Qürurla yaşayırıq

Bakı:

25 °C

78 %

3 m/s

Əlaqə

AZ RU EN

Ana səhifə / YAP xəbərləri / Qürurla yaşayırıq

Qürurla yaşayırıq

27.03.2024 [16:21]

Martın 18-də Azərbaycan Respublikasının Prezidenti İlham Əliyev Xankəndi şəhərində Novruz tonqalını alovlandırıb. Dövlətimizin başçısı Azərbaycan xalqını Novruz bayramı münasibətilə təbrik edib.

Prezident İlham Əliyev Xənkəndi şəhərindən xalqı tərik edərkən 2021-ci ildə Şuşada, 2022-ci ildə Suqovuşanda, keçən il Talış kəndində, bu dəfə isə Xankəndi şəhərində bayram tonqalı qalandığını, bunun, böyük xoşbəxtlik olduğunu bildirib.

Məlum olduğu kimi, Azərbaycan Silahlı Qüvvələri Prezident, Müzəffər Ali Baş Komandan İlham Əliyevin rəhbərliyi ilə həm Vətən müharibəsində, həm də lokal antiterror tədbirləri zamanı yüksək peşəkarlıq nümayiş etdirərək, qarşısına qoyulmuş vəzifələri layiqincə icra edərək tarixi Zəfər qazandı.

Ölkə başçısı təbrik nitqində bu məsələdən bəhs edərək İkinci Qarabağ müharibəsi zamanı və antiterror əməliyyatı nəticəsində Azərbaycan xalqının böyük qəhrəmanlıq göstərdiyini vurğulayıb və qeyd edib ki, “Altı ay bundan əvvəl cəmi bir gündən az davam edən antiterror əməliyyatı nəticəsində biz öz suverenliyimizi tam bərpa etdik və bu gün Azərbaycan ərazisində ölkəmizin ərazi bütövlüyü tamamilə təmin edilmişdir”.

"Altı ay bundan əvvəl uğurla keçirilmiş antiterror əməliyyatı beynəlxalq hüququn təntənəsidir" – deyən Prezident bunun Azərbaycan xalqının əyilməz ruhunun təntənəsi olduğunu diqqətə çatdırıb.

"Biz bir daha göstərdik ki, öz yolumuzdan dönməyəcəyik, Ermənistanın arxasında istənilən qüvvələr dursalar belə, biz öz istədiyimizə nail olacağıq və nail olmuşuq. Biz iyirmi il torpaqlarımızın azad olunmasına hazırlaşmışdıq. Bir çox istiqamətlər üzrə planlı şəkildə işlər gedirdi. Siyasi müstəvidə dünyada Azərbaycanın mövqeləri möhkəmləndi, dostlarımızın sayı böyük dərəcədə artmışdır. Beynəlxalq təşkilatlar bizim təşəbbüsümüzlə münaqişə ilə bağlı bizim mövqeyimizi dəstəkləyən və beynəlxalq hüquqa əsaslanan qərar və qətnamələr qəbul etmişlər və bu münaqişənin həlli üçün hüquqi və siyasi zəmin yaratmışdır". - deyən Dövlətimizn başçısı Ermənistanın arxasında dayanan qüvvələrə ciddi mesaj verib

Cənab Prezident bütün çıxışlarında vurğuladığı kimi , bu dəfə də gənc nəslin vətənpərvərlik ruhunda, milli ruhda yetişməsindən qürurla bəhs edib. Ölkə başçısı gənclərimizin bizim xalqımız üçün əbədi qürur mənbəyi olacağını və bütün dünyaya Azərbaycan xalqının böyüklüyünü nümayiş etdirdiyini qeyd edib

Prezident İlham Əliyev Xankəndinin qədim Azərbaycan torpağı olduğunu və şəhərin Pənahəli xan tərəfindən salındığını xatırlatmişdir. Ölkə başçısı Xankəndinin sovet dövründə də Azərbaycan büdcəsi hesabına, Azərbaycan memarları və inşaatçıları tərəfindən inşa edildiyini diqqətə çatdırıb.

Fevralın 26-da mən Xocalıda xocalılılarla birlikdə Xocalı memorial kompleksinin təməlini qoydum”- deyən dövlətimizin başçısı orada yerləşən, qanunsuz inşa edilmiş şeytan yuvası – dırnaqarası parlament binası və onun yanındakı terror təşkilatının binasının fevralın 26-da sökülməyə başlandığını və yerlə-yeksan edildiyini vurğulayib.

Prezident İlham Əliyev buradan xalqa təbrik çatdırmaq böyük xoşbəxtlik olduğunu, xalqımızın İkinci Qarabağ müharibəsindən sonra qürurla yaşadığını bildirib.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 616 dəfə