur dolu tarixə nəzər salmaq yerinə düşər. Bu il mayın 14-də qardaş Türkiyə dünyaya səs salacaq möhtəşəm layihəsini təqdim etdi. Türkiyənin qüdrətli lideri Rəcəb Tayyib Ərdoğanın reallaşdırdığı dəniz üzərində tikilmiş dünyanın beşinci hava limanı - Rizə-Artvin aeroportu istifadəyə verildi. Bu təntənəli açılış mərasimini iki qardaş ölkənin prezidentləri birlikdə həyata keçirdilər. Bu açılış mərasimindən cəmi 14 gün sonra, 28 May Müstəqillik Günündə Azərbaycan daha bir beynəlxalq mərasimə evsahibliyi etdi. 2018-ci ildən indiyə qədər yalnız Türkiyədə keçirilən "TEKNOFEST" Aerokosmik və texnologiya festivalı ilk dəfə olaraq Bakıda reallaşdı. Yenə də iki qardaş ölkənin rəhbərləri Azərbaycan Xalq Cümhuriyyətinin yaradılmasının 104-cü ildönümündə Bakıda keçirilən dünyaşöhrətli "TEKNOFEST Azərbaycan" festivalında əl-ələ verib birlikdə dünyaya sülh mesajı ünvanladılar.

İki qardaş xalqın birliyi, onların rəhbərlərinin doğmalığı Azərbaycan və Türkiyə arasındakı ikitərəfli əlaqələrin bütün sahələrdə daha da genişlənməsinə öz müstəsna töhfələrini verir. Məhz, Türkiyənin qüdrətli lideri Rəcəb Tayyib Ərdoğanın və Azərbaycan Prezideni, möhtəşəm Qələbənin Komandanı İlham Əliyevin gələcəyə aydın baxışının, həyata keçirdikləri düzgün, məqsədyönlü siyasətin məntiqi nəticəsi olaraq Azərbaycanla Türkiyə arasında bütün istiqamətlərdə - siyasi, iqtisadi, enerji, nəqliyyat, ticarət, humanitar, regional təhlükəsizlik, hərbi və digər sahələrdə əməkdaşlıq ən yüksək səviyyədədir.

Qardaşlıq münasibətlərinin yeni salnaməsini yazan, bir daha dünyaya iki qardaşın birliyinin əbədi və əzəli olduğunu nunümayiş etdirən "TEKNOFEST Azərbaycan" festivalında Prezident cənab İlham Əliyev bəyan etdi ki, 30 ildir Azərbaycan xalqı azad yaşayır, müstəqillik şəraitində öz həyatını özü qurur və müstəqillik yolu ilə inamla gedir. Bu 30 il ərzində Türkiyə daim Azərbaycanın yanında olub: "Biz 30 il ərzində bu dəstəyi, bu qardaşlıq dəstəyini hər zaman hiss etmişik, bu gün də hiss edirik və bu gün Türkiyə-Azərbaycan yenə də bir yerdədir. Türkiyə-Azərbaycan qardaşlığı, birliyi xalqlarımız üçün əsas yol istiqamətidir, bölgə üçün, dünya üçün də çox önəmli amildir, təhlükəsizlik, sabitlik amilidir”.

"TEKNOFEST Azərbaycan" festivalında iştirak edən Rəcəb Tayyib Ərdoğan da bəyan etdi ki, Türkiyə və Azərbaycan birlikdə hələ neçə-neçə layihələr gerçəkləşdirəcək və bununla da dünyanı təəccübləndirməkdə davam edəcəklər.

"TEKNOFEST Azərbaycan" Aerokosmik və texnologiya festivalının keçirildiyi dörd gün ərzində Azərbaycan və Türkiyə şahinləri mavi səmadan dünyaya sülh mesajları ünvanladı və bir daha Azərbaycan-Türkiyə arasındakı əbədi, əzəli birlik, qardaşlıq nümayiş etdirildi.

Paylaş:

Baxılıb: 525 dəfə