GRBSÂ® Beynəlxalq Tədris Mərkəzi daha bir təlimi yekunlaşdırıb

Bakı:

13 °C

94 %

8 m/s

Əlaqə

AZ RU EN

Ana səhifə / Siyasət / GRBSÂ® Beynəlxalq Tədris Mərkəzi daha bir təlimi yekunlaşdırıb

GRBSÂ® Beynəlxalq Tədris Mərkəzi daha bir təlimi yekunlaşdırıb

29.04.2011 [10:02]

24 mühasib Milli Sertifikat alıb
GRBS® Beynəlxalq Tədris Mərkəzi Sertifikatlaşdırılmış Milli Peşəkar Mühasib Kvalifikasiyasının “Mühasibat Uçotu üzrə Milli Sertifikat” imtahanlarını uğurla başa vuran bir qrup mühasibi Milli Sertifikatlarla təltif edib. Bununla bağlı keçirilən tədbirdə 24 iştirakçı Mühasibat Uçotu üzrə Milli Sertifikata və 30-dan çox iştirakçı isə təlimdə iştirak haqqında Sertifikata yiyələnib.Təltif edilənlər arasında Azərbaycan Respublikası Dövlət Neft Şirkəti (ARDNŞ), Lukoil Azərbaycan, Nobel Oil, Salyan Neft, Qobustan Neft, BASF Kaspian, Bakı Banklararası Valyuta Birjası, Xəzər Beynəlxalq İnvestisiya Şirkəti, Unibank və digər şirkətləri təmsil edən mühasiblər var.
Qeyd edək ki, Sertifikatlaşdırılmış Milli Peşəkar Mühasib Kvalifikasiyası mühasib və auditorlar üçün beynəlxalq səviyyədə tanınan, həmçinin, Azərbaycan Respublikası Maliyyə Nazirliyi tərəfindən təsdiqlənən Beynəlxalq və Milli Mühasibat Uçotu Standartlarına və müvafiq qanunvericiliyə əsaslanan milli peşəkar kvalifikasiyadır. İşəgötürənlər və mühasiblər tərəfindən böyük maraq və rəğbətlə qarşılanan Sertifikatlaşdırılmış Milli Peşəkar Mühasib Kvalifikasiyası mühasib və auditorlar üçün beynəlxalq səviyyədə tanınır. Sənəd Azərbaycan Respublikası Maliyyə Nazirliyi tərəfindən təsdiqlənən Beynəlxalq və Milli Mühasibat Uçotu Standartlarına və müvafiq qanunvericiliyə əsaslanır. Kvalifikasiya Azərbaycan Respublikası Auditorlar Palatası ilə əməkdaşlıq çərçivəsində GRBS® Beynəlxalq Tədris Mərkəzi tərəfindən təqdim edilən milli peşəkar kvalifikasiyadır.
Sertifikatlaşdırılmış Milli Peşəkar Mühasibat Kvalifikasiyası Azərbaycan Respublikası Prezidenti İlham Əliyev tərəfindən təsdiqlənən 29 iyun 2004-cü il tarixli “Mühasibat uçotu haqqında” Azərbaycan Respublikası Qanununa əsaslanaraq hazırlanıb. Xatırladaq ki, bu qanuna əsasən, Azərbaycanda fəaliyyət göstərən təşkilat və şirkətlər 1 yanvar 2008-ci il tarixindən etibarən Milli və Beynəlxalq Maliyyə Hesabatı Standartlarına keçib.
Beynəlxalq Mühasiblər Assosiasiyasının (IFAC) üzvü olan Azərbaycan Respublikası Auditorlar Palatası ilə Sertifikatlaşdırılmış İmtiyazlı Mühasiblər Assosiasiyasının (ACCA) Azərbaycanda eksklüziv akkreditə olunmuş tədris partnyoru GRBS® arasında imzalanan əməkdaşlıq sazişinə əsasən kursların sonunda Sertifikatlaşdırıcı imtahan təşkil edilir. İmtahanda uğur qazanan namizədlərə Milli Sertifikat və Diplomlar təqdim edilir.
Əsas üstünlük ondan ibarətdir ki, Sertifikatlaşdırılmış Milli Peşəkar Mühasib Kvalifikasiyası müvafiq sahə üzrə peşəkarlıq nümunəsi kimi tanınan və qəbul edilən kvalifikasiyadır.
RUHİYYƏ

Paylaş:

Baxılıb: 1005 dəfə