Dostluqdan tərəfdaşlığa: İki ölkənin uğurlu modeli

Bakı:

11 °C

93 %

3 m/s

Əlaqə

AZ RU EN

Ana səhifə / Arxiv / Dostluqdan tərəfdaşlığa: İki ölkənin uğurlu modeli

Dostluqdan tərəfdaşlığa: İki ölkənin uğurlu modeli

09.04.2026 [14:44]

Azərbaycan Respublikası ilə Gürcüstan Respublikası arasında münasibətlər təkcə rəsmi sənədlər və siyasi əlaqələrlə məhdudlaşmır, eyni zamanda iki xalqın tarixən formalaşmış dostluq və qonşuluq münasibətlərinə əsaslanır. Bu əlaqələr illər keçdikcə daha da möhkəmlənmiş və bu gün strateji tərəfdaşlıq səviyyəsinə yüksəlmişdir. Hər iki ölkə bir-birinin suverenliyinə və ərazi bütövlüyünə hörmətlə yanaşır, regionda sülh və sabitliyin qorunması üçün birgə fəaliyyət göstərir.

Siyasi münasibətlər yüksək səviyyədədir və qarşılıqlı səfərlər bu əlaqələrin inkişafında mühüm rol oynayır. Bu baxımdan İlham Əliyevin Gürcüstana etdiyi səfərlər xüsusi əhəmiyyət daşıyır. Bu səfərlər zamanı verilən mesajlar daha çox səmimiyyətə, qarşılıqlı etimada və uzunmüddətli əməkdaşlığa əsaslanır. Prezident İlham Əliyev çıxışlarında dəfələrlə qeyd etmişdir ki, Azərbaycan və Gürcüstan yalnız tərəfdaş deyil, həm də bir-birinə güvənən dost ölkələrdir.

İmzalanan birgə bəyanatlar da bu səmimi münasibətlərin rəsmi ifadəsi kimi çıxış edir. Xüsusilə aşağıdakı sənədlər diqqət çəkir:

“Azərbaycan Respublikası və Gürcüstan Respublikası arasında Strateji tərəfdaşlığın dərinləşdirilməsi haqqında Birgə Bəyanat”

“Azərbaycan Respublikası ilə Gürcüstan Respublikası arasında əməkdaşlığın genişləndirilməsinə dair Birgə Bəyanat”

“Azərbaycan Respublikası və Gürcüstan Respublikası arasında dostluq və tərəfdaşlıq münasibətlərinin inkişafına dair Birgə Bəyanat”

Bu bəyanatlarda təkcə rəsmi əməkdaşlıq deyil, həm də xalqlar arasında qarşılıqlı hörmət, etimad və səmimi münasibətlərin qorunması vurğulanır. Sənədlərdə qeyd olunur ki, iki ölkə bir-birinin uğuruna sevinən, çətin anlarda isə bir-birinə dəstək olan tərəfdaşlardır.İqtisadi sahədə əməkdaşlıq da bu səmimiyyət üzərində qurulmuşdur. Azərbaycan Gürcüstanın əsas enerji tərəfdaşlarından biri kimi çıxış edir. Bakı–Tbilisi–Ceyhan neft kəməri, Bakı–Tbilisi–Ərzurum qaz kəməri və Bakı–Tbilisi–Qars dəmir yolu kimi layihələr yalnız iqtisadi deyil, həm də dostluğun real nəticəsi kimi qiymətləndirilir. Bu layihələr iki ölkə arasında qarşılıqlı etimadın yüksək səviyyədə olduğunu göstərir.Ticarət və turizm sahələrində də əlaqələr ildən-ilə genişlənir. İnsanlar sərbəst şəkildə bir-birinin ölkəsinə səfər edir, mədəniyyətləri yaxından tanıyır və bu da münasibətlərin daha da istiləşməsinə səbəb olur. Gürcüstanda yaşayan azərbaycanlılar və Azərbaycanda yaşayan gürcülər bu dostluğun canlı nümunəsidir.

Təhsil sahəsində də münasibətlər yalnız rəsmi çərçivədə deyil, səmimi əməkdaşlıq ruhunda inkişaf edir. Universitetlər arasında əlaqələr qurulur, tələbə və müəllim mübadiləsi həyata keçirilir. Gürcüstanda yaşayan azərbaycanlı şagirdlərin ana dilində təhsil alması üçün yaradılan şərait və Azərbaycanda gürcü dilinin öyrədilməsi xalqlar arasında qarşılıqlı hörmətin göstəricisidir. Bu sahədə həyata keçirilən layihələr gələcək nəsillərin daha yaxın və anlayışlı olmasına xidmət edir. Beləki, nəticə olaraq, Azərbaycan və Gürcüstan arasında münasibətlər yalnız rəsmi tərəfdaşlıq deyil, həm də səmimi dostluq üzərində qurulmuşdur. Bu münasibətlər qarşılıqlı etimad, hörmət və dəstək prinsiplərinə əsaslanır və gələcəkdə daha da möhkəmlənərək davam edəcəkdir

Gülnar Əlizadə

YAP Şahbuz rayon Təhsil Şöbəsinin Ərazi partiya təşkilatının sədri

Paylaş:

Baxılıb: 295 dəfə