KİV komandaları arasında voleybol turnirində qrup matçları başa çatır

Bakı:

28 °C

61 %

9 m/s

Əlaqə

AZ RU EN

Ana səhifə / İdman / KİV komandaları arasında voleybol turnirində qrup matçları başa çatır

KİV komandaları arasında voleybol turnirində qrup matçları başa çatır

04.05.2010 [09:57]

“Yeni Azərbaycan” qəzetinin komandası 3 turdan sonra öz qrupunda liderliyi ələ alıb
Ulu öndər Heydər Əliyevin anadan olmasının 87-ci ildönümü münasibətilə “Yeni Azərbaycan”, “İki sahil” və “Səs” qəzetlərinin birgə təşkilatçılığı və “Azərsutəchizattikinti” ASC-nin dəstəyi ilə keçirilən kütləvi informasiya vasitələrinin komandaları arasında voleybol turnirində növbəti turun oyunları baş tutdu. Şənbə günü keçirilən II turda bir-birindən maraqlı qarşılaşmalar yaşandı. Əvvəlcə “Ədalət” qəzeti və “Mövqe”+”Futbol+qol” qəzetlərinin birgə komandası qarşı-qarşıya gəldi. Oyun ikincilərin qələbəsi ilə başa çatdı. “İki sahil” və “Həftə içi” qəzetlərinin komandalarının matçında isə daha güclü təsir bağışlayan “İki sahil” qəzetinin komandası meydanı qələbə ilə tərk etdi. SİA-”Kaspi” görüşündə birincilər, “Xalq qəzeti” “Azərbaycan müəllimi” qəzeti görüşündə isə ikincilər qələbə sevinci yaşadılar.
Bu turun ən maraqlı və gərgin mübarizəsi isə komandamızla “Azad Azərbaycan” qəzetinin komandası arasında görüşdə yaşandı. Bu matçda hər iki komanda azarkeşlərə gözəl və maraqlı oyun izlətdirə bildi. Başdan sonacan gərgin mübarizənin yaşandığı birinci seti “Azad Azərbaycan” qəzetinin komandası çətin də olsa 25-23 hesabı ilə öz xeyrinə başa vura bildi. Bu setin sonlarında komandamız 3 xallıq üstünlük əldə etsə də (22-19) rəqibin 6 xal almasına mane ola bilmədi. İkinci set isə daha maraqlı alındı və daha çox çəkdi. Komandamız 24-21 geridə olmasına baxmayaraq, böyük əzmkarlıq və iradə nümayiş etdirərək seti öz xeyrinə başa vurdu (27-25). Sonuncu üçüncü setdə də sözün həqiqi mənasında həyəcan ən yüksək səviyyədə idi. Başa-baş gedən mübarizədən “Yeni Azərbaycan” 15-13 hesabı ilə qalib ayrılaraq turnirin ilk görüşündə ilk qələbəsini əldə etdi. Digər görüşlərdə isə “Xalq cəbhəsi” “Xəzər TV”-ni, İTV “Azərbaycan” qəzetini, “Səs” qəzeti isə “Space” TV-ni 2-0 hesabı ilə məğlub etdi.
Dünən isə III tur çərçivəsində növbəti görüşlər baş tutub. Komandamız bu turda “Xalq qəzeti”nin komandası ilə üz-üzə gəlib. Fəal oyunu ilə seçilən “Yeni Azərbaycan”çılar rəqibini 2-0 hesabı ilə məğlub edərək qrupa vahid liderliyi ələ alıblar. Qrupun digər matçında isə “Azərbaycan müəllimi” qəzetinin komandası “Palitra”+”Paritet” qəzetlərinin birgə komandası üzərində inamlı qələbə qazanıb - 2-0. Digər oyunlarda bu nəticələr qeydə alınıb:
“Mövqe”+”Futbol+qol” qəzeti - “İki Sahil” qəzeti 2-0
İTV - SİA 2-0
AzərTAc - “Azərbaycan” qəzeti 2-0
“Səs” qəzeti - “Xalq cəbhəsi” qəzeti 2-0.
Qeyd edək ki, 3 turdan sonra artıq bəzi komandalar 1/4 finala vəsiqəni təmin ediblər. ümumiyyətlə isə, qruplarda vəziyyət belədir:

A qrupu
1. “Mövqe”+”Futbol+qol” qəzetləri 6 xal
2. “İki Sahil” qəzeti - 5 xal
3. “Ədalət” qəzeti - 5 xal
4. “Həftə içi” qəzeti - 4 xal
5. “Bakı-xəbər” qəzeti - 4 xal

B qrupu
1. İTV - 6 xal
2. Səs İnformasiya Agentliyi (SİA) - 3 xal
3. “Kaspi” qəzeti - 3 xal
4. AzərTAc - 3 xal
5. “Azərbaycan” qəzeti - 0 xal

C qrupu
1. “Yeni Azərbaycan” qəzeti - 6 xal
2. “Azad Azərbaycan” qəzeti - 5 xal
3. “Azərbaycan müəllimi” qəzeti - 5 xal
4. “Xalq qəzeti” - 3 xal
5. “Palitra”+”Paritet” qəzeti - 3 xal

D qrupu
1. “Səs” qəzeti - 6 xal
2. “Xalq cəbhəsi” qəzeti - 5 xal
3. “Space” TV - 0 xal
4. “Xəzər” TV - 0 xal

Bu gün isə turnirdə sonuncu turun oyunları keçiriləcək. Turun mərkəzi görüşündə komandamız “Azərbaycan müəllimi” qəzetinin komandası ilə qarşılaşacaq. Günün təqvimini təqdim edirik:
12:00. “Azad Azərbaycan” qəzeti - “Xalq qəzeti”
12:45. “Həftə içi” qəzeti - “Mövqe”+”Futbol+qol” qəzetlərinin birgə komandası
13:30. SİA - AzərTAc
14:15. “Kaspi” qəzeti - İTV
15:00. “İki sahil” qəzeti - “Ədalət” qəzeti
15:45. “Yeni Azərbaycan” qəzeti- “Azərbaycan müəllimi” qəzeti

Paylaş:

Baxılıb: 1378 dəfə