Məlahət İbrahimqızı: Azərbaycan güclü ordu yaratmağı prioritet istiqamət kimi müəyyənləşdirib

Bakı:

22 °C

60 %

16 m/s

Əlaqə

AZ RU EN

Ana səhifə / Siyasət / Məlahət İbrahimqızı: Azərbaycan güclü ordu yaratmağı prioritet istiqamət kimi müəyyənləşdirib

Məlahət İbrahimqızı: Azərbaycan güclü ordu yaratmağı prioritet istiqamət kimi müəyyənləşdirib

03.07.2018 [09:40]

“Bu gün dünyanın ayrı-ayrı bölgələrində güc amili önə çəkilir, məhz gücdən istifadə etməklə başqa dövlətlərin ərazi bütövlüyü pozulur, torpaqları işğala məruz qalır. Təəssüf ki, belə halların qarşısını almaq üçün beynəlxalq hüquq işləmir”. Bu fikirləri Yeni Azərbaycan Partiyası (YAP) Siyasi Şurasının üzvü, Milli Məclisin deputatı Məlahət İbrahimqızı deyib.
M.İbrahimqızı bildirib ki, belə məqamlarda beynəlxalq hüquq işləmir, əksinə oxşar münaqişələrin həllində ikili standartlar nümayiş etdirilir. Onun sözlərinə görə, Azərbaycan da ikili standartlardan əziyyət çəkən ölkədir.
“Azərbaycan güclü, ən yüksək səviyyədə təchizata malik ordu yaratmağı prioritet istiqamət kimi müəyyənləşdirib. Prezident İlham Əliyev Azərbaycan Respublikası Silahlı Qüvvələrinin yaradılmasının 100 illik yubileyi münasibətilə iyunun 26-da Bakının Azadlıq meydanında keçirilən təntənəli hərbi paraddakı nitqində ölkəmizin ordu quruculuğu ilə bağlı hədəfinə bir daha diqqət çəkərək vurğulayıb ki, ordu quruculuğu bizim üçün ən başlıca, ən prioritet məsələdir. İşğalçı Ermənistan münaqişənin həlli ilə bağlı aparılan sülh danışıqlarında qeyri-səmimi mövqe tutaraq bütün substantiv təkliflərdən imtina edir. Bununla belə, Ermənistanın xarici havadarlarının göstərişi və himayəsi ilə apardığı işğalçılıq siyasəti bu ölkənin özünə də heç bir fayda gətirməyib. Getdikcə daha aydın görünür ki, bu ölkə öz işğalçılıq siyasətinin girovuna, qurbanına çevrilib. İşğalçı dövlətin rəzil duruma düşməsində Azərbaycanın davamlı təzyiq siyasəti mühüm rol oynayıb. Məlumdur ki, Azərbaycan dünya dövlətlərinin və beynəlxalq təşkilatların mövqeyinə, həmçinin xalqımızın xoş məramına əsaslanaraq ATƏT-in Minsk qrupu vasitəsilə aparılan danışıqlara sadiqlik göstərir, o mövqedən çıxış edir ki, münaqişə qan-qadasız həllini tapsın. Bununla belə, Azərbaycan həm də işğalçı dövlətə qarşı davamlı təzyiq siyasəti həyata keçirir. Ölkəmizin, Prezident İlham Əliyevin qətiyyəti sayəsində işğalçı Ermənistan regionda reallaşdırılan bütün enerji və nəqliyyat layihələrindən kənarda qalıb. Bakı-Tbilisi-Ceyhan, Bakı-Tbilisi-Ərzurum, Cənub Qaz Dəhlizi, Bakı-Tbilisi-Qars kimi regional və qlobal əhəmiyyət daşıyan layihələr Ermənistandan yan keçməklə çəkilib. Perspektivdə isə Şimal-Cənub nəqliyyat dəhlizi də işğalçı ölkədən yan keçəcək. Erməni lobbisinin pullarına satılan xaricdəki bəzi mərkəzlərin ciddi-cəhdlərinə baxmayaraq, Azərbaycan Ermənistanı bütün regional layihələrdən təcrid siyasətini bundan sonra da davam etdirəcək. Azərbaycan indiyədək Ermənistanı təzyiq altında saxlayıb və bundan sonra da saxlayacaq” - deyə, YAP Siyasi Şurasının üzvü vurğulayıb.

Paylaş:

Baxılıb: 626 dəfə