Tacikistan və Azərbaycan arasında iqtisadi əlaqələr daha da yüksələn xətlə inkişaf edəcək

Bakı:

24 °C

57 %

2 m/s

Əlaqə

AZ RU EN

Ana səhifə / YAP xəbərləri / Tacikistan və Azərbaycan arasında iqtisadi əlaqələr daha da yüksələn xətlə inkişaf edəcək

Tacikistan və Azərbaycan arasında iqtisadi əlaqələr daha da yüksələn xətlə inkişaf edəcək

10.04.2023 [12:44]

İlqar İlyasov,

YAP Laçın rayon təşkilatının sədri

Prezident İlham Əliyevin aprelin 5-də Tacikistan Respublikasına dövlət səfəri zamanı keçirilən görüşlər, aparılan müzakirələr iki dövlət arasında münasibətlərin güclənməsi üçün çox böyük perspektiv imkanlar yaradıb. Səfər şərçivəsində Düşənbədə Prezident İlham Əliyevin Tacikistan Respublikasının Prezidenti Emoməli Rəhmon ilə təkbətək və geniş tərkibdə görüşləri olub. Hər iki görüşdə Azərbaycan-Tacikistan münasibətlərinin aktual məsələlərini ətraflı müzakirə etmək və yeni artım nöqtələrini müəyyənləşdirmək üçün yaxşı fürsətin yarandığı qeyd olunub. Bu görüşlərdə həm ticari-iqtisadi sahədə, nəqliyyat-logistika sahəsində, həm də investisiya siyasəti sahəsində çox böyük perspektivləri ətraflı müzakirə edilib.

Azərbaycan Respublikasının Prezidenti İlham Əliyev cənabları mətbuata bəyanatında ölkələrimiz arasında qardaşlıq münasibətlərinin uğurlu inkişafı məhz 1990-cı illərin əvvəllərindəki fəaliyyətin nəticəsi olduğunu bildirmiş, qeyd etmişdir ki, o vaxt həm Tacikistan, həm də Azərbaycan böyük çətinliklərlə üzləşmişdi, ölkələrimizdə ictimai-siyasi sabitlik pozulmuşdu, təəssüf ki, həm Tacikistanda, həm də Azərbaycanda vətəndaş müharibəsi gedirdi: “Ən dəhşətli müharibə qardaş qırğınıdır. Həm Prezident Rəhmon, həm də Ulu Öndər Heydər Əliyev, – hərəsi öz ölkəsində, - qanlı səhifəni çevirmək və ölkələrimizi inkişaf yoluna çıxarmaq üçün nə mümkündürsə etdilər və buna nail oldular”.

Prezident İlham Əliyev Tacikistan və Azərbaycanı iki sabit dövlət adlandırmış, qeyd etmişdir ki, bu gün öz regionumuzda və bütövlükdə dünyada qeyri-sabitlik ocaqlarını görəndə hər kəs anlayır ki, sabitlik inkişafın və təhlükəsizliyin əsasıdır: “Sabitlik olmasa nə investisiyalar olacaq, nə də tərəqqi və insanların rahatlığı”.

Müstəqilliyin ilk illərində hər iki ölkənin üzləşdiyi vəziyyətdən çıxış edən cənab İlham Əliyev demişdir: “Xalqlarımızın milli maraqlarına əsaslanan siyasət yürüdən ölkələrimizin nümunəsi ona dəlalət edir ki, hətta inkişafın ən aşağı nöqtəsində olduqda da müdrik rəhbərlik sayəsində böyük nəticələr qazanmaq olar. Tacikistan və Azərbaycan keçmiş sovet respublikaları arasında müstəqillik yoluna ən pis və ən ağır şəraitdə qədəm qoyublar. Bizim bugünkü uğurlu inkişafımız göydən düşməyib, bunun arxasında məhz böyük liderlərin, xalqlarımızın liderlərinin əməyi durur”.

Azərbaycan Respublikasının Prezidenti xalqlarımızın əsrlər boyu dostluq, həmrəylik şəraitində yaşadığını, mədəni sahədə qarşılıqlı əlaqələrin möhkəm təməli söhbət açmış, Azərbaycanda tacik mədəniyyətinə, Tacikistanda Azərbaycan mədəniyyətinə çox yüksək qiymət verildiyini bildirmişdir.

İki ölkə arasında imzalanmış sənədlər onu deməyə əsas verir ki, yaxın zamanlarda Tacikistan və Azərbaycan arasında iqtisadi əlaqələr daha da yüksələn xətlə inkişaf edəcəkdir.

Paylaş:

Baxılıb: 623 dəfə