Əli Kərimlinin “sərinkeşi”...

Bakı:

0 °C

93 %

3 m/s

Əlaqə

AZ RU EN

Ana səhifə / Xəbər lenti / Əli Kərimlinin “sərinkeşi”...

Əli Kərimlinin “sərinkeşi”...

22.06.2024 [09:30]

AXCP sədrinin gülünc məntiqi: yay istidir, qış soyuq...

Bu ilin payızında, daha konkret noyabr ayında Azərbaycan qanunvericiliyinə əsasən ölkədə növbəti parlament seçkiləri keçirilməli idi. Zaman etibari ilə başqa bir beynəlxalq əhəmiyyətli tədbir - COP29-da həmin dövrə təsadüf edir. Bu iki mühüm siyasi-ictimai hadisənin üst-üstə düşməsi ilə bağlı Yeni Azərbaycan Partiyası İdarə Heyəti Milli Məclisin vaxtından əvvəl buraxılması ilə bağlı təşəbbüslə çıxış edib. Qeyd edək ki, məsələ ilə bağlı ictimaiyyətdə müzakirələr gedir - hətta bir müddət öncə MSK sədri məzahir Pənahov da seçkilərin vaxtının qabağa çəkilməsi ehtimalı ilə bağlı fikirlərini bölüşmüşdü.

Redikül müxalifət bu təşəbbüsü də ənənəvi olaraq “top-tüfənglə” qarşılayıb. Seçkinin nəticələrinə indidən kölgə salmaq üçün min bir oyundan çıxan rediküllər olduqca “unikal” səbəblər uydurmağa başlayıblar. Məsələn, AXCP sədri Əli Kərimli parlament seçkilərinin “yayın cırhacırında - avqust ayında” keçirilməsinə “etiraz” edir. Təbii ki, fakt ortadadır - Ə.Kərimli bununla birinci növbədə partiya adlandırdığı dərnəyinin gücsüzlüyünü, zəifliyini ört-basdır etməyə çalışır. Dünənə qədər xalqın mənafeyinin əksinə istiqamətlənmiş maraqların “sözçüsü” kimi çıxış edən Ə.Kərimli bu gün yersiz və əsassız “uydurma bəhanələrlə” siyasi hadisə olan seçkidən “yan ötmək” istəyir. Amma ilk baxışdanca uğursuzluğu boyda rişxəndi və gülünclüyü özündə əks etdirən bu “iddiların” daha çox seçkidən yayınmaq, “imtahandan gizlənmək” mahiyyəti daşıdığı üzə çıxır.

Xatırladaq ki, 2020-ci ilin fevralın 9-da baş tutmuş VI çağırış parlament seçkiləri ərəfəsində redikül müxalifət “qışın soyuğunda nə seçki” deyə “yaxalarını” kənara çəkmişdilər. Hətta bu ilin fevralında baş tutan prezident seçkiləri ilə bağlı mövqelərində də qış fəslindən “şikayətlənmə” önə çıxmışdı. İndi isə “yayın cırhacır istisindən” şikayətlənirlər - indi nə etməli, redikül müxalifət üçün yeni, 5-ci fəsilmi icad edilməlidir? Yayın istisindən şikayət edən Əli Kərimli deyəsən unudur ki, 1992-ci ildə onların zorla hakimiyyəti qəsb etmələrinin legitimləşdirilməsi üçün keçirilən prezident seçkiləri də yaya - iyun ayının 7-nə təsadüfi edirdi. Bəs niyə Ə.Kərimli o axtı özünün “cəbhədaşlarına” demirdi ki, iyunun istisində seçki olar?

Seçki ilə bağlı uydurma bəhanələrdə hər şeyə rast gəlinmişdi - bir fəsildən şikayətlənmə qalmışdı. Amma bu da təsadüfi deyil. Ölkəmizdə şəffaf və demokratik seçkilərin keçirilməsi üçün bütün şərait var:

-Ölkəmizdə yeni siyasi situasiya formalaşıb;

-Siyasi partiyalar haqqında yeni qanun qəbul edilib;

-Yeni siyasi konfiqurasiya yaranıb.

Onsuz da həm Konstitusiya, həm də Seçki Məcəlləsi ölkədəki siyasi qüvvələrə, siyasi təşkilatlara bərabər rəqabət imkanları tanıyır - bu mənada, qanunvericilik növbəti parlament seçkilərinin də hansı fəsildə keçirilməsi məsələsində hər hansı bir fərqli situasiya tanımır. Seçki Məcəlləsinə əsasən, bütün siyasi qüvvələrə bərabər hüquqlar tanınır, namizədlərin hamısına seçkiqabağı fəaliyyət üçün bərabər şərait təmin edilir, o cümlədən təşviqat aparılması üçün mediadan bərabər istifadə şərtləri müəyyənləşdirilir. Ə.Kərimli isə həm də “sərin fəsil” axtarışındadır...

MƏNSUR

Paylaş:

Baxılıb: 503 dəfə