YAP Qadınlar Şurası Milli Qurtuluş Gününə həsr olunan konfrans keçirib

Bakı:

13 °C

82 %

1 m/s

Əlaqə

AZ RU EN

Ana səhifə / YAP xəbərləri / YAP Qadınlar Şurası Milli Qurtuluş Gününə həsr olunan konfrans keçirib

YAP Qadınlar Şurası Milli Qurtuluş Gününə həsr olunan konfrans keçirib

12.06.2010 [02:50]

Dünən Yeni Azərbaycan Partiyası (YAP) Qadınlar Şurasının təşkilatçılığı ilə 15 iyun - Milli Qurtuluş Günü ilə əlaqədar olaraq YAP Xətai rayon təşkilatının qərargahında “ölkəni xilas edən böyük qayıdış günü” adlı konfrans keçirilib. Konfransdan əvvəl tədbir iştirakçıları Fəxri Xiyabanda Azərbaycan xalqının ümummilli lideri Heydər Əliyevin və görkəmli oftalmoloq, alim Zərifə xanım Əliyevanın məzarını ziyarət ediblər.
Tədbiri giriş sözü ilə YAP İdarə Heyətinin üzvü, Milli Məclisin sədr müavini Bahar Muradova açaraq, iştirakçıları Milli Qurtuluş Günü münasibətilə təbrik edib, 15 iyunun tarixindən daşınıb: “Həmin dövrdə ölkəmiz ağır günlərini yaşayırdı. ölkəni bürüyən iqtisadi tənəzzül, ictimai-siyasi gərginlik, sabitliyin olmaması, ölkə daxilində siyasi qüvvələr arasında ziddiyyətlər respublikanı fəlakətə sürükləyirdi. Xatirəsini daim əziz tutduğumuz ümummilli lider Heydər Əliyev növbəti dəfə hakimiyyətə gələrək, başlıca qayəsi müstəqillik, azərbaycançılıq, dövlətçilik, demokratiya, milli tərəqqi, dünyəvilik kimi ümumbəşəri dəyərlər təşkil edən yeni bir ideologiyanın əsasını qoydu. Azərbaycanın bugünkü uğurları Heydər Əliyevin adı ilə bağlıdır. Ona görə də, Heydər Əliyev deyəndə Azərbaycan xalqı, Azərbaycan xalqı deyəndə Heydər Əliyev xatırlanır”.
Sonra YAP Qadınlar Şurasının sədri Nurlana Əliyeva çıxış edərək bildirib ki, 15 İyun - Milli Qurtuluş Gününün Azərbaycanın inkişafında, tərəqqisində hansı rola malik olduğunu dərk etmək üçün həmin dövrdə ölkədə mövcud olan ictimai-siyasi duruma diqqət yetirmək kifayətdir: “Milli Qurtuluş Günü xalqımızın müstəqillik illərində qeyd etməyə başladığı ən əziz bayramlardan biridir. Bu bizim müstəqil dövlətimizin xilası bayramıdır, xalqımızın qanlı uçurum təhlükəsindən qurtuluş bayramıdır”.
Ulu öndərin adının insanların qəlbində abidə kimi ucaldığını deyən N.Əliyeva onu da qeyd edib ki, Azərbaycanın milli dövlətçilik tarixində görkəmli şəxsiyyətlər çox olsa da, Heydər Əliyev qədər öz torpağına, millətinə bu qədər ürəkdən bağlı olan, bütün ömrünü Vətəninə, xalqına həsr edən ikinci bir dövlət xadimi olmayıb.
Daha sonra “Heydər Əliyev siyasətdə həmişə qaydalara riayət edirdi” mövzusu ilə millət vəkili Elmira Axundova çıxış edib. Tədbirdə, həmçinin, Azərbaycan Respublikası Hesablama Palatasının auditoru, YAP Qadınlar Şurasının üzvü Mehriban Alışanova və YAP Gənclər Birliyinin üzvü, BDU-nun tələbəsi Sitarə Cabbarlı çıxış edərək Ulu öndər Heydər Əliyevin Azərbaycan xalqı qarşısındakı xidmətlərindən söhbət açıblar.
YAP İcra katibinin müavini, Milli Məclisin deputatı Mübariz Qurbanlı isə nitqində 1993-cü ilin 15 iyunundan ötən dövr ərzində Azərbaycanın keçdiyi inkişaf yoluna, əldə olunan uğurlara toxunub. M.Qurbanlı, onu da diqqətə çatdırıb ki, ümummilli liderin hakimiyyətə qayıdışı bir zərurət olub: “Siyasətdə təsadüf olmur. Baş verən hadisələr hamısı zərurətdən doğur”.
Tədbirdə tələbələrin ifasında hazırlanan ədəbi-bədii kompozisiya və Xalq artisti Ağadadaş Ağayevin ifasında milli musiqilər səsləndirilib.
Turanə QADİRQIZI

Paylaş:

Baxılıb: 1299 dəfə