Astarada torpaq sürüşməsi nəticəsində evləri qəzalı vəziyyətə düşmüş Şümrüd kənd sakinləri ilə görüş keçirilib

Bakı:

25 °C

69 %

5 m/s

AZ RU EN

Ana səhifə / Sosial / Astarada torpaq sürüşməsi nəticəsində evləri qəzalı vəziyyətə düşmüş Şümrüd kənd sakinləri ilə görüş keçirilib

Astarada torpaq sürüşməsi nəticəsində evləri qəzalı vəziyyətə düşmüş Şümrüd kənd sakinləri ilə görüş keçirilib

08.05.2021 [17:25]

Astara rayonunun Pəlikəş kənd inzibati ərazi dairəsi üzrə nümayəndəliyinin ərazisində yerləşən Şümrüd kəndində baş vermiş torpaq sürüşməsi nəticəsində evləri qəzalı vəziyyətə düşmüş vətəndaşlarla görüş keçirilib.

AZƏRTAC-ın bölgə müxbiri xəbər verir ki, dağlıq ərazidə yerləşən Şümrüd kəndində böyük ərazidə baş vermiş və hazırda da davam edən torpaq sürüşməsi nəticəsində kəndin əhalisi ziyan çəkib, 19 ailənin fərdi yaşayış evləri tamamilə yararsız hala düşüb.

Evləri qəzalı vəziyyətdə olan ailələrdən biri Astara şəhərində inşa edilmiş 36 mənzilli binada evlə təmin edilib, digər 18 ailə üçün yeni evlərin tikintisi planlaşdırılıb.

Bu məqsədlə əraziyə mütəxəssislər tərəfindən baxış keçirilib və yaxın vaxtda yeni evlərin tikintisi işlərinə başlanılacaq.

Baş verən torpaq sürüşməsi nəticəsində elektrik xətləri sıradan çıxdığı üçün kəndə elektrik enerjisinin verilişində fasilələr və çətinliklər yaranıb. Əhalini dayanaqlı elektrik enerjisi ilə təmin etmək məqsədilə 1300 metrlik məsafədə 10 kilovoltluq yüksəkgərginlikli yeni elektrik xətlərinin çəkilişində işlər tamamlanmaq üzrədir.

Görüşdə çıxış edən kənd sakinləri insanların həyat səviyyəsinin yüksəldilməsinə istiqamətlənən dövlət tədbirlərinin əhəmiyyətini yüksək dəyərləndiriblər.

Sakinlər torpaq sürüşməsi nəticəsində evləri qəzalı vəziyyətə düşmüş sakinlər üçün qısa müddətdə yeni evlərin tikintisinə sərəncam imzaladığına, ucqar bir kənddə yol və məktəb tikintisinə göstəriş verdiyinə görə dövlətimizin başçısına minnətdarlıqlarını bildiriblər.

Görüşdə çıxış edən rayon rəhbərliyi verilən təkliflərin, qaldırılan məsələlərin həllinə nail olunacağını bildirərək qeyd edib ki, dünyada və ölkəmizdə davam edən COVID-19 pandemiyası ilə bağlı çətinliklərə baxmayaraq, Prezident İlham Əliyev böyük inamla müstəqil dövlətimizin daha da möhkəmlənməsi, vətəndaşların rifahının yaxşılaşdırılması üçün mühüm tədbirlərin həyata keçirilməsinə nail olur.

Bildirilib ki, kəndin əsas problemlərindən biri torpaq sürüşməsi nəticəsində ziyan çəkmiş vətəndaşlar üçün yaşayış evlərinin tikilməsidir. Artıq bu istiqamətdə işin icrasına başlanılıb.

Torpaq sürüşməsi nəticəsində sıradan çıxmış elektrik xətlərinin yenidən çəkilməsi və elektrik xətt təsərrüfatındakı çatışmazlıqların aradan qaldırılması istiqamətdə aparılan işlər isə qısa müddətdə başa çatdırılacaq.

Görüşdə, həmçinin sakinlərə Dürriyə-Şümrüd avtomobil yolunun çəkilməsi ilə əlaqədar layihə işlərinin başa çatması barədə də məlumat verilib.

Şümrüd kənd tam orta məktəb binasının köhnə olması və darısqallığı nəzərə alınaraq ötən il Dürriyə kəndində modul tipli məktəb tikilərək istifadəyə verilib. Daha əsaslı bir məktəb binasının tikintisinə isə Dövlət Proqramına əsasən yaxın zamanlarda inşasına başlanılacaq.

Paylaş:

Baxılıb: 780 dəfə