YAP-ın üzvü olan gənclər hər zaman öz fəallıqları ilə seçiliblər

Bakı:

25 °C

53 %

5 m/s

Əlaqə

AZ RU EN

Ana səhifə / YAP xəbərləri / YAP-ın üzvü olan gənclər hər zaman öz fəallıqları ilə seçiliblər

YAP-ın üzvü olan gənclər hər zaman öz fəallıqları ilə seçiliblər

12.03.2015 [12:15]

YAP Qubadlı rayon təşkilatı Gənclər Birliyinin IV hesabat-seçki konfransı keçirilib
Yeni Azərbaycan Partiyası (YAP) Qubadlı rayon təşkilatı Gənclər Birliyinin IV hesabat-seçki konfransı keçirilib. Konfrans iştirakçıları öncə Ulu öndər Heydər Əliyevin abidəsi önünə çiçək dəstələri düzərək, Onun əziz xatirəsini ehtiramla yad ediblər.
Tədbirdə çıxış edən YAP Qubadlı rayon təşkilatının sədri Allahverdi Haxverdiyev əsası Ulu öndər Heydər Əliyev tərəfindən qoyulan dövlət gənclər siyasətinin Prezident İlham Əliyev tərəfindən uğurla davam və inkişaf etdirildiyini, gənc nəslə hər zaman dövlət qayğısının olduğunu diqqətə çatdırıb. Bildirilib ki, YAP-ın üzvü olan gənclər öz fəallıqları ilə seçiliblər və hər zaman ölkədə gedən proseslərin önündə gediblər: “Dünyada baş verən qlobal dəyişikliklər və çağırışlar, həmçinin, ölkənin yeni inkişaf imkanları Azərbaycanda gənclər siyasətinin yeni strategiyasının hazırlanmasını və qəbulunu zəruri edirdi. Bununla əlaqədar möhtərəm Prezidentimiz “2015-2025-ci illərdə Azərbaycan gənclərinin İnkişaf Strategiyası”nın təsdiq edilməsi barədə Sərəncam imzalayıb. Bu İnkişaf Strategiyası Azərbaycanın gələcək uğurlarının təməli sayıla bilər”.
Daha sonra hesabat məruzəsi ilə çıxış edən YAP Qubadlı rayon təşkilatı Gənclər Birliyinin sədri Aqil Quliyev bildirib ki, YAP Qubadlı rayon təşkilatının 3246 üzvünün 1251 nəfərini gənclər təşkil edir. Vurğulanıb ki, YAP Qubadlı rayon təşkilatının gənc üzvləri YAP Gənclər Birliyinin həyata keçirdiyi layihələrdə, yay və qış məktəblərində fəal itştirak ediblər.
Sonra çıxış edən rayon Gənclər İdman İdarəsinin rəisi Natiq Abbasov, YAP Qubadlı rayon təşkilatının aparat rəhbəri Ülvi Qasımlı, YAP Qubadlı rayon təşkilatının üzvləri Günay Səmədzadə və Nicat Bədəlov hesabat məruzəsini qənaətbəxş sayıblar. Natiqlər gənclərin hər zaman ölkə Prezidentinin ətrafında sıx birləşərək ölkəmizin inkişafına öz töhfələrini verdiklərini diqqətə çatdırıblar.
Daha sonra təşkilati məsələlərə baxılıb. YAP Qubadlı rayon təşkilatı Gənclər Birliyinin 9 nəfərdən ibarət şura üzvləri, 5 nəfərdən ibarət idarə heyəti müəyyənləşib. Aqil Quliyev yenidən YAP Qubadlı rayon təşkilatı Gənclər Birliyinin sədri seçilib. Bundan başqa, YAP Gənclər Birliyinin konfransına 3 nəfər nümayəndə seçilib.
Tədbirin sonunda YAP Qubadlı rayon təşkilatı tərəfindən ictimai-siyasi həyatda fərqlənən bir qrup gəncə fəxri fərmanlar və partiya sıralarına yeni qoşulmuş gənclərə üzvlük vəsiqələri verilib.
Pərviz SADAYOĞLU

Paylaş:

Baxılıb: 1085 dəfə