Rəhim Ağalarov: "Ermənistan dövləti Qərbi Azərbaycan torpaqlarının işğalı nəticəsində qurulub"

Bakı:

24 °C

55 %

2 m/s

AZ RU EN

Ana səhifə / Xəbər lenti / Rəhim Ağalarov: "Ermənistan dövləti Qərbi Azərbaycan torpaqlarının işğalı nəticəsində qurulub"

Rəhim Ağalarov: "Ermənistan dövləti Qərbi Azərbaycan torpaqlarının işğalı nəticəsində qurulub"

12.04.2023 [16:23]

"Ermənilər bütün tarix boyu Azərbaycan xalqına qarşı müsibətlər və məşəqqətlər yaşadıblar. Tarix boyu ermənilər Azərbaycan torpaqlarına qarşı işğalçılıq siyasəti yeridiblər. Cənubi Qafqaza təsadüf nəticəsində gəlmiş köçəri erməni tayfaları burada birlik yaradaraq Azərbaycan torpaqlarına qarşı işğalçılıq siyasəti yeridərək qəsbkarlıq edərək məskunlaşıblar".

Bu fikirləri yeniazerbaycan.com-a açıqlamasında Rusiya Yəhudi Konqresinin üzvü Rəhim Ağalarov bildirib.

"Sovet hökumətinin anti-Azərbaycan siyasətinin nəticəsi olaraq Azərbaycanın Qərb torpaqları‚ İrəvan‚ Göyçə və Zəngəzur Azərbaycandan zorla alınaraq ermənilərə verilib. Tarixi Azərbaycan torpaqları üzərində qurulan erməni dövləti tarixdə heç bir zaman mövcud olmayıb. Heç bir tarixi mənbə nə zamansa erməni dövlətinin mövcudluğu barədə hər hansı bir məlumatı təsdiq etmir. 1920-ci ildən sonra Sovet hökuməti tərəfindən İrəvan‚ Göyçə və Zəngəzur ermənilərə verildikdən sonra süni şəkildə məhz bu adı çəkilən Azərbaycan torpaqlarında erməni dövləti yaradılıb. Bu torpaqlar zorla ermənilərə verildikdən sonra burada yaşayan azərbaycanlılara qarşı etnik təmizləmə siyasəti yerildilməyə başlanıldı. Ermənilərin etnik təmizləmə siyasətinin nəticəsi olaraq azərbaycanlılara qarşı zaman-zaman məşəqqətlər yaşadılıb. Müəyyən zaman ərzində buradakı azərbaycanlılar qovularaq zorla çıxarılıb. Sovet hökumətinin sonlarına yaxın isə bu hal daha da intensivləşdi. 1988-ci ildən başlayaraq ermənilər Qərbi Azərbaycanda‚ İrəvan‚ Göyçə və Zəngəzurda yaşayan azərbaycanlıları etnik təmizləmə siyasəti altında deportasiya edərək məcburi köçürtmə prosesinə başladılar. Ermənilərin bu qəsbkarlıq və barbarlıq siyasəti nəticəsində yüz minlərlə insan öz tarixi torpaqlarından didərgin və məcburi köçkün düşdü. Azərbaycanlılar öz evlərindən zorla çıxarılaraq evləri və torpaqları əllərindən alınaraq qəsb edilib‚ bütün haqq və hüquqları tapdalanıb", - deyə Ağalarov bildirib.

Rusiya Yəhudi Konqresinin üzvü qeyd edib ki, artıq azərbaycanlılar öz tarixi torpaqlarına və evlərinə geri qayıtmalıdır. "Ermənistan hökuməti azərbaycanlıların əllərindən alınan evlərini və torpaqlarını geri qaytarmalıdır. Bu‚ Qərbi azərbaycanlıların beynəlxalq hüquqla haqqıdır", - deyə o fikrini yekunlaşdırıb.

Paylaş:

Baxılıb: 570 dəfə