Ailə, Qadın və Uşaq Problemləri üzrə Dövlət Komitəsində il ərzində görülmüş işlər müzakirə olunub

Bakı:

29 °C

53 %

13 m/s

Əlaqə

AZ RU EN

Ana səhifə / Sosial / Ailə, Qadın və Uşaq Problemləri üzrə Dövlət Komitəsində il ərzində görülmüş işlər müzakirə olunub

Ailə, Qadın və Uşaq Problemləri üzrə Dövlət Komitəsində il ərzində görülmüş işlər müzakirə olunub

28.12.2017 [09:30]

Dünən Ailə, Qadın və Uşaq Problemləri üzrə Dövlət Komitəsində (AQUPDK) kollegiya iclası keçirilib.
İclasda komitənin 2017-ci il üzrə illik hesabatı və 2018-ci ilin birinci yarısında həyata keçirilməsi nəzərdə tutulmuş tədbirlər müzakirə olunub.
Sonra çıxış edən Dövlət Komitəsinin sədri Hicran Hüseynova bildirib ki, 2017-ci il ölkəmiz üçün uğurlu olub, həyatın bütün sahələrində dinamik inkişaf təmin edilib. 2017-ci ildə dünyada siyasi, iqtisadi və hərbi böhranlı vəziyyət davam etsə də, baş verən kataklizmlər fonunda ölkəmiz sabitlik adasıdır. Vahid dövlətçilik siyasəti nəticəsində Azərbaycan iqtisadi, siyasi, mədəni, sosial, hərbi, idman sahələrində dinamik sürətlə inkişaf edir. Azərbaycanın Birinci vitse-prezidenti Mehriban Əliyeva Heydər Əliyev Fondunun prezidenti kimi təhsil, səhiyyə, mədəniyyət, eləcə də sosial, ekologiya, idman və digər istiqamətləri əhatə edən xeyli sayda əhəmiyyətli layihələr həyata keçirir. Bu təyinat qadınlarımızın ictimai-siyasi prosesdə daha da fəal iştirak etmələrinə stimul yaradıb. Bütün bunlar ailə institutunun möhkəmləndirilməsinə, qadın və uşaq hüquqlarının müdafiəsinə müsbət təsirini göstərir.
H.Hüseynova komitənin il ərzində gördüyü işlər barədə tədbir iştirakçılarına ətraflı məlumat verib.
Sonra Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri Ramilə Seyidova , Nazirlər Kabinetinin Humanitar və sosial məsələləri şöbəsinin müdiri Musa Ələkbərov, Milli Məclisin Ailə, qadın və uşaq məsələləri komitəsinin sədri Aqiyə Naxçıvanlı, YAP Qadınlar Şurasının sədri, Bakı Slavyan Universitetinin rektoru Nurlana Əliyeva, parlamentin Ailə, qadın və uşaq məsələləri komitəsinin sədr müavini, AŞPA-nın miqrasiya, qaçqınlar və məcburi köçkünlər üzrə komitəsinin sədri Sahibə Qafarova, deputat Rauf Əliyev, Ailə, Qadın və Uşaq Problemləri üzrə Dövlət Komitəsinin nəzdində İctimai Şuranın sədri Rəna Mirzəzadə çıxış edərək ölkəmizdə qadın və uşaq siyasətinin həyata keçirilməsi istiqamətində əldə edilən uğurlar barədə danışıblar.
Sonda AQUPDK sədrinin müavinləri Sədaqət Qəhrəmanova və Aynur Sofiyeva komitənin dövlət ailə, qadın və uşaq siyasəti üzrə həyata keçirdiyi tədbirlər, hazırlanmış qanun layihələri, bu sahədə aktual problemlərin təhlili, beynəlxalq əməkdaşlıq çərçivəsində görülmüş işlər barədə illik hesabatla çıxış ediblər.
Kollegiya iclasında Azərbaycan Uşaqlarının IV Ümumrespublika Forumunun yekunları və 2018-ci ilin birinci yarısı üçün iş planı haqqında da məlumat verilib.

Paylaş:

Baxılıb: 541 dəfə