Qazaxda qardaş Türkiyə Cümhuriyyətinin 100 illiyi qeyd edildi

Bakı:

22 °C

68 %

5 m/s

Əlaqə

AZ RU EN

Ana səhifə / YAP xəbərləri / Qazaxda qardaş Türkiyə Cümhuriyyətinin 100 illiyi qeyd edildi

Qazaxda qardaş Türkiyə Cümhuriyyətinin 100 illiyi qeyd edildi

27.10.2023 [19:14]

27 oktyabr 2023-cü il tarixdə Yeni Azərbaycan Partiyası Qazax Rayon Təşkilatında “Heydər Əliyev İli” çərçivəsində “ Ümummilli Lider Heydər Əliyevin “Bir millət, iki dövlət” fəlsəfəsi Azərbaycan - Türkiyə dostluğunun, qardaşlığının əbədiliyinin, sarsılmazlığının dünyaya bir təqdimatıdır” mövzusunda tədbir keçirildi.

Tədbir YAP Qazax rayon təşkilatının inzibati binasında Ulu Öndər Heydər Əliyevin büstünün ziyarəti ilə başlandı.

Dövlət Himninin səsləndirililməsindən sonra Ümummilli Lider Heydər Əliyevin, Dahi şəxsiyyət Mustafa Kamal Atatürkün və müqəddəs şəhidlərin əziz xatirəsi bir dəqiqəlik sükutla yad edildi.

YAP Qazax rayon təşkilatının sədri Anar Nəbiyev geniş məruzə ilə çıxış edərək bildirdi ki, həm Ümummilli Lider Heydər Əliyevin anadan olmasının 100 illiyi, həm Türkiyə Cümhuriyyətinin yaranmasının 100 illiyi bütün türk dünyası üçün çox əlamətdardır. Türkiyə - Azərbaycan qardaşlığı, dostluğu dünyaya bir nümunədir. Danılmaz həqiqətdir ki, bu gün dost, qardaş ölkələrimiz arasında münasibətlərin bu cürə yüksək səviyyəyə çatmasında Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin və Türkiyə Respublikasının Prezidenti cənab Rəcəb Tayyib Ərdoğanın müstəsna xidmətləri vardır. 44 günlük Vətən müharibəsində, eyni zamanda 19-20 sentyabr antiterror əməliyyatlarında bir daha bunun əyani şahidi olduq. Azərbaycan - Türkiyə əlaqələri günbəgün daha da möhkəmlənməkdədir.

15 iyun 2021-ci il tarixdə Qarabağımızın tacı olan Şuşada imzalanan Bəyannamə iki qardaş ölkə arasında tarixi münasibətlərin yeni mərhələsinin əsasını qoydu. Bəyannamədə bir çox önəmli məsələlər öz əksini tapır. Beynəlxalq müstəvidə birgə əməkdaşlıq, fəaliyyətimiz, siyasi əlaqələr, iqtisadi-ticarət əlaqələri, mədəniyyət, təhsil, idman, gənclər siyasəti, demək olar ki, bütün sahələr əhatə olunur.

Göründüyü kimi, Türkiyə və Azərbaycan arasında dostluq, qardaşlıq münasibətləri tarixi köklərə söykənir. Hər iki ölkə arasında qurulan bu sarsılmaz bağların ən böyük təminatçısı iki dövlət daxilində yaşayan bir millətin nümayəndələridir. Əsrlər boyu Azərbaycan və türk xalqları həmişə bir-birinə dəstək olmuş, sıx əməkdaşlıq etmiş, Ulu Öndər Heydər Əliyevin müdrikcəsinə dediyi kimi, "Bir millət, iki dövlət" olmuşlar. Təsadüfi deyildir ki, Türkiyə dövlətinin müdrik şəxsiyyəti Mustafa Kamal Atatürk Azərbaycanın kədərini özlərinin kədəri, sevincini isə öz sevincləri hesab etmişdir.

Qəti əminik ki, dünyanı heyrətə salan Azərbaycan - Türkiyə dostluğu, qardaşlığı, Möhtərəm Prezidentlərimiz İlham Əliyev və Rəcəb Tayyib Ərdoğanın birgə fəaliyyətləri nəticəsindədə tezliklə qarşıya qoyulan məqsədlərə çatılacaqdır. Bu məqsədlər sırasında ilk növbədə bölgədə daimi sülhə nail olmaq, xalqların birgə və rahat yaşamasını təmin etmək, Zəngəzur dəhlizini açmaq, Türk dünyasını daha sıx tellərlə birləşdirmək, Qarabağda aparılan bərpa - yenidənqurma işlərini tamamlamaq, regionun inkişafına, bütövlükdə dünyaya töhfə vermək kimi vacib və önəmli məsələlər durur.

Tədbirdə Qazax şəhər 1 saylı uşaq bağçası ərazi partiya təşkilatının sədri Aynurə Abbasova, BDU Qazax filialının tələbəsi Ləman İsmayılova, 2 saylı Ərazi Ekologiya idarəsi ərazi partiya təşkilatının sədr müavini Afət Eyyubova çıxış etdilər, neftçi - şair, partiya veteranı Zaməddin Ziyadoğlu Azərbaycan - Türkiyə dostluğuna həsr etdiyi şeirlərini söylədi. Qazax şəhər 3 saylı tam orta məktəbin şagirdləri Azərbaycan - Türkiyə dostluğuna, qardaşlığına aid şeirlər səsləndirdilər, mahnı ifa etdilər.

Tədbirin sonunda YAP sıralarına yeni qəbul olunmuş gənc partiya üzvlərinə üzvlük vəsiqələri təqdim edildi.

Paylaş:

Baxılıb: 615 dəfə