Cənubi Qafqazın əsas energetika mərkəzi

Bakı:

25 °C

69 %

4 m/s

Əlaqə

AZ RU EN

Ana səhifə / YAP xəbərləri / Cənubi Qafqazın əsas energetika mərkəzi

Cənubi Qafqazın əsas energetika mərkəzi

30.06.2025 [16:22]

“8 Noyabr” Stansiyasının istismara verilməsi bir çox məqsədləri təmin edəcək. Enerji sistemimizin səmərəliliyi artırılacaq, potensial, generasiya gücü artacaq, eyni zamanda, şərti yanacaq sərfiyyatı kəskin aşağı düşəcək və beləliklə, təbii qaza qənaət etmək üçün imkan yaranacaq.

“8 Noyabr” Elektrik Stansiyasının açılış mərasimindəki çıxışında Prezident İlham Əliyev qeyd etdi ki, Azərbaycan qazına bu gün dünya bazarlarında böyük tələbat var. Daxildə təbii qaza qənaət etməklə ixrac imkanlarını daha da artıqmaq olar. Məhz “8 Noyabr” Elektrik Stansiyasında şərti yanacağın sərfiyyatının az olması ölkəmizə əlavə qazanc gətirəcək. Bərpaolunan layihələrin icarsı da təbii qaza qənaət edilməsinə gətirib çıxarcaq. Azərbaycan bu istiqamətdə də qabaqcıl ölkələr sırasındadır. Ölkə başçısı çıxışında vurğuladı ki, imzalanmış, icra edilən və icra ediləcək bərpaolunan enerji layihələri 2030-cu ilə qədər ölkəmizə 6500 meqavat yaşıl enerji verəcək. Eyni zamanda, təbii qaza qənaət etmək üçün imkanlar yaradılacaq və belə olan halda təbii qazın ixracı daha da artacaq. Ümumilikdə burada bir neçə məqsəd burada təmin edilir ki, bütün bu işlərin təməlində də Prezident İlham Əliyevin düşünülmüş siyasəti dayanır.

Energetika hər bir ölkənin milli təhlükəsizliyi məsələsidir. “8 Noyabr” Elektrik Stansiyasının açılış mərasimindəki çıxışında Prezident İlham Əliyev diqqətə çatdırdı ki, bu gün Azərbaycan Avropanın enerji təhlükəsizliyini təmin edən ölkələr sırasındadır və təsadüfi deyil ki, Avropa İttifaqı tamamilə haqlı olaraq Azərbaycanı etibarlı tərəfdaş və Pan-Avropa qaz təchizatçısı adlandırır. Çünki bu gün Azərbaycan qazı 12 ölkəyə qaz kəmərləri vasitəsilə ixrac edilir. Onlardan 10-u Avropa ölkəsidir və məhz bu göstəriciyə görə, qaz təchizatımızın coğrafi əhatəsinə görə Azərbaycan bu gün dünya miqyasında qabaqcıl yerlərdədir. Əlbəttə ki, bir çox ölkə Azərbaycan qazından istifadə edib öz enerji təhlükəsizliyini təmin edir. Ölkəmiz həm təbii qaz, həm xam neft, neft və neft-kimya məhsulları, müəyyən həcmdə elektrik enerjisini ixrac edir. Yaxın gələcəkdə ölkəmiz müxtəlif elektrik kabelləri vasitəsilə yaşıl enerjini də ixrac edəcək. Beləliklə, ölkəmizin iqtisadi gücü, geosiyasi önəmi daha da artacaq, - halbuki bu gün də kifayət qədər yüksək səviyyədədir, - və Azərbaycan bu bölgədə sabitlik, inkişaf, tərəqqi məkanı kimi öz rolunu daha da gücləndirəcəkdir.

Son 20 il ərzində ölkəmizin energetika sistemi demək olar ki, sıfırdan qurulub. Ölkəmizin müxtəlif yerlərində yeni elektrik stansiyaları qurulmuş, eyni zamanda, Mingəçevirdə də yenidənqurma işləri aparılmışdır.

Prezident İlham Əliyev açılış mərasimində bildirdi ki, “8 Noyabr” Stansiyasının gücü 1880 meqavatdır, Su Elektrik Stansiyasının gücü isə 400 meqavatdan çoxdur. Beləliklə, Azərbaycanın elektrik enerjisinin 40 faizindən çoxu Mingəçevirdə istehsal olunur və bu, nəinki Azərbaycanın, Cənubi Qafqazın əsas energetika mərkəzidir.

Əlişah Rəcəbov,

YAP Ağdaş rayon təşkilatının sədri

Paylaş:

Baxılıb: 505 dəfə