Heydər Əliyev Azərbaycan dilinin inkişafına hər zaman xüsusi diqqət yetirib

Bakı:

19 °C

82 %

0 m/s

Əlaqə

AZ RU EN

Ana səhifə / YAP xəbərləri / Heydər Əliyev Azərbaycan dilinin inkişafına hər zaman xüsusi diqqət yetirib

Heydər Əliyev Azərbaycan dilinin inkişafına hər zaman xüsusi diqqət yetirib

27.04.2023 [11:30]

YAP Ağdam rayon təşkilatının sədri

Mansur Quliyev

Müstəqil və demokratik Azərbaycanın milli intibah dövrü məhz Ümummilli lider Heydər Əliyevin adı ilə bağlıdır.

Ömrünün böyük hissəsini xalqa, vətənə həsr edən Ulu öndər bu gün ki, müstəqil, demokratik və suveren Azərbaycan dövlətinin şanlı tarix səhifəsini yazdı. O tarix səhifəsi ki, xalqın və dövlətçiliyimizin müqəddaratını həll etmiş oldu.

Məhz Ulu öndər Heydər Əliyevin fədakarlığı, cəsarəti və uzaqgörənliyi sayəsində dövlətçiliyimiz və müstəqilliyimiz böyük bir fəlakətdən xilas oldu.

Ümummilli Liderimiz Heydər Əliyev Azərbaycan dilinin inkişafına hər zaman xüsusi diqqət yetirmişdir.

Azərbaycan dili Azərbaycan xalqının milli sərvətidir və xalqımız, millətimiz tarix durduqca bu sərvətin qayğısına qalmalı və dilimizi gələcək nəsillərə ötürməlidir. Ulu Öndərimiz Heydər Əliyevin xüsusi diqqəti və qayğısı sayəsində özümüzə qaytarılan Azərbaycan dilinin bugünkü inkişaf səviyyəsi xalqımızın dünyanın ən qədim xalqlarından biri olduğunu təsdiqləyir.

Ulu Öndər Heydər Əliyevin ana dilinin dövlət dili olması uğrunda dönməz mübarizəsi Ümummilli liderimiz hələ Sovet İttifaqı dövründə, Kremlin ciddi müqavimətinə baxmayaraq, respublikamızda Azərbaycan dilinin dövlət dili statusunun 1978-ci il Konstitusiyasında əks olunmasına nail ola bilmişdi. Azərbaycan dilinin Müstəqil Azərbaycan Respublikası Konstitusiyasının 21-ci maddəsində təsbit edilmiş dövlət dili statusu isə ana dilimizin ən yüksək ictimai dəyərini təmin edir. Ana dilimizin inkişafı, qorunması, fəaliyyətinin təmin edilməsi kimi tarixi missiyanın yerinə yetirilməsində ümummilli lider Heydər Əliyevin müstəsna xidmətləri olmuşdur.

Ümummilli liderimiz Heydər Əliyevin həyata keçirdiyi dil siyasətini bu gün Ölkə Prezidenti cənab İlham Əliyev uğurla davam etdirir. Latın qrafikasında kütləvi nəşrlərin meydana çıxması bunun parlaq göstəricisidir. Azərbaycan ədəbiyyatını, azərbaycanlı düşüncəsini əks etdirən sanballı əsərlərin latın qrafikasında yenidən nəşr edilməsi məhz dövlət başçısının təşəbbüsü ilə baş tutdu. Prezident cənab İlham Əliyevin 2004-cü il yanvarın 12-də imzaladığı “Azərbaycan dilində latın qrafikası ilə kütləvi nəşrlərin həyata keçirilməsi haqqında” Sərəncamı, həm də, əlifba ilə bağlı problemləri tamamilə həll etdi. Bunun da nəticəsində kütləvi nəşrlərin latın qrafikasına keçirilməsi təmin olundu.

Ümummilli Liderimiz Heydər Əliyevin Azərbaycançılıq məhkurəsi, xalqına, vətəninə və dogma ana dilinə olan bu sevgisi hər bir azərbaycanlının qəlbində daima yaşayacaqdır.

Qürur hissi ilə deyə bilərik ki, ölkəmiz Ümummilli lider Heydər Əliyev siyasi kursunu uğurla və qətiyyətlə davam etdirən Prezident cənab İlham Əliyevin rəhbərliyi altında gündən günə inkişaf etməkdədir və həmçinin Beynəlxalq müstəvidə davamlı olaraq yeni-yeni uğurlara imza atmaqdadır.

Ümummilli lider Heydər Əliyevin bizlərə miras qoyduğu müstəqil Azərbaycan dövləti inkişaf, tərəqqi və müstəqillik yolunda yeni-yeni uğurlara imza atacaqdır.

Paylaş:

Baxılıb: 533 dəfə