Tarixi şəxsiyyətlərinə hörmət etməyən xalqa heç kim hörmət etməz

Bakı:

10 °C

93 %

5 m/s

Əlaqə

AZ RU EN

Ana səhifə / Siyasət / Tarixi şəxsiyyətlərinə hörmət etməyən xalqa heç kim hörmət etməz

Tarixi şəxsiyyətlərinə hörmət etməyən xalqa heç kim hörmət etməz

02.12.2010 [09:34]

Mübariz Qurbanlı: Azərbaycanda da Heydər Əliyev şəxsiyyətinin fəaliyyətini təhrif edənlərin qarşısını almaq üçün qanun qəbul olunmalıdır
“ümummilli lider Heydər Əliyev Azərbaycan xalqı üçün müqəddəs bir şəxsiyyətdir. Ulu öndər Heydər Əliyevin Azərbaycan tarixində yeri və rolu o qədər böyükdür ki, Ona qarşı azərbaycanlıların qəlbində hörmət və sevgi hüdudsuzdur”. Bunu Yeni Azərbaycan Partiyası (YAP) İcra katibinin müavini, millət vəkili Mübariz Qurbanlı deyib. Onun sözlərinə görə, ümummilli lider Heydər Əliyevin Azərbaycan dövlətinin və xalqının həyatındakı tarixi rolunu və fəaliyyətini aşağılamağa cəhd edən hansısa məhdud düşüncəli birinin “kitab” yazmasına sadəcə qəzəblənmək olar: “Düşüncə səviyyəsi aşağı olan, özünü “yazar” adlandıran və “kitab” adı altında əsassız fikirlərlə dolu cızma-qaralar yazan birisinə cavab vermək mənasız yerə enerji itirməkdir. Amma çox təəssüflər olsun bəzən turqut ərlər kimilərinə cavab vermək məcburiyyətində qalırıq”.
Haqqında danışdığımız “kitabın” bəzi hissələrinə isə ölkəmizdə nəşr olunan bulvar qəzetlərindən birində yer verildiyini vurğulayan Mübariz Qurbanlı diqqətə çatdırıb ki, həmin qəzetin rəhbərliyi də turqut ərlər səviyyəsindədir: “Bu gün Azərbaycanla Türkiyə arasındakı qardaşlıq və dostluq münasibətlərini bu cür cızma-qaralarla pozmaq mümkün deyil”.
Azərbaycanın qüdrətlənməsini və qardaş ölkənin güclənməsini istəməyən qüvvələrin olduğunu söyləyən Mübariz Qurbanlı vurğulayıb ki, bunların başında Ermənistan və erməni lobbisi dayanıb. “WikiLeaks” internet saytında Azərbaycan və Türkiyə ilə bağlı yer almış fikirləri xatırladan millət vəkili qeyd edib ki, bütün bu proseslər məqsədyönlü şəkildə aparılan işdir və hansısa qüvvələr iki qardaş ölkə arasındakı münasibətlərin pozulmasına cəhd göstərir: “Turqur ərlər kimi Türkiyə mətbutında yer almış “yazarlar”ın da məhz həmin qara niyyətli məqsədə və qüvvələrə xidmət etdiklərini görürük”.
“Tarixi şəxsiyyətlərinə hörmət etməyən xalqa heç kim hörmət etməz” - deyən Mübariz Qurbanlı bildirib ki, Ulu öndər Heydər Əliyev Azərbaycan xalqının tarixi lideridir və Ona qarşı deyilə biləcək “sözlər” hər bir azərbaycanlının qəlbinə atılan daşdır: “Zaman-zaman müxtəlif formalarda hansısa şəxslər tarixi saxtalaşdırmağa cəhd göstəriblər. Elə Türkiyənin özündə də bu dövlətin tarixini, Atatürkün özünü və onun ölkəsinin həyatında oynadığı rolu alçatlmağa çalışan müxtəlifyönlü yazılar, kitablar nəşr olunub. Bu baxımdan da, Atatürk irsinin qorunub saxlanılmasına, onun şəxsiyyətinə qarşı yönəlmiş təxribat xarakterli hərəkətlərin qarşısını almaq üçün Türkiyə Respublikasının Konstitusiyasına xüsusi maddə də daxil edilib. Bu maddəyə görə, Atatürk şəxsiyyətinin və onun Türkiyənin tarixindəki rolunun aşağılanmasına görə cinayət işi açılır. Düşünürəm ki, bu doğru bir qərardır. çünki, Türkiyədə bəzi naxələflər, erməni kökənlilər tərəfindən bu ölkənin həyatında xüsusi rol oynamış tarixi şəxsiyyətə qarşı təhqiramiz fikirlərlə dolu kitablar yazmağa cəhdlər olub. Ona görə də, mən də bu cür cəhdləri pisləyirəm. Düşünürəm ki, Türkiyədə olduğu kimi, Azərbaycanda da Heydər Əliyev şəxsiyyətinin fəaliyyətini təhrif edənlərin qarşısını almaq üçün qanun qəbul olunmalıdır. Bu yolla da biz tarixi şəxsiyyətlərimizin rolunu, fəaliyyətini təhrif etməyə cəhd göstərənlərə hüquqi yolla cavab verməliyik”.
Ramil VƏLİBƏYOV

Paylaş:

Baxılıb: 1019 dəfə