Əməkdaşlığı gücləndirən iqtisadi platforma

Bakı:

25 °C

65 %

2 m/s

Əlaqə

AZ RU EN

Ana səhifə / YAP xəbərləri / Əməkdaşlığı gücləndirən iqtisadi platforma

Əməkdaşlığı gücləndirən iqtisadi platforma

28.11.2023 [12:17]

SPECA Mərkəzi Asiya ölkələrində iqtisadiyyatın davamlı inkişafını və qarşılıqlı əlaqələrin gücləndirilməsini təşviq edən iqtisadi platformadır. Bu platforma 1998-ci ildə BMT tərəfindən yaradılmışdır. Prezident İlham Əliyevin yürütdüyü xarici siyasətin prioritet istiqamətlərindən biri bu ölkələrlə əməkdaşlığın daha da inkişaf etdirməkdir. Son illərə nəzər salsaq görərik ki, ölkə başçısı bu istiqamətində çoxşaxəli fəaliyyət həyata keçirir.

Noyabrın 24-də Bakıda, Heydər Əliyev Mərkəzində BMT-nin Mərkəzi Asiya Ölkələrinin İqtisadiyyatları üçün Xüsusi Proqramının – SPECA-nın iştirakçı ölkələrinin dövlət və hökumət başçılarının Zirvə görüşü keçirilib.
Dövlətimizin başçısı Zirvə görüşündə iştirak edib.

Prezident cənab İlham Əliyevin rəhbərliyi ilə bu gün beynəlxalq aləmdə yüksək nüfuza malik olan, etibarlı tərəfdaş adını qazanmış Azərbaycanın apardığı düşünülmüş xarici siyasət, səsləndirdiyi hər bir çağırış sülhə, sabitliyə, dünyada təhlükəsizliyin təminatına yönəlib. Ölkəmiz Türkdilli dövlətlər arasında münasibətlərin möhkəmlənməsində, inkşafında mühüm rol oynadığı kimi, eyni zamnda Mərkəzi Asiya ölkələrinin Cənubi Qafqazla münasibətlərində olduqca mühüm işlər görür.

Zirvə görüşündə çıxış edən Prezident İlham Əliyev bu il BMT-nin Mərkəzi Asiya Ölkələrinin İqtisadiyyatları üçün Xüsusi Proqramının – SPECA-nın 25-ci ildönümü olduğunu və hazırda Azərbaycanın SPECA-ya sədrlik etdiyini xatırlatdı. Dövlətimizin başçısı Zirvə görüşünün keçirilməsi ilə əlaqədar Azərbaycanın təşəbbüsünə dəstək verdikləri üçün Mərkəzi Asiya ölkələrinin rəhbərlərinə təşəkkürünü bildirirək, məlumat üçün bu gün Azərbaycan, Qazaxıstan, Qırğızıstan, Tacikistan, Türkmənistan və Özbəkistanın bir sıra çoxtərəfli formatlarda uğurla əməkdaşlıq etdiyini qeyd etdi.

Ölkələrimizi birləşdirən daha bir amil var, o da siyasi sabitlikdir”,- deyən cənab İlham Əliyev bildib ki, Sabitlik olmadan heç bir iqtisadi inkişafdan söhbət gedə bilməz. Dövlətimzin başçısı qeyd edib ki, bu gün dünyanın müxtəlif bölgələrində müharibələr, münaqişələr, qanlı toqquşmalar geniş vüsət alıb. Bizim ölkələrimizdə isə sülh, sabitlik, əmin-amanlıq hökm sürür, inkişaf, quruculuq prosesləri uğurla gedir. Bu, dövlətlərimizin və xalqlarımızın böyük nailiyyəti və uğurudur.

Mövzusundan asılı olmayaraq istər ölkəmizdə, istərsə də xaricdə keçirilən bütün beynəlxalq tədbirlərdə Azərbaycan həqiqətlərini, Ermənistan rəhbərliyinin işğalçılıq siyasətini, xalqımıza qarşı törətdiyi vəhşilikləri, vandalizmi dünya ictimaiyyətinin diqqətinə çatdıran Prezident İlham Əliyev bu əhəmiyyətli Zirvə görüşündə də tədbir iştirakçılarının diqqətinə çatdırıb.

Dövlətimizn başçısı bildirib ki, Müstəqilliyimizin ilk illərində ölkəmizin beynəlxalq səviyyədə tanınan ərazilərinin təxminən 20 faizi Ermənistan tərəfindən işğal edilmişdi. Ermənistanın həyata keçirdiyi etnik təmizləmə siyasəti nəticəsində bir milyondan artıq azərbaycanlı öz dədə-baba yurdlarından qovulmuşdur. “Otuz ilə yaxın aparılan danışıqlar heç bir nəticə verməmişdir”,-deyən cənab İlham Əliyev 2020-ci ilin noyabr ayında Azərbaycan xalqı öz tarixinin ən parlaq Qələbəsinə imza atdığını, Azərbaycan 44 günlük Vətən müharibəsində Ermənistanı məğlub etdi və işğala son qoyduğunu , BMT Təhlükəsizlik Şurasının 1993-cü ildə qəbul etdiyi və 27 il kağız üzərində qalmış dörd qətnaməsinin icrasını Azərbaycanın özünün təmin etdiyini vurğuladı.

Çixışında bu il sentyabrın 19-20-də Azərbaycan Silahlı qüvvələrinin Qarabağda keçirdiyi antiterror tədbirlərindən bəhs edən Prezident İlham Əliyev bildirdi ki, cəmi bir gün ərzində 1992-ci ildə xalqımıza qarşı soyqırımının törədildiyi Xocalı şəhəri də daxil olmaqla, bütün ərazilərimiz üzərində suverenliyimizi tam bərpa etdik və Azərbaycan ərazisində təcavüzkar separatizmə son qoyduq.

Dövlətimizin başçısının rəhbərliyi ilə işğaldan azad edilmiş ərazilərimizdə bərpa və quruculuq işləri sürətlə həyata keçirilir. Azad olunmuş ərazilərimiz müasir tələblərə uyğun şəkildə qurulur. Prezident İlham Əliyev çıxışında bu istiqamətdə mövzuya toxunaraq görüş iştirakçılarına məlumat verdi ki, ərazilərin azad olunmasından dərhal sonra geniş miqyaslı yenidənqurma işlərinə başlandı, hazırda işğaldan azad olunmuş ərazilərdə geniş miqyaslı bərpa-quruculuq işləri həyata keçirilir. Biz sıfırdan yeni şəhərlər və kəndlər inşa edirik. İlkin mərhələdə 100 yaşayış məntəqəsinin, o cümlədən 9 şəhər və 8 qəsəbənin bərpa edilməsi nəzərdə tutulub. Keçmiş məcburi köçkünlər “Böyük Qayıdış” Proqramı çərçivəsində öz dədə-baba yurdlarına qayıdırlar. 2026-cı ilin sonuna qədər 140 min keçmiş məcburi köçkün öz doğma evlərinə qayıdacaq.

Sahib Şükürov

YAP Göyçay rayon təşkilatının sədri

Paylaş:

Baxılıb: 684 dəfə