Azərbaycan fəal enerji diplomatiyasını uğurla davam etdirir

Bakı:

20 °C

83 %

0 m/s

Əlaqə

AZ RU EN

Ana səhifə / YAP xəbərləri / Azərbaycan fəal enerji diplomatiyasını uğurla davam etdirir

Azərbaycan fəal enerji diplomatiyasını uğurla davam etdirir

28.04.2023 [18:36]

Prezident İlham Əliyevin aprelin 25-də Bolqarıstana işgüzar səfəri bir daha onu söyləməyə əsas verir ki, indi ölkəmiz dünyada etibarlı tərəfdaş kimi qəbul olunur və bir çox ölkələr Azərbaycanla əlaqələrin daha da genişləndirilməsinə böyük maraq göstərir. Bu baxımdan Bolqarıstanda Rumıniya, Macarıstan, Slovakiyanın ötürücü sistem operatorları ilə SOCAR arasında Anlaşma Memorandumunun imzalanmasının xüsusi əhəmiyyəti vardır ki, bu da layihədə iştirak edən ölkələr arasında çox uğurlu və sıx əməkdaşlığın qurulmasının göstəricisidir. Bu gün dünyanın enerji təchizatında ciddi böhran və enerji təhlükəsizliyi ilə bağlı böyük risklərlə üzləşdiyi bir zamanda bu əməkdaşlıq xüsusilə mühüm əhəmiyyət kəsb edir. Təbii ki, Sofiyada imzalanmış Anlaşma Memorandumu icra olunduqdan sonra Avropada enerji təhlükəsizliyini birmənalı olaraq gücləndirəcəkdir və Azərbaycan üçün daha çox Avropa ölkəsinə daha çox qazı ixrac etməyə fürsət yaradacaqdır. Azərbaycan Avropanın nəinki enerji, o cümlədən bir sıra digər sahələrdə də etibarlı tərəfdaşıdır.Avropa İttifaqının 9 üzv dövləti ilə Azərbaycan “Strateji Tərəfdaşlıq haqqında” Bəyannamə və ya sazişlərə imza atıb və qəbul edib. Bu, o deməkdir ki, Avropa İttifaqına üzv dövlətlərin üçdəbiri Azərbaycanın strateji tərəfdaşıdır və bu tərəfdaşlığın çox güclü gələcəyi var.

Prezident cənab İlham Əliyev Anlaşma Memorandumunun imzalanması mərasimində çıxışı zamanı qeyd etdi ki: “Biz yerli qazpaylayıcı sistemin qurulması məqsədilə Albaniya ilə danışıqlar prosesindəyik. Çünki Cənub Qaz Dəhlizi Albaniyanın ərazisindən keçir. Eyni zamanda, Slovakiya “Həmrəylik Halqası”nın üzvü kimi, əminəm ki, yaxın vaxtlarda enerji sahəsində bizim tərəfdaşımıza çevriləcək. Biz qaz təchizatımızın coğrafiyasını 6 ölkədən, ən azı 10 ölkəyə qədər genişləndirəcəyik. Mən “ən azı” ona görə deyirəm ki, fikrimcə, bu, planların sonu deyil. Biz Avropanın qaz bazarında fəaliyyətimizi daha da genişləndirməyi planlaşdırırıq. Tərəfdaşlardan ibarət güclü komandanı yaratmaq kimi bu təşəbbüsdə Bolqarıstan Prezidenti cənab Radevin xüsusi rolunu qeyd etmək istərdim. Əminəm ki, “Həmrəylik Halqası” birgə geniş planlarımızın icrasında mühüm rol oynayacaq.”

Prezidentimiz həmçinin qeyd etdi ki, təbii qaz Azərbaycanın Avropaya ixrac etdiyi yeganə enerji məhsulu deyil. İyirmi ildən artıqdır ki, ölkəmiz xam nefti ixrac edən iri təchizatçı kimi etibarlı tərəfdaşdır. Neft-kimya məhsulları və elektrik enerjisi, həmçinin ixracımızın bir hissəsidir. Azərbaycan müstəqilliyini bərpa etdikdən sonra üç ildən az müddətdə, 1994-cü ildə müqavilə imzaladı. Sonradan həmin müqavilə “XX əsrin müqaviləsi” adlandırıldı. Ölkəmiz ilk dəfə olaraq Xəzər dənizində nefti hasil və ixrac etmək məqsədilə xarici neft şirkətlərini dəvət etdi. Bir sözlə, bu gün Azərbaycan XXI əsrin layihəsini həyata keçirir və onun miqyası genişlənir.

Müasir dövrdə Azərbaycan fəal enerji diplomatiyasını uğurla davam etdirir. Prezidentimiz cənab İlham Əliyev ölkəmizin dünyada etibarlı ticarət tərəfdaşı olduğunu dəfələrlə sübut edib. Neft meqalayihələrindən tutmuş, hazırda qaz, sonra yaşıl hidrogenə qədər layihələr vardır. Bütün bunlardan əlavə, ölkələr arasındada güclü ötürmə xətləri olacaq və bu, tamamilə yeni vəziyyət yaradacaqdır.

Rövşən Qayayev

YAP Qazax rayon təşkilatının məsləhətçisi

Paylaş:

Baxılıb: 564 dəfə