III Azərbaycan Beynəlxalq Vokalçılar Festivalı nə ilə yadda qaldı?
22.12.2023 [16:08]
MÜŞFİQƏ
Xəbər verdiyimiz kimi, dekabrın 15-də III Azərbaycan Beynəlxalq Vokalçılar Festivalı başladı. Azərbaycan müğənnilərinin vokal potensialını üzə çıxarmağa imkan verən tədbir Azərbaycan Dövlət Akademik Opera və Balet Teatrının dəstəyilə təşkil olundu. Festivalın ideya müəllifi və bədii rəhbəri isə Əməkdar artisti Ramil Qasımov idi. Festivalın proqramı bir çox mədəni müəssisələri əhatə etdi.
Festivalın ilk günü Azərbaycan Musiqi Mədəniyyəti Dövlət Muzeyində “Klassik vokal ifaçılığı və onun əsasları” adlı konfrans keçirilib. Muzeyin rəhbəri Alla Bayramova çıxışında III Azərbaycan Beynəlxalq Vokalçılar Festivalının önəmini vurğulayıb.
Eləcə də Festival çərçivəsində Fidan Hacıyeva Vokal Musiqi Məktəbinin “Mezzo Piano” adlı konsert təşkil olunub. Məktəbin şagirdlərinin ifasında klassik ariyalar səsləndirilib. Gənc istedadlar Fərid Ziyalı, Mehriban Qasımova, Aydın Əliyev, Rasimə Cəfərova, Məryəm Bağırova, Ülkər Əliyeva, Orxan Cabbarov, Rauf Məmmədzadə, Anar Həmidli, Araz Əsədli çıxış ediblər. Konsertmeysterlər Günel Rəhimova, Könül Abdullayeva, Səmra Həsənli olub.
Eyni zamanda, Bakı Musiqi Akademiyasının Opera studiyasında Cüzeppe Verdinin “Traviata” operası təqdim olunub. Azərbaycan Milli Konservatoriyasının milli vokal kafedrası tələbələrinin konsertində Azərbaycan və xarici ölkə bəstəkarlarının əsərləri ifa edilib. Operanın 170 illik yubileyinə həsr olunmuş tamaşada baş rolları Əməkdar artistlər İnarə Babayeva, Ramil Qasımov, Cahangir Qurbanov ifa ediblər.
III Azərbaycan Beynəlxalq vokalçılar festivalının üçüncü günü isə Gəncədə keçirilən konsertlə yadda qalıb. Xalq artisti Rafael Bayramovun dirijorluğu ilə Gəncə Dövlət Filarmoniyasının kamera orkestri doğma səhnədə çıxış edərək, Azərbaycan və dünya bəstəkarlarının əsərlərini ifa edib.
Xalq artisti Sevinc İbrahimova, Əməkdar mədəniyyət xadimi Mehparə Cəfərova, gənc ifaçılar Rüstəm Cəfərov və Vasif Bayramovun kompozisiyaları səsləndirilib. Tədbirə toplaşanlar, eləcə də Azərbaycan Dövlət Akademik Opera və Balet Teatrının solistləri Taleh Yəhyayev, Mahir Tağızadə və Günel Hacıyevanın çıxışlarını hərarətlə qarşılayıblar.
Əfsanəvi müğənni Müslüm Maqomayevin repertuarında olan ən məşhur mahnılardan biri - “Azərbaycan” mahnısının ifa edilməsi tamaşaçılarda xüsusi coşqunluğa səbəb oldu. Məhz bu kompozisiya tamaşaçıların xahişi ilə konsertin sonunda təkrar ifa olunub.
Habelə Festival çərçivəsində müasir Azərbaycan bəstəkarlarının vokal əsərlərindən ibarət konsert olub. Bu əsərlərin bir çoxu ilk dəfə ifa edilib. Eləcə də dördüncü gününün proqramı Bülbülün Xatirə Muzeyində “Şuşadan İtaliyaya” adlı konsert proqramı ilə başlayıb. Bülbül adına vokal məktəbinin tələbələri dünya və Azərbaycan bəstəkarlarının əsərlərini ifa ediblər.
Festivalın növbəti gününün proqramına Beynəlxalq Muğam Mərkəzində yekun vurulub. Azərbaycanın Xalq artisti, Üzeyir Hacıbəyov adına Bakı Musiqi Akademiyasının professoru Azər Dadaşovun, Üzeyir Hacıbəyovun Ev-Muzeyinin direktoru, bəstəkar, Xalq artisti Sərdar Fərəcovun, gənc bəstəkarlar Tahir İbişov, Tural Məmmədli, Elvin Quliyev, Elnara Dadaşova, Qumru İmamverdiyeva, Toğrul Salmanovun əsərlərini Əməkdar artist Səidə Şərifəliyeva və gənc vokalçılar Şaban Cəfərov, İsmayıl Zeynalov, Şəfa Qəhrəmanova, Katibə Mehdiyeva, Atəş Qarayev, Mələk İsrafilova ifa ediblər. Xalq artisti Samir Cəfərovun ifa etdiyi və musiqisi Tural Məmmədliyə aid olan “Günəşim” əsəri tamaşaçılar tərəfindən gurultulu alqışlarla qarşılanıb.
Festivalın dördüncü gününə yekun vuran Əməkdar artist, III Beynəlxalq Azərbaycan Vokalçılar Festivalının ideya müəllifi və bədii rəhbəri Ramil Qasımov festival çərçivəsində keçirilən bu tədbirin ən əlamətdar gecələrdən biri olduğunu vurğulayıb.
Öz növbəsində, dekabrın 20-də Azərbaycan Dövlət Filarmoniyasının səhnəsində Azərbaycan milli musiqi teatrının banilərindən biri, SSRİ Xalq artisti Bülbülün xatirəsinə həsr olunmuş “Bülbül vokal məktəbi” adlı konsert proqramı təqdim olunub. Azərbaycan Respublikasının Rusiya Federasiyasındakı fövqəladə və səlahiyyətli səfiri, Xalq artisti Polad Bülbül oğlu giriş sözü ilə konserti açaraq Bülbülün adının qorunub saxlanmasına görə minnətdarlığını bildirib.
Azərbaycanın Xalq artistləri Azər Zeynalov, Fidan Hacıyeva, Gülnaz İsmayılova, Əməkdar artistlər İlahə Əfəndiyeva, Ramil Qasımov, Fəridə Məmmədova, Elnarə Məmmədova, Anton Ferştandt, İnarə Babayeva, solistlər Mahir Tağızadə və Taleh Yəhyayevin ifasında Azərbaycan operalarından ariyalar səsləndirilib.
Konsert proqramının sonunda ilk dəfə olaraq bəstəkar Faiq Sücəddinovun İlqar Fəhminin “Rekviyem”inin sözlərinə yazılmış əsəri təqdim olunub. Ümummilli Lider Heydər Əliyevin 100 illiyinə həsr olunmuş bu əsəri Atəş Qarayev və Lalə Sultanlı ifa ediblər.
Ən nəhayət, III Azərbaycan Beynəlxalq Vokalçılar Festivalının təntənəli bağlanış mərasimi isə bu gün Heydər Əliyev Mərkəzində olacaq. Həmin gecədə xüsusi dəvət olunmuş qonaqların iştirakı ilə “Viva Puchchini” proqramında Cakomo Puççininin operalarından əsərlər səsləndiriləcək.
Xəbər lenti
Hamısına bax
Sosial
17 Aprel 08:51
Sosial
17 Aprel 08:30
Gündəm
17 Aprel 08:15
Hərbi
17 Aprel 07:42
Siyasət
17 Aprel 07:32
Siyasət
17 Aprel 07:31
Dünya
16 Aprel 23:12
Dünya
16 Aprel 22:43
Dünya
16 Aprel 22:16
Elm
16 Aprel 21:59
Dünya
16 Aprel 21:20
İqtisadiyyat
16 Aprel 21:09
Dünya
16 Aprel 20:45
Dünya
16 Aprel 20:33
Sosial
16 Aprel 20:18
Dünya
16 Aprel 19:51
Dünya
16 Aprel 19:31
Dünya
16 Aprel 19:27
Gündəm
16 Aprel 18:59
Dünya
16 Aprel 18:23
YAP xəbərləri
16 Aprel 17:55
Siyasət
16 Aprel 17:32
YAP xəbərləri
16 Aprel 17:20
Dünya
16 Aprel 17:19
Sosial
16 Aprel 17:16
Hadisə
16 Aprel 16:28
Dünya
16 Aprel 16:09
Sosial
16 Aprel 15:52
Siyasət
16 Aprel 15:50
Dünya
16 Aprel 15:32
Siyasət
16 Aprel 15:22
Sosial
16 Aprel 15:20
Siyasət
16 Aprel 15:10
Gündəm
16 Aprel 14:51
Sosial
16 Aprel 14:41
Sosial
16 Aprel 14:15
Siyasət
16 Aprel 13:53
Sosial
16 Aprel 13:34
Gündəm
16 Aprel 12:51
Sosial
16 Aprel 12:42
İqtisadiyyat
16 Aprel 12:42
İqtisadiyyat
16 Aprel 12:41
Gündəm
16 Aprel 12:27
Siyasət
16 Aprel 12:15
İqtisadiyyat
16 Aprel 11:53
İqtisadiyyat
16 Aprel 11:30
Gündəm
16 Aprel 11:12
Siyasət
16 Aprel 10:49
İqtisadiyyat
16 Aprel 10:35
MEDİA
16 Aprel 10:11
Analitik
16 Aprel 09:58
Gündəm
16 Aprel 09:31
Gündəm
16 Aprel 09:15
Sosial
16 Aprel 08:50
Elm
16 Aprel 08:39
Dünya
15 Aprel 23:25
Dünya
15 Aprel 23:10
Dünya
15 Aprel 22:41
Dünya
15 Aprel 22:19
YAP xəbərləri
15 Aprel 22:18
Dünya
15 Aprel 21:54
Sosial
15 Aprel 21:28
YAP xəbərləri
15 Aprel 21:23
YAP xəbərləri
15 Aprel 21:19
İdman
15 Aprel 20:45
Elanlar
15 Aprel 20:39
Siyasət
15 Aprel 20:26
Dünya
15 Aprel 20:17
Dünya
15 Aprel 19:50
Dünya
15 Aprel 19:22
