Mübariz Qurbanlı: "Eurovision-2011" mahnı müsabiqəsində qazanılan qələbə Azərbaycan üçün qürur mənbəyidir

Bakı:

11 °C

87 %

7 m/s

AZ RU EN

Ana səhifə / Siyasət / Mübariz Qurbanlı: "Eurovision-2011" mahnı müsabiqəsində qazanılan qələbə Azərbaycan üçün qürur mənbəyidir

Mübariz Qurbanlı: "Eurovision-2011" mahnı müsabiqəsində qazanılan qələbə Azərbaycan üçün qürur mənbəyidir

17.05.2011 [03:25]

“Eurovision-2011” mahnı müsabiqəsində Azərbaycan təmsilçilərinin qələbəsi olduqca əhəmiyyətli hadisədir. Bütün istiqamatlərdə təhlil etsək, bu qələbə Azərbaycan üçün qürur mənbəyidir. Yeni Azərbaycan Partiyası (YAP) da bu qələbəni çox böyük sevinclə qarşılayır”. Bu fikirləri “www.yap.org.az” saytına açıqlamasında YAP İcra katibinin müavini, Milli Məclisin deputatı Mübariz Qurbanlı deyib.
M.Qurbanlı bildirib ki, Azərbaycanda mədəniyyətin, incəsənətin inkişafı həmişə dövlətimizin diqqətində olub. Onun sözlərinə görə, Ulu öndər Heydər Əliyev Azərbaycanda milli-mənəvi dəyərlərin qorunmasına və təbliğinə, mədəniyyətimizin inkişafına çox böyük töhfələr verib. Hazırda Prezident İlham Əliyev Ulu öndərimizin bu yöndə müəyyənləşdirdiyi siyasəti uğurla davam etdirir. YAP İcra katibinin müavini qeyd edib ki, bu gün Azərbaycanda mədəniyyət və incəsənətin inkişafı üçün əlverişli şərait yaradılıb. M.Qurbanlının sözlərinə görə, xüsusilə Heydər Əliyev Fondunun təşəbbüsü ilə Azərbaycanın milli-mədəni dəyərlərinin qorunması, milli musiqimizin, muğamın dünyada təbliği, eləcə də, beynəlxalq musiqi tədbirlərinin ölkəmizdə keçirilməsi mühüm hadisələrdir.
YAP İcra katibinin müavini bildirib ki, bütün bunlar Azərbaycan mədəniyyətini dünya mədəniyyəti səviyyəsində inkişafına təkan verməklə yanaşı dünya mədəniyyət nümunələrinin Azərbaycan tərəfindən əxz olunmasını göstərir. Onun fikrincə, 43 ölkə içərisində Azərbaycanın birinci yerdə olması ideoloji, siyasi, mənəvi, psixoloji baxımdan çox mühüm hadisədir.
“Biz bu gün dünya miqyasında Azərbaycanı Cənubi Qafqazın lider ölkəsinə çevirmişik. Azərbaycan iqtisadiyyatı bölgədə aparıcı iqtisadiyyata malikdir. Və paralel surətdə iqtisadiyyatın inkişafı mədəniyyətimizin də inkişafına təkan verib. İndi Azərbaycan mədəniyyət sahəsində də regionun lider dövlətidir. Azərbaycanda əldə olunan bu uğur nəticə etibarilə ölkəmizin Avropa məkanında mövqeyinin və imicinin güclənməsi deməkdir. Hər bir dövlət bütün sahələrdə inkişaf etməlidir və Azərbaycanda da çoxşaxəli inkişafın elementlərini açıq-aydın görməkdəyik. Bu gün Azərbaycan Ermənistanın təcavüzünə məruz qalıb. Buna baxmayaraq, Azərbaycanla Ermənistan arasında bütün istiqamətlər, iqtisadiyyat, diplomatiya, mənəviyyat, dünyagörüşü, psixoloji durum, mədəniyyətin müxtəlif sahələri yarış meydanıdır. Bu yarışda biz Ermənistanı tam şəkildə üstələmişik, Ermənistan ölkəmizdən qat-qat geridə qalan ölkədir. Azərbaycan gənclərinin musiqi yarışmasındakı bu uğuru eyni zamanda, hərb cəbhəsində əsgərlərimizin qələbəsinə bərabər bir hadisədir. Yəni, əsgərlərimiz səngərdə düşmənin qarşısında inamla, qətiyyətlə necə dayanıbsa, mədəniyyətimiz də düşmənin mədəniyyəti üzərində bu cür qələbə əldə edib. Bu, mənəvi baxımdan da ermənilər üzərində üstünlüyümüzü nümayiş etdirir. Bu qələbə şübhəsiz ki, Prezident İlham Əliyevin apardığı uğurlu siyasətin bariz nümunəsidir. Eldar və Nigarın qarşılanma mərasimində YAP-ın üzvü olan yüzlərlə gənc iştirak edib. Bunun özü bizim gənclərimizin də bu hadisəyə çox böyük qürur və sevinclə yanaşdığının göstəricisidir. Hesab edirəm ki, bu qələbə bizim üçün çox böyük hadisədir. Təsəvvür edin, Azərbaycan “Eurovision” mahnı müsabiqəsinə qoşulur və 4-cü cəhdində birinciliyi qazanır. Mədəniyyət və incəsənət sahəsində böyük nailiyyətlər qazanmış Avropanın qabaqcıl ölkələrinin nümayəndələrinin iştirak iştirak etdiyi mahnı müsabiqəsində Azərbaycan musiqiçiləri Avropa çapında həlledici yer tutur. Bu, Azərbaycanın hərtərəfli nüfuzunun daha da artmasına təsir göstərən bir hadisədir”, - deyə M.Qurbanlı vurğulayıb.

Paylaş:

Baxılıb: 935 dəfə