Gəncə seçiciləri YAP-ın namizədlərini dəstəkləyirlər

Bakı:

25 °C

65 %

5 m/s

Əlaqə

AZ RU EN

Ana səhifə / YAP xəbərləri / Gəncə seçiciləri YAP-ın namizədlərini dəstəkləyirlər

Gəncə seçiciləri YAP-ın namizədlərini dəstəkləyirlər

07.02.2020 [09:58]

9 fevralda keçiriləcək Milli Məclisə seçkilərdə Yeni Azərbaycan Partiyası (YAP) tərəfindən Gəncənin 37, 38, 39 və 40 saylı seçki dairələri üzrə namizədlikləri irəli sürülmüş Naqif Həmzəyevin, Pərvin Kərimzadənin, Musa Quliyevin və Müşfiq Cəfərovun seçicilərlə görüşləri ruh yüksəkliyi ilə davam edir.
Növbəti görüşü giriş sözü ilə açan YAP Gəncə şəhər təşkilatının sədri, 38 saylı Nizami ikinci (Gəncə) seçki dairəsindən deputatlığa namizəd Naqif Həmzəyev fevral ayının 9-da VI çağırış Milli Məclisə keçiriləcək seçkilərə sayılı günlər qaldığını bildirib. Deputatlığa namizəd qeyd edib ki, ölkəmizdə seçki qanunvericiliyinin daim təkmilləşdirilməsi, dünyada qəbul edilmiş modelə uyğun seçkinin keçirilməsi çağdaş dövrün tələbi olmaqla yanaşı, həm də Azərbaycanda demokratik mühitin formalaşmasına işarədir. Naqif Həmzəyev seçiciləri parlament seçkilərində daha güclü Azərbaycan naminə YAP-ın namizədlərinə səs verməyə çağırıb.
YAP-ın 40 saylı Kəpəz ikinci (Gəncə) seçki dairəsindən deputatlığa namizədi Musa Quliyev çıxışında Prezident İlham Əliyevin sosial siyasətinin mərkəzində vətəndaş rifahının təminatı prinsipi dayandığını və bu amilin ölkəmizdə dayanıqlı iqtisadi inkişafın nəticələrinin, əldə olunan iqtisadi dividendlərin, ilk növbədə əhalinin güzəranının yüksəldilməsinə yönəldildiyini, sosial müdafiə sisteminin gücləndirilməsi istiqamətində ardıcıl addımların atıldığını diqqətə çatdırıb.
Gəncə Tibb Kollecinin direktoru, Yeni Azərbaycan Partiyası Mərkəzi Seçki Qərargahının Gəncə şöbəsinin təbliğat qrupunun üzvü Mehman Rzayev çıxışında partiyamızın Gəncədən olan 4 namizədinin fəaliyyəti haqqında ətraflı məlumat verib.
37 saylı Nizami birinci (Gəncə) seçki dairəsindən deputatlığa namizəd Pərvin Kərimzadə Yeni Azərbaycan Partiyasının 9 fevralda keçiriləcək növbəti parlament seçkilərinə də böyük qələbə əzmi ilə qatıldığından, seçkilərin yüksək səviyyədə keçirilməsi üçün Yeni Azərbaycan Partiyasının şəhər və rayon təşkilatlarının da bu məsul kampaniyada çox fəal iştirak etdiyindən danışıb.
39 saylı Kəpəz birinci (Gəncə) seçki dairəsindən deputatlığa namizəd Müşfiq Cəfərov Yeni Azərbaycan Partiyasının ötən illər ərzində keçirilən prezident, parlament, bələdiyyə seçkilərində qalib olmasının YAP-ın ölkəmizin ictimai-siyasi həyatındakı yüksək mövqeyi, şəffaf, obyektiv şəkildə apardığı seçki kampaniyasının nəticəsində reallaşdığını vurğulayıb.
Gülər İsmayılova, Üzeyir Balakişiyev, Vüsalə Hüseynova və digər seçicilər çıxış edərək bildiriblər ki, seçkilərdə xeyli sayda siyasi partiya təmsilçilərinin iştirak etməsinə baxmayaraq, hər zaman olduğu kimi, bu dəfə də seçkilərin qalibi Yeni Azərbaycan Partiyası olacaq.

Paylaş:

Baxılıb: 846 dəfə