Kiminə tətil, kiminə cəhənnəm...

Bakı:

23 °C

60 %

5 m/s

Əlaqə

AZ RU EN

Ana səhifə / Maraqlı / Kiminə tətil, kiminə cəhənnəm...

Kiminə tətil, kiminə cəhənnəm...

19.05.2023 [15:36]

Dünyanın ən fərqli "barmaqlıqları"

Şahanə XANKİŞİYEVA

İnsanları bir-birindən fərqləndirən bəzi keyfiyyətlər var: nəfsi, iradəsi və səbri. Bunları düzgün idarə etmədikdə bəzən, həyatımız bahasına səhvlər edə bilərik. Bu, bizi bəzən canımızdan, bəzən də azadlığımızdan məhrum edə bilər. Azadlıq... Bəli, insan həyatı boyunca azadlıq uğrunda vuruşan canlı olub. Ancaq elə bir anlaşılmaz, ani situasiyaya düşə bilər ki, illər boyu qazanmağa çalışdığı azadlığı belə heçə sayar.

Qədim zamanlardan insanların qanunsuz işləri, cinayət hadisələri üçün müəyyən cəzalar verilirdi. Bu ya ölümlə nəticələnirdi, ya da zindana atılırdı. Müasir dövrümüzdə zindanlar həbsxanalarla əvəz olunub. Ancaq edama, ölüm cəzasına gəlincə... Təəssüf ki, ölüm hökmünün hələ də qüvvədə olduğu ölkələr var. Məsələn, Səudiyyə Ərəbistanında ən ağır cinayət törədənlərin başı vurulur, ABŞ-ın bəzi ştatlarında elektrik stulunda ölüm cəzası tətbiq olunur, İran və İraqda dar ağacından asılır, Çində ölüm iynələrindən istifadə olunur, Vyetnamda güllələnir, Əfqanıstanda daş-qalaq edilir.

Gələk günümüzün zindanlarına...

"Kwang Blast"həbsxanası-Tayland

Həbsxana Taylandın Bangkok şəhərindən təxminən 11 kilometr məsafədə yerləşir. Bu həbsxana məhkumlara qarşı müntəzəm edilən işgəncə tətbiqi ilə tanınır. Yenicə daxil olan məhbusların ilk üç ayda ayaqlarına qandal taxırlar. Narkotikdən istifadə, zorlama hadisələri və müxtəlif davalar bu həbsxananın demək olar ki, gündəlik rejimidir.

"Gitara" həbsxanası- Ruanda

Bu həbsxana Ruandada yerləşir və yer üzündə cəhənnəm olaraq təsvir edilir. 500 məhbusun saxlanılması üçün nəzərdə tutulan həbsxanada hazırda 6000-dən çox adam saxlanılır. Sıxlıq səbəbindən ayaq üstə durmağa məcbur olan məhbusların ayaqlarında cürümə prosesləri başlayır. Bəzi məhbuslar üzərində qəddar işgəncələr və tibbi ölümcül təcrübələr aparılır.

İnsan yaranan bir varlıqdır, yaradan yox. Çalışdığımız qədər cəmiyyətdən təcrid olunmuş insanları yenidən həyata qaytarmaq üçün müəyyən addımlar atmalıyıq və bu istiqamətdə müəyyən cəhdlər göstərən cəzaçəkmə müəssisələri də var. Belə ki, bu həbsxanalarda müəyyən şəraitin yaradılmasında məqsəd cinayət törətmiş məhkumların yenidən cəmiyyətə geri qazandırmaqdır. Bunlardan biri də “Torstroym” dur. 250 məhbus üçün nəzərdə tutulan zindanda hər bir şəxs üçün 4 kvadrat metrlik ərazi nəzərdə tutulub. Bu otaqda vanna otağı, soyuducu, şkaf, televizor, pəncərə və yazı masası var. Bundan başqa, məhbuslar üçün kilsə, idman meydançaları, bağça, bostan və hər bir əşya ilə təmin edilmiş mətbəx fəaliyyət göstərir. Əgər məhbus buranın yeməklərindən narazı qalarsa, özü üçün ayrıca yemək bişirə bilər. 5 ildə 160 milyon dollara ərsəyə gələn bina dünyadakı ən yaxşı həbsxana hesab edilir. Bundan başqa “Fuhlsbuettel”, “Cebu”, “Addiewell” kimi həbsxanalar da yaxşı şəraitinə görə dünyaca məşhurdur. Noveçdə yerləşən Halden həbsxanası isə normal bir evdən fəqlənmir, belə ki, evdə olan hər şey burada var. Aşbazlıq və musiqi dərsləri, gəzmək üçün xüsusi yer - hər cür şərait var. Hətta həbsxana bələdçiləri məhbuslarla aralarındakı münasibəti normal saxlamaq üçün silah gəzdirmirlər.

İnsanı heyvanlanlardan fərqləndirən müəyyən xüsusiyyətlər var ki, bunlardan başlıcası şüurdur. Çalışaq ki, “heyvani” yox, insani hisslərlə davranaraq, öz azadlığımızı heç nəyə dəyişməyək.

Paylaş:

Baxılıb: 709 dəfə