Enerji mənbələri və marşurutları şaxələndirilir

Bakı:

19 °C

77 %

2 m/s

Əlaqə

AZ RU EN

Ana səhifə / YAP xəbərləri / Enerji mənbələri və marşurutları şaxələndirilir

Enerji mənbələri və marşurutları şaxələndirilir

08.06.2023 [11:29]

Bakı Ekspo Mərkəzində Bakı Enerji Həftəsi çərçivəsində 28-ci Beynəlxalq Xəzər Neft və Qaz - “Caspian Oil&Gas” və 11-ci Xəzər Beynəlxalq Energetika və Yaşıl Enerji-“Caspian Power” sərgilərinin açılış mərasimində Azərbaycan Respublikasının Prezidenti İlham Əliyev çıxışı zamanı ilk olaraq vurğuladı ki, nəhəng dövlətlərinin olduqca böyük maraq göstərdiyi Bakı Enerji Həftəsi enerji sahəsində aparıcı beynəlxalq tədbirdir. ABŞ Prezidenti və Böyük Britaniyanın Baş nazirinin tədbirə məktub göndərmələri tədbirin nə qədər böyük marağa, qlobal əhəmiyyətə malik olmasını nümayiş etdirir. Bu bir reallıqdır ki, bu gün Azərbaycan müasir dünyada enerji təminatı sahəsində aparıcı ölkələrdən biridir.

Prezident İlham Əliyevin qeyd etdiyi ki, ABŞ və Böyük Britaniya hökumətləri hər zaman Azərbaycanın bütün təşəbbüslərini dəstəkləyib. Bu da Azərbaycana öz resurslarını inkişaf etdirə bilməsinə təkan verib. Əvvəlcə bu sərgi neftə aid idi, indi isə qaz sahəsi burada söhbət mövzusudur. Dövlət başçımız onu da vurğuladı ki, Azərbaycan nəhəng enerji infrastrukturu yaradıb ki, bu, Avrasiyanın enerji xəritəsini dəyişdirib. Bu gün Azərbaycan istehsalçı olaraq həm tranzit ölkələr, həm də istehlakçılar üçün daha təhlükəsiz şərait yaradıb.

Dövlətimizin başçısı enerji sahəsində əldə olunan uğurlardan geniş şəkildə bəhs edərək bu gün Azərbaycan enerji sahəsində əldə etdiyi bütün nailiyyətlərin əsasında Ulu Öndər Heydər Əliyevin müəllifi olduğu yeni neft strategiyasının böyük rol oynadığını bildirdi və yalnız 1994-cü ildə “Əsrin müqaviləsi”nin imzalanmasından sonra həmin strategiyanın həyata keçirilməsinin mümkün olduğunu vurğuldı. Cənab İlham Əliyev onu da qeyd etdi ki, “Əsrin müqaviləsi” imzalanmaqla ölkəmizdə vəziyyət kökündən dəyişdi, sərmayələr cəlb edildi, geniş iqtisadi sabitlik təmin olundu və Azərbaycanın firavan gələcəyinin təməli qoyuldu.

Azərbaycan xalqının ümummilli lideri Heydər Əliyev bu müqavilənin Azərbaycan üçün əhəmiyyətini vurğulayaraq deyirdi: “Əsrin müqaviləsi ilə qoyduğumuz təməl XXI əsrdə Azərbaycan xalqının inkişafı, firavan həyatı, müstəqil Azərbaycan dövlətinin süverenliyinin daha da möhkəmlənməsi üçün geniş imkanlar yaradır və inanıram ki, XXI əsr müstəqil Azərbaycan dövləti üçün ən xoşbəxt dövr olacaqdır”.

Bu gün Ulu öndərin müəllifi olduğu neft strategiyasını uğurla davam etdirən ölkə başçımızın həyata keçirdiyi qətiyyətli tədbirlər nəticəsində Azərbaycan Avrasiyanın enerji xəritəsinin yenidən cızılmasında əsaslı rol oynayır. Enerji təhlükəsizliyi müasir dünyamızda dövlət başçımızın qeyd etdiyi kimi milli təhlükəsizlik gündəliyində ən önəmli yer tutur. Təbii ki, ölkəmizin Avropa İttifaqı ilə əməkdaşlığı bir çox müsbət məqamlara və ən əsası da, olduqca geniş perspektiv potensiala malik olmağından irəli gəlir.

Prezident İlham Əliyev çıxışı əsnasında bərpaolunan enerji haqqında danışaraq Azərbaycanın nəhəng potensialı olduğunu və bunun artıq ilkin hesablaması aparıldığını, 157 qiqavat həcmin yalnız Xəzər dənizində olduğunu bildirdi. Dövlət başçımız qeyd etdi ki, beynəlxalq investorlarla imzalanmış iki müqavilə növbəti bir il, ya da ilyarım ərzində 500 meqavata yaxın “yaşıl enerji” əldə etməyə imkan verəcək.

Ölkə başçısı “TANAP və TAP layihələrinin daha da genişlənməli olduğunu da öz çıxışında qeyd etdi və bildirdi ki, Avropada interkonnektorların sayı mütləq artırılmalıdır. Təbii ki, bütün bu məsələlər əlaqələndirilmiş şəkildə həyata keçirilməlidir.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 699 dəfə