Azərbaycanda böyük Atatürkə sevgi və rəğbət olmuş və bundan sonra da olacaqdır

Bakı:

25 °C

61 %

5 m/s

Əlaqə

AZ RU EN

Ana səhifə / Siyasət / Azərbaycanda böyük Atatürkə sevgi və rəğbət olmuş və bundan sonra da olacaqdır

Azərbaycanda böyük Atatürkə sevgi və rəğbət olmuş və bundan sonra da olacaqdır

13.01.2011 [09:20]

Əli Əhmədov: YAP tərəfindən guya Atatürkə qarşı kitab hazırlanacağı haqqında qərəzli yalanların müəllifləri öz çirkin niyyətlərinə nail ola bilməyəcəklər
APA informasiya agentliyi son günlər bir sıra mətbu orqanlarında, xüsusilə də, Ermənistan kütləvi informasiya vasitələrində guya Yeni Azərbaycan Partiyası tərəfindən Mustafa Kamal Atatürk əleyhinə kitab hazırlandığına dair şayiələrə aydınlıq gətirilməsi ilə bağlı YAP-ın Sədr müavini-İcra katibi Əli Əhmədova müraciət edib. Bununla bağlı Əli Əhmədov bildirib: “Qətiyyətlə bildirirəm ki, bu nəinki həqiqətə uyğun deyil, həm də məkrli yalandır. Hədəf isə Türkiyə - Azərbaycan dostluğudur. Bəzi məlum dairələr və ayrı - ayrı şəxslər Azərbaycan - Türkiyə qardaşlığına zərbə vurmaq üçün çox müxtəlif üsullara əl atır, yalanlar uydurur, tarixi həqiqətləri saxtalaşdıran kitablar belə yazırlar. Yeni Azərbaycan Partiyası belə cəhdləri qətiyyətlə pisləyir, onlara qarşı mübarizə aparır. Böyük Atatürkə münasibətə gəldikdə isə onu deyə bilərəm ki, Yeni Azərbaycan Partiyası həmişə bu həqiqətə istinad edib və bu gün də istinad etməkdədir ki, Türkiyə Respublikasının qurucusu Mustafa Kamal Atatürkün fəaliyyəti, onun Azərbaycan və Türkiyə birliyi üçün gördüyü böyük işlər hər zaman Azərbaycan xalqı tərəfindən yüksək qiymətləndirilmişdir. Partiyamızın yaradıcısı Ulu öndər Heydər Əliyev də Atatürkün tarixi roluna daim yüksək qiymət verərdi. Təsadüfi deyil ki, ölkəmizdə ümummilli lider Heydər Əliyevin Sərəncamı ilə Atatürkün parlaq şəxsiyyətini, həyat yolunu, fəaliyyətini və zəngin siyasi irsini araşdıran Atatürk Mərkəzi yaradılmışdır. Bu gün isə Prezident İlham Əliyev Türkiyə - Azərbaycan dostluğuna böyük diqqət göstərir. Onun göstərişi ilə Bakı şəhərində Atatürkün abidəsi ucaldılmış və Atatürk Mərkəzinin fəaliyyəti daha da genişlənmişdir. Bütün bu faktlar göstərir ki, Azərbaycanda böyük Atatürkə sevgi və rəğbət olmuş və bundan sonra da olacaqdır.
İnanıram ki, bəzi mətbu orqanlarında Yeni Azərbaycan Partiyası tərəfindən guya Atatürkə qarşı kitab hazırlanacağı haqqında yayılan qərəzli məlumatların müəllifləri öz çirkin niyyətlərinə nail ola bilməyəcəklər. Böyük Atatürkün zamanında söylədiyi “Azərbaycanın kədəri bizim kədərimiz, sevinci sevincimizdir” və Ulu öndər Heydər Əliyevin “Bir millət, iki dövlət” deyimləri Türkiyə və Azərbaycan xalqlarının söykəndiyi başlıca prinsipdir. Həmin prinsiplər Yeni Azərbaycan Partiyası üçün də böyük məna və əhəmiyyət kəsb edir”.

Paylaş:

Baxılıb: 1060 dəfə