Ermənistanın əsas hədəfi Azərbaycanla danışıqlar prosesini sonsuz etmək idi

Bakı:

27 °C

50 %

6 m/s

Əlaqə

AZ RU EN

Ana səhifə / YAP xəbərləri / Ermənistanın əsas hədəfi Azərbaycanla danışıqlar prosesini sonsuz etmək idi

Ermənistanın əsas hədəfi Azərbaycanla danışıqlar prosesini sonsuz etmək idi

10.10.2022 [10:52]

YAP Ağdam rayon təşkilatının sədri

Mansur Quliyev

Ermənistan 30 illik işğalçılıq siyasəti həyata keçirməklə regionda sülhün və təhlükəsizliyin təmin olunmasına ciddi təhlükə yaratdı,eyni zamanda Beynəlxalq Hüququn norma və prinsiplərini kobut şəkildə pozmuş oldu. Ermənistanın bu cür qeyri-konstruktiv mövqeyi bölgədə de-fakto vəziyyətini yerində dəyişmək və bununlada Azərbaycanla danışıqlar prosesini sonsuz etmək idi. Azərbaycan isə münaqişənin həlli proseslərində hər zaman konstruktiv mövqe nümayiş etdirdi. Lakin Ermənistanın bu çirkin oyunu çox da uzun çəkmədi.

Vətən Müharibəsində şanlı Zəfər qazanan Azərbaycan Silahlı Qüvvələri Ali Baş Komandan cənab İlham Əliyevin rəhbərliyi altında hərb tariximizdə yeni tarix yazdı , işğal olunmuş torpaqlarımızı düşmən tapdağından azad etdi və ən əsası tarixi ədaləti bərpa etdi. Qazanılan bütün bu uğurlar isə ölkə Prezidenti, Silahlı Qüvvələrimizin Ali Baş Komandanı cənab İlham Əliyevin düşünülmüş və uzaqgörən sərkərdəlik təcrübəsinin məntiqi nəticəsi idi.

Bu gün reallıq ondan ibarətdir ki, Azərbaycanın sülh tərəfdarı olan bir ölkə kimi mövqeyi Cənubi Qafqazda və regionda sülhün və təhlükəsizliyin təmin olunmasıdır. Eyni zamanda Azərbaycanın Cənubi Qafqaz regionunda mühüm nüfuz sahibi olması bölgənin sosial-iqtisadi inkişafına, sülhün bərqərar olmasına mühüm töhfələr verməkdədir və Ermənistan Azərbaycanın bu sülhsevər mövqeyini dəyərləndirməlidir və münasibətlərdə yeni səhifənin açılması Ermənistanın sülh danışıqlarına başlanması istiqamətində atacağı addıma bağlıdır. Prinsip etibarilə Ermənistanın yeni reallıqla barışması labüddür, çünki başqa yolu yoxdur.

44 günlük Vətən Müharibəsindəki şanlı Zəfərimizdən sonra regionda yeni geosiyasi vəziyyət yaranıb, bu proseslər Azərbaycanın xeyrinə davam edir. Çunki, bu gün Azərbaycan sözün əsl mənasında həm Beynəlxalq aləmdə, həm də regionda böyün nüfuza sahib olan bir dövlətdir

Dövlətimizin uğurlu xarici siyasət strategiyasından danışdıqda ilk növbədə qeyd etmək lazımdır ki, Azərbaycan bölgədə və regionda etibarlı tərəfdaş kimi böyük potensiala malik olan bir dövlətdir və öz milli dövlətçilik maraqları çərçivəsində dünya arenasına uğurla inteqrasiya etməkdədir. Azərbaycan 44 günlük Vətən Müharibəsindən sonra regionda və bölgədə yeni reallıqlar yaratdı və postmünaqişə dövründə diktə edən dövlət kimi böyük nüfuz və güc sahibidir. Eyni zamanda Azərbaycan regionda, Cənubi Qafqazda sülhün və təhlükəsizliyin əsas təminatçısıdır.

Ən qısa zamanda Azərbaycanın sülh təklifi reallaşacaq və regiona uzunmüddətli, davamlı sülh gələcək. Ermənistanın pozuculuq fəaliyyətinə son verməsi, region dövlətləri ilə dinc yanaşı yaşama prinsiplərinə əsasən davranması mühüm şərtlərdən sayılır.

Bu gün Azərbaycan müstəqil siyasət yürüdür və öz milli maraqları çərçivəsində, Beynəlxalq hüquq normalarına əsaslanaraq öz siyasi mövqeyini ortaya qoyur.

Bir sözlə artıq çox acınacaqlı durumda olan Ermənistan Azərbaycanın diktə edən ölkə olduğunu çox yaxşı anlayır və öz üzərinə düşən tələbləri yerinə yetirməyə borcludur.

Paylaş:

Baxılıb: 666 dəfə