Qalib ölkəmizin inkişafı düşmənə layiqli cavabdır

Bakı:

25 °C

78 %

3 m/s

Əlaqə

AZ RU EN

Ana səhifə / YAP xəbərləri / Qalib ölkəmizin inkişafı düşmənə layiqli cavabdır

Qalib ölkəmizin inkişafı düşmənə layiqli cavabdır

29.02.2024 [15:32]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Fevralın 26-da doğma evlərindən didərgin düşən xocalılılar 32 ildən sonra öz yurdlarında Ali Baş Komandan, Qalib Lider cənab İlham Əliyevlə birlikdə günahsız Xocalı qurbanlarının xatirəsini andılıar.

Xocalı soyqırımı günündə ölkə Prezidentimiz Xocalıdan dünyaya bəyan etdi: Otuz iki ildən sonra biz doğma torpağımıza qayıtmışıq. Xocalı qurbanlarının xatirəsini əbədiləşdirmək üçün bu gün burada - 26 fevral günündə memorial kompleksin təməli qoyulacaq.

Müzəffər Ali Baş Komandanımızın qətiyyəti, şanlı ordumuzun hünəri sayəsində Xocalı cəlladları məhv edildi, Xocalının qisası alındı. Bu qüruru, xoşbəxtliyi bizə Müzəffər, Ali Baş Komandanın rəhbərlik etdiyi rəşadətli Azərbaycan Ordusu, Vətən uğrunda sinəsini düşmənə sipər edən şəhidlərimiz yaşatdı. Artıq qürurla hər yerdə deyirik ki, Azərbaycan xalqı qalib xalqdır və öz qisasını düşməndən layiqincə aldı.

“Xocalıya ədalət!” tələbimiz tam haqlı idi. Bu ədaləti döyüş meydanında təmin etməyimiz beynəlxalq hüquqa və tarixi ədalətə tam uyğundur. Biz tarixi ədaləti bərpa etmişik. Biz günahsız Xocalı qurbanlarının qisasını döyüş meydanında aldıq, onların qanını döyüş meydanında aldıq qoymadıq ki, onların qanı yerdə qalsın. Düzdür, buna 30 il vaxt lazım oldu. Ancaq bu 30 il ərzində görülmüş işlər, apardığımız məqsədyönlü siyasət bu günü burada yaşamaq üçün bizə imkan yaradırdı,- deyə vurğulayan Qalib Lider cənab İlham Əliyevin uzaqgörən, düşünülmüş siyasəti sayəsində xalqımıza qarşı soyqırımı törədən, əli xalqımızın qanına batmış daşnaklar, erməni qatilləri layiqli cəzalarını aldılar. Gec də olsa, haqq-ədalət öz yerini tapdı.

Qalib Liderimiz Xocalı soyqırımı günündə bildirib ki, Xocalıya gəldikdə isə biz sentyabrın 20-də öz suverenliyimizi tam bərpa edəndən sonra dərhal göstəriş verdim ki, ilk növbədə, Xocalıda xocalılıların evləri bərpa edilsin. Çünki mənfur düşmən qanlı soyqırımı törətmişdir, xocalılıları öz doğma torpağından didərgin salmışdır. Üstəgəl Xocalının tarixi adını dəyişdirməyə çalışırdı və azərbaycanlıların evlərinə separatçıları, düşmənləri yerləşdirmişdi, o cümlədən xarici ölkələrdən. Görün, xalqımıza qarşı nə qədər böyük və çirkin cinayət törədilmişdir və yenə də deyirəm, dünya buna biganə qalmışdır. Ermənistan və onun havadarları hesab edirdilər ki, onları heç kim cəzalandırmayacaq. Onlar səhv etmişdilər, bu gün də səhv edirlər. Yeni yiyə axtarışında olan, onun-bunun qucağına sığınan Ermənistan bilməlidir ki, yeganə yol Azərbaycanın bütün şərtlərini qəbul etmək və Azərbaycana qarşı ərazi iddialarından əl çəkməkdir.

Müqəddəs torpaqlarımıza göz tikən erməni millətçilərinin xəbis niyyətləri birdəfəlik puç oldu. Müzəffər Ali Baş Komandan İlham Əliyevin rəhbərliyi altında rəşadətli Ordumuz xalqımıza qələbə sevinci yaşatdı, el-obasından didərgin düşən yüz minlərlə soydaşımızın 32 illik yurd-yuva həsrətinə son qoyuldu.

Artıq Qalib Azərbaycan işğaldan azad etdiyi torpaqlarında nəhəng tikinti-quruculuq işləri aparır, doğma ev-eşik nisgili ilə yaşayan həmvətənlilərimizi yurdlarına qovuşdurur. İşğaldan azad olunmuş başqa ərazilərimiz kimi, Xocalıda da çox böyük təmir və bərpa işləri aparılır. Xocalılar böyük sevinclə 1992-ci ilin fevralında qan içində qoyub gəldikləri Xocalıya qayırlar. 32 il əvvəl qanla boyanmış torpaq gülə-gülüstana çevrilir.Qalib ölkənin inkişafı, tərəqqisi xalqımıza qarşı cinayət əməlləri törədən erməni faşistlərinə, uşaq qatillərinə, separatçılara layiqli cavabdır.

Paylaş:

Baxılıb: 541 dəfə