Obyektiv siyasi həqiqət

Bakı:

26 °C

61 %

6 m/s

Əlaqə

AZ RU EN

Ana səhifə / YAP xəbərləri / Obyektiv siyasi həqiqət

Obyektiv siyasi həqiqət

11.07.2023 [15:53]

İnsan hüquq və azadlıqlarına, dövlətlərin ərazi bütövlüyü və suverenliyinə hörmət etmək, böyüklüyündən asılı olmayaraq bütün irqlərin və xalqların bərabərliyini tanımaq, qarşılıqlı maraq və əməkdaşlığı təşviq etmək, ədalət və beynəlxalq öhdəliklərə hörmət etmək və digər əsas prinsiplərə malik olan qoşulmama hərəkatı beynəlxalq münasibətlərin tənzimlənməsində iştirak edən mühüm çoxtərəfli mexanizmlərdən birinə çevrilmişdir. Azərbaycan 2019-cu ildən Qoşulmama Hərəkatına sədrliyi öz üzərinə götürmüşdür və bundan sonra qurumun fəaliyyətində böyük irəliləyişlər müşahidə olunmuşdur.

Azərbaycanın beynəlxalq əhəmiyyət kəsb edən mühüm tədbirlərə ev sahibliyi etməsi ölkəmizin nüfuzunu artırır, beynəlxalq aləmdə rolunu daha da gücləndirir. 5 iyul 2023-cü il tarixdə Bakı Konqres Mərkəzində Qoşulmama Hərəkatının Əlaqələndirmə Bürosunun “Qoşulmama Hərəkatı: meydana çıxan çağırışlarla mübarizədə birgə və qətiyyətli” mövzusunda nazirlər görüşü baş tutdu. Proqram xarakterli nitqi ilə çıxış edən cənab prezident İlham Əliyev qeyd etdi ki, Azərbaycan Qoşulmama Hərəkatına sədrliyi dövründə “Bandunq prinsipləri” əsasında ədaləti, beynəlxalq hüququ və üzv ölkələrin qanuni maraqlarını böyük cəsarətlə, əzmlə qorumuşdur.

Pandemiya dövründə ehtiyacı olan dövlətlərə yardım göstərməyin əsas prioritet olduğunu qeyd edən cənab prezident Azərbaycanın əksəriyyəti Qoşulmama Hərəkatına üzv olan 80-dən çox ölkəyə ya ikitərəfli qaydada, ya da Ümumdünya Səhiyyə Təşkilatı vasitəsilə COVID-19 ilə bağlı maliyyə və humanitar dəstək göstərdiyini qeyd etmişdir ki, bu da Azərbaycanın yürütdüyü humanist siyasətin bilavasitə nəticəsidir.

Cənab prezident, hərəkatın institusional inkişafı, xüsusən də müvafiq olaraq 2021-ci və 2022-ci illərdə Qoşulmama Hərəkatı Parlament Şəbəkəsinin və Qoşulmama Hərəkatı Gənclər Təşkilatının yaradılmasının Azərbaycanın sədrliyinin növbəti nailiyyəti olduğunu da xüsusi olaraq qeyd etmişdir.

Neokolonist meyillərin artmasından olduqca narahat olduğunu bildirən cənab prezident İlham Əliyev bildirmişdir ki, neokolonzimi dünyada hələ də davam etdirən ölkələrdən biri də məhz Fransadır. Tarixi müstəmləkəçilik siyasəti ilə zəngin olan Fransa Afrikada, Asiyada və bəzi ərəb ölkələrində qırğınlar törətmiş, milyonlarla insanın həyatına qəsd etmişdir. Fransa imperializminin bu cür siyasəti onun iç üzünü tam çılpaqlığı ilə ortaya qoyur. Prezident İlham Əliyev Fransanın öz müstəmləkə keçmişinə, qanlı müstəmləkə cinayətlərinə və soyqırımı aktlarına görə Qoşulmama Hərəkatına üzv olan Afrika, Cənub-Şərqi Asiya ölkələrindən və digər ölkələrdən üzr istəməli olduğunu vurğulamışdır.

Cənab prezident İlham Əliyev çıxışında məlumat verərək bildirmişdir ki, otuz il əvvəl Ermənistan Azərbaycanın beynəlxalq səviyyədə tanınan ərazilərinin təxminən 20 faizini işğal etdi, həm Ermənistanda, həm də Azərbaycanın işğal olunmuş ərazilərində etnik təmizləmə həyata keçirdi.

Ermənistanın işğal etdiyi ərazilərdə urbisid, kultursid və ekosid törətdiyini diqqətə çatdıran Cənab Prezident bildirdi ki, işğal altında olmuş ərazilərdəki 67 məsciddən 65-i dağıdılıb, qalanlarından isə donuz və inəklər üçün tövlə kimi istifadə edilib ki, bu da bütün dünya müsəlmanlarına qarşı təhqirdir. Altmış min hektar meşəlik məhv edilmiş, kəsilmiş və daşınmışdır, torpaqlarımız və çaylarımız çirkləndirilmiş və zəhərləndirilmişdir.

Cənab Prezident İlham Əliyev Qoşulmama Hərəkatına üzv olan ölkələrin işğal zamanı və işğaldan sonra Azərbaycanın ədalətli mövqeyini dəstəklədiyini, 2020-ci və 2022-ci illərdə Qoşulmama Hərəkatı ölkələrinin BMT Təhlükəsizlik Şurasında Azərbaycan əleyhinə olan birtərəfli və qərəzli bəyanatların qəbul edilməsinin qarşısını aldığını da bildirmişdir.

Paylaş:

Baxılıb: 725 dəfə