Pirallahıda “31 dekabr-Dünya Azərbaycanlılarının Həmrəylik günü” münasibətilə təntənəli bayram tədbiri keçirilib

Bakı:

23 °C

56 %

3 m/s

AZ RU EN

Ana səhifə / YAP xəbərləri / Pirallahıda “31 dekabr-Dünya Azərbaycanlılarının Həmrəylik günü” münasibətilə təntənəli bayram tədbiri keçirilib

Pirallahıda “31 dekabr-Dünya Azərbaycanlılarının Həmrəylik günü” münasibətilə təntənəli bayram tədbiri keçirilib

29.12.2022 [21:19]

29 dekabr 2022-ci il tarixdə Pirallahı rayonu, Vaqif Mustafazadə adına Mədəniyyət Mərkəzində “31 dekabr-Dünya Azərbaycanlılarının Həmrəylik günü” və “Yeni il bayramı” münasibətilə təntənəli bayram tədbiri keçirildi. Pirallahı rayon İcra Hakimiyyətinin, Yeni Azərbaycan Partiyası Pirallahı rayon təşkilatının və Vaqif Mustafazadə adına Mədəniyyət Mərkəzinin birgə təşkilatçılığı ilə baş tutan tədbirdə YAP Pirallahı rayon təşkilatının sədri Emil Abasov, RİH başçısının birinci müavini Vəzir Səfixanov, şəhid ailələrinin nümayəndələri və rayon ictimaiyyəti iştirak etdi.

Vətən uğrunda qəhrəmancasına həlak olmuş şəhidlərimizin əziz xatirəsinin bir dəqiqəlik sükutla yad edilməsi ilə başlayan tədbirim rəsmi hissəsində Vəzir Səfixanov çıxış edərək, il ərzində baş vermiş əhəmiyyətli hadisələrdən söz açdı. Natiq 2022-ci ilin respublikamız üçün uğurlu olduğunu, istər iqtisadi, istər siyasi, istərsə də hərbi baxımdan nailiyyətlərlə zəngin olduğunu qeyd etdi. Əlavə olaraq, cari ilin rayonumuz üçün də uğurlu olduğu vurğulandı. Çıxışının sonunda Vəzir Səfixanov qarşıdan gələn 31 dekabr - Dünya Azərbaycanlılarının Həmrəylik günü və Yeni 2023-cü ilin gəlişi münasibəti ilə tədbir iştirakçılarını təbrik edərək, onlara yeni ildə can sağlığı, sevinc dolu günlər arzu etdi.

Daha sonra Yeni Azərbaycan Partiyası Pirallahı rayon təşkilatının sədri Emil Abasov çıxış edərək Dünya Azərbaycanlılarının Həmrəylik Günü münasibətilə tədbir iştirakçılarını təbrik etdi. Bu günün tarixi önəmindən bəhs edən Emil Abasov bildirdi ki, Dünya Azərbaycanlılarının Həmrəylik Günü Azərbaycan xalqının birliyi, bərabərliyi və bütövlüyü günüdür. Bu günün əsas məzmununu xalqımızın tarixi keçmişinə, milli-mənəvi dəyərlərinə hörmət, Azərbaycan xalqına mənsubluq, Vətənə, doğma torpağa bağlılıq, azərbaycançılıq məfkurəsi, duyğuları və ideyaları təşkil edir. Dünya azərbaycanlılarının müstəqil dövlətimiz və vahid məqsəd ətrafında birləşməsi ideyasının müəllifi Ulu Öndərimiz Heydər Əliyev olub. Natiq çıxışı zamanı bildirdi ki, Azərbaycan xalqının Ümummilli Lideri Heydər Əliyevin milli birlik, həmrəylik və azərbaycançılıq ideyaları bu gün dövlətimizin başçısı İlham Əliyev tərəfindən uğurla davam etdirilir. Ölkə başçısının bu sahədə həyata keçirdiyi tədbirlər, soydaşlarımızın vahid ideologiya ətrafında birləşməsi istiqamətində gördüyü işlər, qəbul etdiyi tarixi qərarlar dünyanın müxtəlif ölkələrində yaşayan azərbaycanlılarda milli ruhun yüksəldilməsinə, müstəqil Azərbaycana bağlılıqlarının artmasına səbəb olub. Emil Abasov xalqımızın həmrəyliyinin və birliyinin daim vacib olduğunu, iki il öncə torpaqlarımızın işğaldan azad olunmasının Müzəffər Ali Baş Komandan, Prezident İlham Əliyevin rəhbərliyi altında məhz bu milli birlik və vəhdətin nəticəsində mümkün olduğunu qeyd etdi.

Rəsmi hissənin sonunda rayonun ictimai həyatında səmərəli fəaliyyətlərinə görə fərqlənən şəxslərə RİH başçısının və YAP Pirallahı rayon təşkilatının Fəxri Fərmanları və mükafatlar təqdim olundu.

Tədbir yeni il şənliyi ilə davam etdi.

Paylaş:

Baxılıb: 562 dəfə