Heydər Əliyev
yeni azerbaycan logo

Ana səhifə / Sosial / Mərkəzi Elmi Kitabxanada "Türk Dünyası: Sibirdən Balkanlara" adlı etno fotosərginin açılış mərasimi keçirilib

Mərkəzi Elmi Kitabxanada "Türk Dünyası: Sibirdən Balkanlara" adlı etno fotosərginin açılış mərasimi keçirilib

03.10.2016 [17:51]

AMEA Mərkəzi Elmi Kitabxanasının (MEK) təşkilatçılığı ilə MEK-in Sərgi salonunda türkoloq alim Güllü Yoloğlunun "Türk Dünyası: Sibirdən Balkanlara" adlı etno fotosərgisinin açılış mərasimi keçrilib. Mərasimi giriş sözü ilə açan MEK-in Beynəlxalq və İctimaiyyətlə Əlaqələr Şöbəsinin müdiri Mübariz Göyüşlü türk dövlət başçılarının imzası ilə Türk Dövlətlərinin Əməkdaşlıq Şurasının yaradılmasının əhəmiyyətini vurğulayaraq, Mərkəzi Elmi Kitabxananın daim bu cür ictimai, elmi əhəmiyyət kəsb edən tədbirlərə dəstək verdiyini bildirib.
Sonra çıxış edən türkoloq Güllü Yoloğlu sərgi haqqında məlumat verərək Türkiyə, KKTC, Qazaxıstan, Rusiya (Tıva, Xakasiya), İraq, Moldova, Rumıniya, Makedoniya, İran, Özbəkistan və digər ölkələrdəki araşdırmaları zamanı çəkdiyi türk xalqlarının adət-ənənələrini, həyat tərzini, inancını, mədəniyyətini əks etdirən 60 fotoşəklin bu sərgidə nümayiş olunduğunu deyib.
Tədbirdə həmçinin Moldovanın Azərbaycandakı səfiri Georgi Leuka, Bakı Dövlət Universitetinin dosenti Vüqar Zifəroğlu, AMEA Fizika İnstitutunun əməkdaşı Yusif Əfşar, "Birlik" jurnalının baş redaktoru İlqar İlkin, filosof Asif Bayramov çıxış edərək fotosərginin əhəmiyyətindən danışıblar. Sonda sərgiyə baxış keçirilib. Fotosərgi oktyabrın 7-dək davam edəcək.

Paylaş:
Baxılıb: 739 dəfə

Xəbər lenti

Hamısına bax

YAP xəbərləri

Xəbər lenti

Gündəm

Sosial

MEDİA

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31