YAP Quba rayon təşkilatının 2026-cı ilin ilk altı ayı üzrə fəaliyyətinin yekunlarına həsr olunmuş hesabat yığıncağı keçirilib

Bakı:

24 °C

57 %

1 m/s

AZ RU EN

Ana səhifə / YAP xəbərləri / YAP Quba rayon təşkilatının 2026-cı ilin ilk altı ayı üzrə fəaliyyətinin yekunlarına həsr olunmuş hesabat yığıncağı keçirilib

YAP Quba rayon təşkilatının 2026-cı ilin ilk altı ayı üzrə fəaliyyətinin yekunlarına həsr olunmuş hesabat yığıncağı keçirilib

10.07.2026 [15:50]

Yeni Azərbaycan Partiyası (YAP) Quba rayon təşkilatının 2026-cı ilin ilk altı ayı üzrə fəaliyyətinin yekunlarına həsr olunmuş hesabat yığıncağı keçirilib.

Yığıncaqda YAP Quba rayon təşkilatının sədri Fidan Hüseynova, təşkilatın əməkdaşları və ərazi partiya təşkilatlarının sədrləri iştirak ediblər.

Əvvəlcə Azərbaycan dövlətinin qurucusu və memarı Ulu Öndər Heydər Əliyevin, həmçinin ölkəmizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Yığıncağı giriş sözü ilə açan YAP Quba rayon təşkilatının sədri Fidan Hüseynova gündəlikdə duran məsələləri iştirakçıların diqqətinə çatdırıb.

Sonra geniş hesabat məruzəsi ilə çıxış edən Fidan Hüseynova bildirib ki, hesabat dövründə YAP Quba rayon təşkilatının fəaliyyəti Yeni Azərbaycan Partiyasının Sədri, Azərbaycan Respublikasının Prezidenti İlham Əliyevin dövlət və partiya tədbirlərində səsləndirdiyi strateji hədəflərin, eləcə də partiyanın Proqram və Nizamnaməsindən irəli gələn vəzifələrin icrasına uyğun şəkildə qurulub.

Qeyd olunub ki, ötən müddət ərzində Prezident İlham Əliyevin rəhbərliyi ilə ölkəmizin inkişafı istiqamətində həyata keçirilən məqsədyönlü siyasət, imzalanan fərman və sərəncamlar ərazi partiya təşkilatlarında keçirilən tədbirlər, ağsaqqallar, şəhid ailələri, qazilər və gənclərlə təşkil olunan görüşlər vasitəsilə geniş şəkildə təbliğ edilib.

Bildirilib ki, Prezident İlham Əliyevin 22 dekabr 2025-ci il tarixli Sərəncamı ilə 2026-cı ilin Azərbaycanda "Şəhərsalma və Memarlıq İli" elan olunması ilə əlaqədar Yeni Azərbaycan Partiyasının Mərkəzi Aparatı tərəfindən hazırlanaraq İdarə Heyəti tərəfindən təsdiq edilmiş Tədbirlər Planına uyğun olaraq YAP Quba rayon təşkilatı və ərazi partiya təşkilatlarında il ərzində silsilə tədbirlər təşkil olunub.

Fidan Hüseynova vurğulayıb ki, hesabat dövründə fəaliyyət planında nəzərdə tutulan bütün tədbirlər uğurla icra edilib, qarşıda duran vəzifələrin bundan sonra da yüksək məsuliyyətlə yerinə yetirilməsi təmin olunacaq.

Daha sonra Alpan kəndi ərazi partiya təşkilatının sədri Mehparə Rüstəmova, Quba şəhəri, Heydər Əliyev prospekti 139 ünvanında yerləşən (Quba–Xaçmaz Regional Mədəniyyət İdarəsi) ərazi partiya təşkilatının sədri Saməddin Nəsirov və Quba şəhəri, Qasım İsmayılov küçəsi 45 ünvanında yerləşən (5 saylı Yol İdarəsi) ərazi partiya təşkilatının sədri Nəbi Babayev çıxış edərək rəhbərlik etdikləri təşkilatlarda 2026-cı ilin ilk altı ayı ərzində görülən işlər barədə hesabat xarakterli məruzələrlə çıxış ediblər.

Yığıncağın sonunda ərazi partiya təşkilatlarının sədrlərini maraqlandıran suallar cavablandırılıb, səsləndirilən təkliflər dinlənilib və qarşıdakı dövr üçün fəaliyyət istiqamətləri ətrafında fikir mübadiləsi aparılıb.

Paylaş:

Baxılıb: 590 dəfə