Ümummilli lider Heydər Əliyevin 90 illik yubileyi ilə əlaqədar elan edilmiş beynəlxalq müsabiqənin qalibləri mükafatlandırılıblar

Bakı:

26 °C

45 %

4 m/s

AZ RU EN

Ana səhifə / Siyasət / Ümummilli lider Heydər Əliyevin 90 illik yubileyi ilə əlaqədar elan edilmiş beynəlxalq müsabiqənin qalibləri mükafatlandırılıblar

Ümummilli lider Heydər Əliyevin 90 illik yubileyi ilə əlaqədar elan edilmiş beynəlxalq müsabiqənin qalibləri mükafatlandırılıblar

08.05.2013 [04:32]

Ümummilli lider Heydər Əliyevin 90 illik yubileyi ilə əlaqədar elan edilmiş beynəlxalq yazı müsabiqəsi qaliblərinin mayın 7-də mükafatlandırılması mərasimi keçirilib.
AzərTAc xəbər verir ki, Ulu öndər Heydər Əliyevin 90 illik yubileyi ilə əlaqədar Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının keçirdiyi beynəlxalq yazı müsabiqəsinə daxil olmuş məqalələrin qiymətləndirilməsi mərhələsi başa çatıb. Fevralın 15-də elan olunmuş müsabiqə barədə məlumat Azərbaycanın Türkiyə, Rusiya, Gürcüstan, Ukrayna, Qazaxıstan və Rumıniyadakı səfirlikləri vasitəsilə bu ölkələrin ictimaiyyətinin diqqətinə çatdırılıb. Bu müsabiqə barədə xəbər böyük marağa səbəb olub.
Beynəlxalq müsabiqəyə Ulu öndər Heydər Əliyevin şərəfli həyat yolu və fəaliyyətinə, Azərbaycanın dünyanın müxtəlif ölkələri ilə dostluq və əməkdaşlıq əlaqələrinin yaradılmasında, inkişafında dahi şəxsiyyətin əvəzsiz xidmətlərinə dair yazılar daxil olunub.
Əvvəlcə Ulu öndərin həyat və fəaliyyətindən bəhs edən film təqdim edilib.
Sonra Azərbaycan Respublikası Prezidenti yanında QHT-lərə Dövlət Dəstəyi Şurasının sədri Azay Quliyev Ümummilli liderin Azərbaycan dövlətinin yenidən qurulmasındakı əvəzsiz rolundan danışıb və müsabiqənin əhəmiyyəti haqqında fikirlərini bölüşüb.
Müsabiqə komissiyanın sədri, Milli Məclisin deputatı Elmira Axundova Ulu öndərin şərəfli ömür yolundan danışaraq vurğulayıb ki, bu cür tədbirlər dahi şəxsiyyətin zəngin fəaliyyətini işıqlandırmaq üçün geniş imkanlar yaradır.
Tədbirdə Azərbaycan Respublikası Prezidenti Administrasiyasının İctimai-siyasi məsələlər şöbəsinin müdiri Əli Həsənov çıxış edib. Şöbə müdiri vurğulayıb ki, siyasi, iqtisadi, mədəni fəaliyyətdə əvəzolunmaz şəxsiyyət olan Ulu öndərin xidmətləri təkcə Azərbaycanda deyil, bütün dünyada hiss olunur. Heydər Əliyev Azərbaycan xalqının həqiqi lideridir və ölkəmiz üçün Onun xidmətləri əvəzolunmazdır. Heydər Əliyevin tək Azərbaycanın deyil, bütün Avropanın enerji təhlükəsizliyinin təmin edilməsində əvəzsiz xidmətləri danılmazdır.
Məhz buna görə də Heydər Əliyev şəxsiyyəti bütün dünyanın marağını cəlb edir. Onilliklər keçsə də, Heydər Əliyev irsi yaşayacaq və bütün dünyada yayılacaq.
Müsabiqənin əhəmiyyətinə də toxunan Əli Həsənov deyib ki, Ulu öndər Heydər Əliyevin fəaliyyətinin dünyada dəyərləndirilməsi Azərbaycan xalqına qürur verir.
Əli Həsənov bildirib: “Liderlərin taleyi birbaşa böyük yaradan tərəfindən müəyyən olunur, bir xalqın, bəşəriyyətin taleyində mühüm rol oynayır. Təsadüfi deyil ki, Avrasiya regionunu əhatə edən dövlətlərin jurnalistləri Heydər Əliyevin fəaliyyətini, bu liderin xalqına və bölgə xalqlarına verdiyi dəyərləri qiymətləndirirlər. Ümummilli lider Heydər Əliyev XX əsrin sonlarında, XXI əsrin əvvəllərində Qərb ilə Şərq arasında sosial-iqtisadi, mədəni körpülərin salınması sahəsində bəşəri fəaliyyət göstərmişdir. Dahi şəxsiyyətin irsi təkcə xalqının deyil, dünya siyasətşünaslarının, jurnalistlərinin tədqiqat obyektinə çevriləcəkdir. Bu gün artıq biz bunu görürük”.
Sonra Rusiya, Türkiyə, Gürcüstan, Rumıniya, Qazaxıstan, Ukraynadan olan qaliblərə mükafatlar və müsabiqənin diplomları təqdim olunub.

Paylaş:

Baxılıb: 1160 dəfə