Deputatlığa namizəd İsa Həbibbəyli Şərur rayonunda seçicilərlə növbəti görüşünü keçirib

Bakı:

27 °C

50 %

5 m/s

Əlaqə

AZ RU EN

Ana səhifə / YAP xəbərləri / Deputatlığa namizəd İsa Həbibbəyli Şərur rayonunda seçicilərlə növbəti görüşünü keçirib

Deputatlığa namizəd İsa Həbibbəyli Şərur rayonunda seçicilərlə növbəti görüşünü keçirib

22.10.2015 [10:43]

Azərbaycan Respublikasının Milli Məclisinə 2 saylı Şərur Seçki Dairəsindən Yeni Azərbaycan Partiyasının (YAP) deputatlığa namizədi İsa Həbibbəyli ilə seçicilərin növbəti görüşü keçirilib. Rayon mərkəzindəki “Bahar” kinoteatrının salonunda keçirilmiş görüşdə Yeni Azərbaycan Partiyasının fəalları, ziyalılar, dairənin əhatə etdiyi kəndlərin nümayəndələri və gənclər iştirak ediblər.
Görüşü giriş sözü ilə açan YAP Şərur rayon təşkilatının sədri Əmir Babayev deputatlığa namizəd İsa Həbibbəylinin tərcümeyi-halı və keçən beş il ərzindəki fəaliyyəti barədə ətraflı məlumat verib, seçicilərlə yaxından əlaqə saxladığını xüsusi qeyd edib.
Görüşdə Şərur rayon təhsil şöbəsinin əməkdaşı, şair İ.Yusifoğlu, Aşağı Daşarx kənd orta məktəbinin müəllimi T.İbrahimova, rayon xəstəxanasının həkimi, tibb elmləri namizədi N.Həsənov, Azərbaycan Respublikasının Əməkdar artisti K.Babayeva, Naxçıvan Dövlət Universitetinin tələbəsi S.Məmmədova və başqaları çıxış edərək deputatlığa namizəd, akademik İsa Həbibbəylinin elmi-pedaqoji fəaliyyətindən, Milli Məclisdəki çıxışlarından, seçicilərlə əlaqələrindən geniş söz açıblar. Qeyd olunub ki, İsa Həbibbəylinin elmi-pedaqoji və ictimai fəaliyyəti daim seçicilərin diqqət mərkəzində olub. Seçicilər deputatlığa namizədlə qarşılıqlı əlaqələrindən razı qaldıqlarını bildirib, ölkəmizdə aparılan böyük işlərdən və qarşıda duran vəzifələrdən danışıblar.
Akademik İsa Həbibbəyli seçicilər qarşısında çıxış edərək ölkəmizdə Ümummilli lider Heydər Əliyevin müəyyənləşdirdiyi siyasətin təntənəsindən, Prezident İlham Əliyevin rəhbərliyi ilə ölkə daxilində və beynəlxalq aləmdə qazanılan böyük uğurlardan geniş bəhs edib. Eyni zamanda, Naxçıvan Muxtar Respublikasında, o cümlədən də Şərur rayonunda aparılan genişmiqyaslı işlərdən söz açılıb. Əhalinin siyasi fəallığının artması, dünyagörüşünün genişlənməsi, ölkədə və regionda gedən proseslərdə yaxından iştirak etməsi Ulu öndər Heydər Əliyevin ideyalarına, ölkəmizin Prezidentinin xalqa xidmət nümunəsi olan yorulmaz və hərtərəfli fəaliyyətinə, Yeni Azərbaycan Partiyasının strategiya və taktikasına dərin sədaqət nümayiş etdirməsi xüsusi olaraq qeyd edilib. Seçicilərin deputatlığa namizəd qarşısında artıq tikinti-quruculuq və abadlıq işləri ilə bağlı deyil, millət vəkilinin funksiyalarına aid məsələlər qaldırması müstəqillik illərində keçilmiş yollarda həyata keçirilən siyasi-ideoloji işin mühüm nəticələrindən biri kimi qiymətləndirilib.
Deputatlığa namizəd İsa Həbibbəyli seçicilərin qaldırdığı məsələlər barədə fikir və mülahizələrini bildirib və suallara cavab verib.
Qeyd edək ki, Şərur rayonunun Təzəkənd və Püsyan kəndlərində də İsa Həbibbəylinin seçicilərlə görüşləri keçirilib.

Paylaş:

Baxılıb: 1012 dəfə