“Xalqın taleyinə yazılmış böyük ömür” mövzusunda tədbir keçirilib

Bakı:

23 °C

55 %

4 m/s

Əlaqə

AZ RU EN

Ana səhifə / YAP xəbərləri / “Xalqın taleyinə yazılmış böyük ömür” mövzusunda tədbir keçirilib

“Xalqın taleyinə yazılmış böyük ömür” mövzusunda tədbir keçirilib

05.12.2025 [17:59]

Yeni Azərbaycan Partiyası Kəlbəcər rayon təşkilat Samux rayonun Kolayır kəndində fəaliyyət göstərən Şərqi Zəngəzur Regional Təhsil İdarəsi Kəlbəcər rayon 88 nömrəli tam orta məktəbində Ulu Öndər Heydər Əliyevin irsinə həsr olunmuş “Xalqın taleyinə yazılmış böyük ömür” mövzusunda tədbir keçirib. Ulu Öndər Heydər Əliyevin və Vətən uğrunda canından keçmiş şəhidlərimizin əziz xatirəsi bir dəqiqəlik sükutla yad olunub. YAP Kəlbəcər rayon təşkilatının sədri Həbib Misirov, məktəbin direktoru, Ərazi Partiya təşkilatının sədri Ofelya Muxtarova, Hidayət Məmmədov və digərləri çıxış edənlər Ulu Öndər Heydər Əliyevin həm sovet dövründə respublikamıza birinci rəhbərliyi illərində, həm də müstəqillik mərhələsində ölkəmiz və xalqımız üçün göstərdiyi misilsiz xidmətlərdən bəhs ediblər. Qeyd olunub ki, Ulu Öndər Heydər Əliyev Azərbaycan dövlətçiliyinin ən mürəkkəb və taleyüklü mərhələlərində xalqımızın nicat yolu olmuş, müstəqilliyimizin qorunması, ölkədə sabitliyin bərpası və parçalanma təhlükəsinin aradan qaldırılması istiqamətində əvəzsiz tarixi missiya yerinə yetirmişdir.

Natiqlər bildiriblər ki, Ulu Öndər Heydər Əliyevin 1993-cü il iyunun 15-də xalqın israrlı tələbi ilə siyasi hakimiyyətə qayıdışı Azərbaycan dövlətçiliyinin xilası, müstəqilliyimizin möhkəmləndirilməsi və ölkəmizin gələcək inkişafının təməlini qoyan dönüş nöqtəsi oldu. Ulu Öndərin həyata keçirdiyi uzaqgörən siyasət nəticəsində Azərbaycan siyasi böhrandan çıxaraq sabitlik və inkişaf yoluna qədəm qoydu. Bu strateji kurs sonrakı illərdə Azərbaycanın regionda lider mövqeyini təmin etdi və xalqımıza bu gün qürurla qeyd etdiyimiz Böyük Zəfərə aparan güclü dövlət əsaslarını formalaşdırdı. Çıxışlarda vurğulanıb ki, bu gün Ulu Öndərin siyasi irsi onun layiqli davamçısı, Azərbaycan Respublikasının Prezidenti cənab İlham Əliyev tərəfindən uğurla davam etdirilir. Cənab Prezidentin qətiyyətli liderliyi, müdrik siyasəti və düzgün strateji qərarları nəticəsində Azərbaycan dövlət müstəqilliyini daha da möhkəmləndirib, suverenliyini tam bərpa edib və dünya miqyasında söz sahibi olan güclü dövlətə çevrilib. Cənab Prezident İlham Əliyevin rəhbərliyi altında ölkəmiz həm siyasi, həm iqtisadi, həm də hərbi sahələrdə misilsiz nailiyyətlər əldə etmiş, qlobal proseslərdə etibarlı tərəfdaş olaraq öz mövqeyini möhkəmləndirmişdir. Azərbaycan xalqı bu gün Ulu Öndər Heydər Əliyevin əsasını qoyduğu inkişaf strategiyasının bəhrələrini görür və bu yol ölkəmizi daha böyük hədəflərə aparır. Sonda rayonun ictimai-siyasi həyatında və Partiyanın fəaliyyətində fərqlənən bir qrup partiya fəalına fəxri fərmanlar verilib.

Paylaş:

Baxılıb: 800 dəfə