Postmüharibə dövründə şəhid ailə üzvləri və müharibə iştirakçılarından ibarət 93 min nəfərə 103 min sosial ödəniş təyin olunub

Bakı:

19 °C

82 %

0 m/s

AZ RU EN

Ana səhifə / YAP xəbərləri / Postmüharibə dövründə şəhid ailə üzvləri və müharibə iştirakçılarından ibarət 93 min nəfərə 103 min sosial ödəniş təyin olunub

Postmüharibə dövründə şəhid ailə üzvləri və müharibə iştirakçılarından ibarət 93 min nəfərə 103 min sosial ödəniş təyin olunub

05.11.2022 [11:15]

YAP Ağdam rayon təşkilatının sədri

Mansur Quliyev

Azərbaycanın haqq davası olan 44 günlük şanlı Vətən müharibəsi çağdaş tariximizin şanlı səhifələrindən birini təşkil edir və hərb tariximizə qızıl hərflərlə yazılmış Vətən müharibəsində bütün dünya ölkəmizdə mövcut olan xalq-iqtidar birliyinin bir daha şahidi oldu. Müzəffər Ali Baş Komandan cənab İlham Əliyevin rəhbərliyi ilə qüdrətli Azərbaycan Ordusu xalqımıza qələbə sevincini yaşatdı.

Ölkə Prezidenti cənab İlham Əliyev cəmiyyətimizin həssas təbəqəsinin üzvləri olan Şəhid ailələri, Vətən müharibəsi iştirakçıları və Qazilərimizin sosial-məişət şəraitlərinin diqqət mərkəzində saxlanılması, onların qayğıları ilə yaxından maraqlanmalarını və bu cür problemlərin aradan qaldırılması məsələsini xüsusi ilə vurğulamışdır və Dövlət başçısının “Heç kəs unutmamalıdır ki, azad edilmiş torpaqlarımıza bayrağımızı sancan bizim qəhrəman əsgər və zabitlərimiz olub”. sözləri mühüm əhəmiyyətə malik olan, ölkə Prezidentinin cəmiyyətin bu cür həssas təbəqəsinə diqqət və qayğısının bariz təzahürüdür. Ölkə Prezidenti cənab İlham Əliyev hər zaman sosial ədalət prinsipinə, vətəndaşların problemlərinin həllinə yönəlmiş məsələlərə xüsusi önəm verir. Qeyd etmək lazımdır ki, ölkəmizdə insan faktoru dövlər siyasətinin əsas və vacib istiqamətlərindən birini təşkil edir.

Prezident cənab İlham Əliyev hərbiçilərimizin sosial problemlərinin həllini, onların sosial-məişət şəraitlərinin yaxşılaşdırılmasını hər zaman xüsusi diqqət mərkəzində saxlayır.

Postmüharibə dövründə əhalinin sosial baxımdan nisbətən zəif təbəqəsinin rifahının yüksəldilməsinə yönələn sosial dəstək paketi 100 min nəfəri əhatə edib. Onlara 166 min xidmət göstərilib. Bu dövr ərzində şəhid ailə üzvləri və müharibə iştirakçılarından ibarət 93 min nəfərə 103 min sosial ödəniş təyin olunub. Mənzil proqramı 5 dəfə genişləndirilib. Ötən il 3 min, postmüharibə dövründə isə 3500 mənzil verilib. Ümumilikdə isə 12 min 500 şəhid ailəsi və müharibə əlili mənzil və fərdi evlərlə təmin olunub. 7400 müharibə əlilinə isə avtomobil təqdim olunub. Vətən müharibəsinin 200 hərbçisi ümumilikdə isə 300 müharibə əlili son nəsil protezlərlə, 1400 müharibə əlili isə reabilitasiya vasitələri ilə təmin edilib. Onların müalicəsi üçün reabilitasiya mərkəzlərində lazimi şəraitlər yaradılıb, həmin mərkəzlər son tələblər səviyyəsində avadanlıqlarla təchiz edilib. 11 min şəxs aktiv məşğulluq proqramlarına cəlb olunub.

Məhz ölkə Prezidentinin bu cür humanist və xeyirxah mövqeyi nəticəsində ölkəmizdə xalq-iqtidar birliyi gündən-günə möhkəmlənir və xalqımız hər zaman öz siyasi Liderini dəstəkləyir.

Qeyd etmək lazımdır ki, 44 günlük Vətən Müharibəsindən sonrakı dövr ərzində Prezident cənab İlham Əliyevin müvafiq tapşırıqlarına əsasən Şəhid ailələrinin və Qazilərimizn sosial-məişət şəraitlərinin yaxşılaşdırılması üçün mühüm addımlar atılaraq onlar mənzil və avtomobillərlə təmin olunmuşlar. Eyni zamanda Qazilərimizin və Vətən Müharibəsi iştirakçılarınında işlə təmin olunması da bu gün prioritet məsələlərdən biridir.

Dövlətimizin Şəhid ailələrinə, Qazilərimizə və Vətən Müharibəsi iştirakçılarına göstərdiyi diqqət, qayğı hər bir Azərbaycan vətəndaşında qürur hissi yaradır və xalqın öz siyasi Liderinə olan inamını daha da artırır.

Paylaş:

Baxılıb: 672 dəfə