Azərbaycan yeni reallıq yaradıb

Bakı:

25 °C

65 %

2 m/s

Əlaqə

AZ RU EN

Ana səhifə / YAP xəbərləri / Azərbaycan yeni reallıq yaradıb

Azərbaycan yeni reallıq yaradıb

22.09.2023 [16:20]

Son zamanlarda Qarabağ bölgəsindəki Ermənistan silahlı qüvvələrinin birləşmələri məqsədli şəkildə Azərbaycana qarşı terror siyasəti yürdürdülər Azərbaycan Ordusunun mövqelərinin müxtəlif çaplı silahlardan sistemli şəkildə atəşə tutulması həmçinin, ərazilərimizin minalanmasının davam etdirilməsi, döyüş mövqelərinin mühəndis cəhətdən təkmilləşdirilməsi, eləcə də səngər və sığınacaqların sayının artırılması gərginliyin artmasına səbəb oldu.

Azərbaycan Respublikasının Prezidenti cənab İlham Əliyev, Rusiya Federasiyasının Prezidenti Vladimir Putin və Ermənistan baş naziri Nikol Paşinyan tərəfindən imzalanmış 2020 – ci il üçtərəfli bəyanatına əsasən Ermənistan kapitulyasıya aktına imza atmışdır. Lakin Ermənistan üzərinə götürdüyü öhdəlikləri hələdə yerinə yetirmir. İmzalanmış üçtərəfli bəyanata əsasən Ermənistan Silahlı Qüvvələri Azərbaycan ərazisini tamamilə tərk etməli, həmçinin Zəngəzur dəhlizinin açılmasını təmin etməli idilər lakin Ermənistan bu şərtləri yerinə yetirməməklə yanaşı Ermənistan ordusu döyüş mövqelərinin mühəndis cəhətdən təkmilləşdirilməsi, eləcə də səngər və sığınacaqların sayını artırmağa çalışırdı. Bütün bunlar gərginliyin daha da artmasına səbəb olmuşdur. Azərbaycan Ordusu bu kimi qanunsuz fəaliyyətlərə qarşı cavab verirdi. Eyni zamanda Ermənistan rəhbərliyinə bu fəaliyyətlərin dayandırlması ilə bağlı xəbərdarlıq edilirdi. Lakin Ermənistan tərəfi normallaşma prosesinə mane olaraq Azərbaycana qarşı apardığı məqsədyönlü və planlı terror siyasətini davam etdirirdi. Belə ki, sentyabrın ayının 19-da Ermənistan silahlı qüvvələrinin Azərbaycanın Qarabağ bölgəsindəki birləşmələrinin kəşfiyyat-diversiya qrupları tərəfindən Əhmədbəyli-Füzuli-Şuşa avtomobil yolunda terror məqsədilə əvvəlcədən quraşdırılmış minanın partlaması nəticəsində Azərbaycan Avtomobil Yolları Dövlət Agentliyinə məxsus nəqliyyat vasitəsi sıradan çıxmış və mülki şəxslər həlak olub. Həmin gün Daxili İşlər Nazirliyinin Daxili Qoşunlarının hərbi qulluqçularını daşıyan nəqliyyat vasitəsinin də Ermənistan silahlı qüvvələrinin kəşfiyyat-diversiya qrupları tərəfindən quraşdırılmış minaya düşməsi nəticəsində hərbi qulluqçularımız həlak olmuş və yaralanıb. Məhz buna cavab olaraq Azərbaycan Qarabağ bölgəsindəki qanunsuz erməni hərbi birləşmələrinə qarşı antiterror tədbirlərinə başlamışdır. Ermənistan Azərbaycan üçün başqa seçim qoymadı. Dövlət rəhbərimiz cənab İlham Əliyevin bildirdiyi kimi, heç bir qüvvə ölkəmizi tutduğu yoldan döndərə bilməz. Antiterror tədbirləri çərçivəsində Ermənistan silahlı qüvvələrinin birləşmələrinin ön xətt və dərinlikdə olan mövqeləri və uzunmüddətli atəş nöqtələri, eləcə də döyüş vasitələri və hərbi təyinatlı obyektləri yüksək dəqiqlikli silahların tətbiqi ilə sıradan çıxarıldı. Ordumuz tərəfindən mülki əhali və infrastruktur obyektləri hədəfə alınmadı. Keçirilən antiterror tədbirlər barədə Rusiya sülhməramlı kontingentinin komandanlığı və Türkiyə-Rusiya Birgə Monitorinq Mərkəzinin rəhbərliyi məlumatlandırıldı. Azərbaycan Respublikasının qanunlarına və beynəlxalq humanitar hüquq normalarına uyğun olaraq təhlükəsizliyinə zəmanət verilən inzibati, sosial, təhsil, tibbi, dini və digər obyektlərin mühafizə və müdafiəsi təşkil olundu. Qadınlar, uşaqlar, qocalar, habelə fiziki məhdudiyyətli şəxslər və xəstələrə lazımi tibbi və digər yardımlar göstərildi, onlar içməli su və ərzaqla təmin olundular. Antiterror əməliyyatı 24 saat davam etdikdən sonra Ermənistan Ordusu Azərbaycanın bütün tələblərini qəbul etdi, Çarəsiz qalan qanunsuz erməni silahlı dəstələri antiterror tədbirlərinin dayandırılması üçün ağ bayraq qaldıraraq təslim oldular. Bu bir daha Azərbaycan Ordusunun gücünü, qüdrətini göstərdi.

Varis Rüstəmov,

Yeni Azərbaycan Partiyası Sabirabad rayon təşkilatının sədri

Paylaş:

Baxılıb: 607 dəfə