Xocavənddə şəhidin anım günü keçirilib

Bakı:

22 °C

55 %

3 m/s

Əlaqə

AZ RU EN

Ana səhifə / YAP xəbərləri / Xocavənddə şəhidin anım günü keçirilib

Xocavənddə şəhidin anım günü keçirilib

01.11.2021 [10:24]

Vətən müharibəsində qəhrəmancasına şəhid olmuş Xocavənd rayonu Tuğ kənd sakini Abdullayev Tural Bəylər oğlunun anım günü ilə bağlı tədbir keçirilib.

Xocavənd qəsəbəsi Şəhidlər məzarlığında keçirilən tədbirdə Xocavənd Rayon İcra Hakimiyyətinin başçısı Eyvaz Hüseynov, Yeni Azərbaycan Partiyası (YAP) Xocavənd rayon təşkilatının fəal üzvləri, eləcə də Əməkdar artist Ağalar Bayramov iştirak ediblər. Şəhidimizin məzarı ziyarət olunub, məzarı üstünə gül-çiçək dəstələri düzülərək ruhuna dualar oxunub.

Qeyd olunub ki, Xocavənd rayonu Tuğ kənd sakini, gizir Abdullayev Tural Bəylər oğlu 24 oktyabr 2020-ci il tarixdə cəbhənin Füzuli rayonu istiqamətində gedən döyüşlərdə xüsusi şücaət göstərərək şəhid olub.

Ölümündən sonra Abdullayev Tural Bəylər oğlu Azərbaycan Respublikası Prezidentinin müvafiq sərəncamları ilə “Vətən uğrunda”, “Füzulinin azad olunmasına görə”, “Cəbrayılın azad olunmasına görə”,

medalları ilə təltif olunub.

Eyvaz Hüseynov çıxış edərək bildirib ki, Vətən müharibəsində Xocavənd rayon sakinləri də fəal iştirak ediblər, 8 nəfər xocavəndli döyüş əməliyyatlarında qəhrəmanlıq göstərərək şəhidlik zirvəsinə ucalıb. O, Vətən müharibəsində iştirak edərək qəhrəmancasına şəhid olub Abdullayev Tural Bəylər oğlunun döyüş yolu barədə tədbir iştirakçılarına ətraflı məlumat verib. Şəhidin valideynlərinə və ailə üzvlərinə başsağlığı verərək, belə qəhrəman övlad böyütdükləri üçün minnətdarlığını bildirib.

Həmçinin Əməkdar artist Ağalar Bayramov söyləyib ki, xalqımızın tarixinin parlaq və unudulmaz səhifələrindən birini təşkil edir. Çıxışını vətən mövzusunda səsləndirdiyi şeirlərlə bitirən Azərbaycan Respublikasının Əməkdar artist A.Bayramov bir daha torpaqlarımızın azad olunması yolunda canlarını fəda etmiş şəhidlərimizə Allahdan rəhmət diləyib.

Anım mərasimdə şəhid Abdullayev Tural Bəylər oğlunun Salakətin kənd tam orta məktəbində təhsil aldığı illərdə müəllimi olmuş Gültəkin Ağayeva çıxış edərək Turalı çox vətənpərvər istiqanlı, mehriban şagird kimi xatırladığını deyib. Gültəkin Ağayeva 44 günlük Vətən müharibəsində Turalla yanaşı, Salakətin kənd tam orta məktəbinin məzunu olmuş daha 4 şagirdin şəhid olduğunu vurğulayaraq, onlarla fəxr etdiyini və daim qürür duyduğunu bildirib.

Şəhid Tural Abdullayevin valideynləri şəhid ailələrinə göstərilən diqqət və qayğı görə Prezident İlham Əliyevə və Birinci vitse-prezident Mehriban Əliyevaya öz minnətdarlıqlarını bildiriblər.

Sonda Salakətin kənd tam orta məktəbi şagirdlərinin və Kuropatkin kənd uşaq bağçasının körpə fidanlarının şəhidlər haqqında söylədikləri şeir parçaları dinlənilib.

Paylaş:

Baxılıb: 799 dəfə