Azərbaycan Cənubi Qafqazda təhlükəsizliyin qorunmasında, enerji daşıyıcılarının şaxələndirilməsində mühüm rol oynayır

Bakı:

11 °C

87 %

8 m/s

AZ RU EN

Ana səhifə / Siyasət / Azərbaycan Cənubi Qafqazda təhlükəsizliyin qorunmasında, enerji daşıyıcılarının şaxələndirilməsində mühüm rol oynayır

Azərbaycan Cənubi Qafqazda təhlükəsizliyin qorunmasında, enerji daşıyıcılarının şaxələndirilməsində mühüm rol oynayır

14.08.2010 [09:06]

Azərbaycan Cənubi Qafqazda, xüsusən də Xəzər dənizində təhlükəsizliyin qorunmasında, enerji daşıyıcılarının şaxələndirilməsində mühüm rol oynayır. Azərbaycan Silahlı Qüvvələri nümayəndələrinin beynəlxalq sülhyaratma əməliyyatlarında iştirakı da bizim üçün xüsusi əhəmiyyət kəsb edir.
Bu sözləri ABŞ Senatının xarici əlaqələr komitəsinin Bakıda səfərdə olan əməkdaşı Marik Strinq dünən Milli Məclisdə parlamentin Təhlükəsizlik və müdafiə komitəsinin üzvləri ilə görüşdə deyib.
Milli Məclisin Təhlükəsizlik və müdafiə komitəsinin üzvü Siyavuş Novruzov qonağa parlamentin fəaliyyəti, strukturu barədə məlumat verib. O, deyib ki, Azərbaycan ilə ABŞ arasında münasibətlər strateji tərəfdaşlıq səviyyəsinə yüksəlib. ABŞ-ın Cənubi Qafqazın digər dövlətləri ilə də yaxşı münasibətləri var. Amma Azərbaycan daha çox təzyiqlərlə üzləşir və bu da ölkə ictimaiyyəti tərəfindən haqlı narazılığa səbəb olur. Artıq bir ildir ki, ABŞ-ın ölkəmizə səfir təyin etməməsi də buna sübutdur.
Azərbaycan özünün sadiq tərəfdaş olduğunu dəfələrlə sübut edib. ölkəmiz antiterror əməliyyatlarında və beynəlxalq sülhyaratma əməliyyatlarında fəal iştirak edir. NATO və digər nüfuzlu beynəlxalq təşkilatlar Azərbaycanın fəaliyyətini yüksək qiymətləndirirlər.
S.Novruzov Ermənistan-Azərbaycan, Dağlıq Qarabağ münaqişəsi barədə də ətraflı məlumat verib, işğal olunmuş ərazilərimizin silah qaçaqmalçılığı, terrorçu qrupların hazırlanması, narkotik maddələrin yetişdirilməsi, eləcə də radioaktiv tullantıların basdırılması üçün poliqona çevrildiyini qonağın diqqətinə çatdırıb.
Azərbaycana səfərdən məmnunluğunu vurğulayan Marik Strinq senator Riçard Luqarın salamlarını deputatlarımıza çatdırıb. O, bildirib ki, senator Riçard Luqar Azərbaycan ilə təhlükəsizlik, enerji daşıyıcıları dəhlizinin genişləndirilməsi və digər sahələrdə əməkdaşlığın daha da inkişaf etdirilməsinin tərəfdarıdır. Azərbaycan həqiqətən də çox etibarlı tərəfdaşdır. Bəzi məsələlər, xüsusən də səfirin təyinatının ləngiməsi daxili prosedur qaydalarla əlaqədardır. ümid edirik ki, bu məsələ yaxın vaxtlarda öz həllini tapacaq.
Görüşdə qarşılıqlı maraq doğuran digər məsələlər ətrafında fikir mübadiləsi aparılıb.

Paylaş:

Baxılıb: 1060 dəfə