YAP-ın Sədr müavini Əli Əhmədov Berlində bir sıra görüşlər keçirib

Bakı:

20 °C

72 %

9 m/s

Əlaqə

AZ RU EN

Ana səhifə / Siyasət / YAP-ın Sədr müavini Əli Əhmədov Berlində bir sıra görüşlər keçirib

YAP-ın Sədr müavini Əli Əhmədov Berlində bir sıra görüşlər keçirib

02.03.2013 [10:03]

YAP-ın nümayəndə heyəti Almaniyada rəsmi səfərdə olub
Yeni Azərbaycan Partiyasının (YAP) Sədr müavini-İcra katibi, Milli Məclisin deputatı Əli Əhmədovun başçılıq etdiyi YAP nümayəndə heyəti 24-28 fevral tarixlərində Almaniyada rəsmi səfərdə olub. SİA-nın məlumatına görə, YAP-ın Sədr müavini Əli Əhmədov səfər çərçivəsində Almaniya Bundestaqının üzvü, Xarici Məsələlər üzrə Komitənin üzvü, Xristian Demokratik İttifaqı (XDİ) və Xristian Sosialist İttifaqı (XSİ) fraksiyasının xarici siyasət üzrə sözçüsünün müavini Karl-Georg Vellmann, Almaniya Xristian Demokratik İttifaqının Beynəlxalq Əməkdaşlıqlar şöbəsinin müdiri Bertil Venger, Almaniya Bundestaqının üzvü, Bundestaqda fraksiyanın sədr müavini, partiyanın idarə heyətinin üzvü, doktor Michael Fuchs, Bundeskansleramtın Orta, Şərqi və Cənubi-Şərqi Avropa ölkələri, habelə Mərkəzi Asiya və Cənubi Qafqaz ilə Bilateral Münasibətlər şöbəsinin müdiri Kristof İsrang, Bundestaqın üzvü, Bundestaqın XDİ-XSİ fraksiyasının xarici siyasət üzrə sözçüsü Philipp Mibfelder, Bundestaqın üzvü, Xarici məsələlər komitəsinin sədri, XDİ-XSİ fraksiyasının idarə heyətindəki məsləhətçisi Ruprecht Polenz, Bundestaqın üzvü, XDİ-XSİ fraksiyasının enerji siyasəti üzrə koordinatoru və bu fraksiyanın idarə heyətinin üzvü Tomas Bareib, Bundestaqın üzvü, XDİ-XSİ fraksiyasının Almaniya-Cənubi Qafqaz Parlamentlərarası Qrupunun mədəniyyət və mediya siyasəti üzrə sözçüsü Wolfgang Börnsen, Bundestaqın üzvü, Xarici Məsələlər Komitəsinin üzvü Manfred Grund ilə səmərəli görüşlər keçirib.
YAP-ın Sədr müavini Əli Əhmədov, həmçinin Almaniyanın paytaxtında Konrad Adenauer Fondunun Baş katibinin müavini, Avropa və Beynəlxalq Əməkdaşlıq şöbəsinin müdiri doktor Gerhard Vahlers ilə görüşüb.
Görüşlərdə Ermənistan-Azərbaycan, Dağlıq Qarabağ münaqişəsinin həlli yolları, Almaniyanın bu prosesdə ədalətli mövqeyi, Avropa strukturlarının prosesdə daha aktiv iştirakının təmin edilməsi, Avropanın enerji təhlükəsizliyinin təmin edilməsində Azərbaycanın rolu, Xristian Demokrat İttifaqı ilə YAP arasındakı əlaqələrin inkişaf etdirilməsi, YAP Gənclər Birliyi ilə birgə layihələrin həyata keçirilməsi, YAP ilə Avropa Xalqları Partiyası (EPP) arasındakı mövcud münasibətlərin daha da inkişaf etdirilməsində XDİ-nin rolu və s. məsələlər ətrafında geniş və səmərəli müzakirələr aparılıb.
Keçirilən görüşlərdə YAP-ın Beynəlxalq əlaqələr şöbəsinin müdiri Asəf Hacıyev və YAP Gənclər Birliyinin sədr müavini Ramin Məmmədov iştirak ediblər.

Paylaş:

Baxılıb: 1153 dəfə