Qubadlı rayon İcra Hakimiyyətində Azərbaycan Respublikası Prezidentinin Fərmanının icrası ilə əlaqədar müşavirə keçirilib

Bakı:

10 °C

93 %

1 m/s

AZ RU EN

Ana səhifə / Sosial / Qubadlı rayon İcra Hakimiyyətində Azərbaycan Respublikası Prezidentinin Fərmanının icrası ilə əlaqədar müşavirə keçirilib

Qubadlı rayon İcra Hakimiyyətində Azərbaycan Respublikası Prezidentinin Fərmanının icrası ilə əlaqədar müşavirə keçirilib

28.01.2017 [10:42]

Dünən Qubadlı rayon İcra Hakimiyyətində Azərbaycan Respublikası Prezidentinin “Məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında” 23 yanvar 2017-ci il tarixli Fərmanının icrası ilə əlaqədar müşavirə keçirilib. Müşavirədə rayon İcra Hakimiyyətinin başçısı, RİH-in nümayəndələri, rayonun idarə, müəssisə və təşkilat rəhbərləri, ictimaiyyət nümayəndələri iştirak ediblər.
Tədbirdə çıxış edən Qubadlı rayon İcra Hakimiyyətinin başçısı Malik İsaqov ölkə Prezidenti İlham Əliyevin hər zaman sosial məsələlərin həllini xüsusi olaraq diqqət mərkəzində saxladığını bildirib. Dövlətimizin başçısının müvafiq Fərmanı ilə məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsini də aparılan uğurlu sosial siyasətin növbəti töhfəsi kimi dəyərləndirən M.İsaqov imzalanan Fərmanın əsas məqsədinin dövlət büdcəsindən məcburi köçkünlərin və onlara bərabər tutulan şəxslərin sosial müdafiəsi üçün ayrılan vəsaitin ünvanlılığının təmin edilməsi və çatdırılma mexanizminin sadələşdirilməsi olduğunu diqqətə çatdırıb.
Bundan başqa, rayon İH başçısı Azərbaycan Respublikası Prezidentinin “İşğaldan azad edilmiş Cəbrayıl rayonunun Cocuq Mərcanlı kəndinin bərpası ilə bağlı tədbirlər haqqında” 24 yanvar 2017-ci il tarixli Sərəncamı haqqında da danışaraq bildirib ki, Sərəncama əsasən Cəbrayıl rayonunun Cocuq Mərcanlı kəndinin bərpası ilə bağlı görüləcək işlər çərçivəsində birinci mərhələdə 50 fərdi yaşayış evinin, məktəb binasının və müvafiq infrastrukturun tikintisi üçün Azərbaycan Respublikasının 2017-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Qaçqınların və Məcburi Köçkünlərin İşləri üzrə Dövlət Komitəsinə ilkin olaraq 4 milyon manat ayrılıb. M.İsaqov bu Sərəncamın çox böyük mənəvi əhəmiyyət kəsb etdiyini diqqətə çatdırıb. Qeyd edilib ki, bu Sərəncam işğal altında olan torpaqlarımızın azad ediləcəyi günün yaxınlaşdığının müjdəçisidir.
Müşavirədə çıxış edən digər natiqlər də dövlət başçısının müvafiq Sərəncam və Fərmanının məcburi köçkünlər tərəfindən böyük sevinclə qarşılandığını, Qubadlı sakinlərinin Prezident İlham Əliyev siyasi kursunun ən fəal müdafiəçiləri olduğunu diqqətə çatdırıblar. Ali Baş Komandan, Prezident İlham Əliyevin rəhbərliyi ilə aparılan uğurlu daxili və xarici siyasət nəticəsində işğal altında olan torpaqlarımızın yaxın zamanda azad ediləcəyinə inam ifadə edilib.
Müşavirənin sonunda Azərbaycan Respublikası Prezidenti İlham Əliyevə müraciət qəbul edilib.
Pərviz SADAYOĞLU

Paylaş:

Baxılıb: 657 dəfə