Yasamal rayon Heydər Əliyev Mərkəzində “Şanlı Tarix” mövzusunda tədbir keçirildi

Bakı:

11 °C

87 %

8 m/s

Əlaqə

AZ RU EN

Ana səhifə / Xəbər lenti / Yasamal rayon Heydər Əliyev Mərkəzində “Şanlı Tarix” mövzusunda tədbir keçirildi

Yasamal rayon Heydər Əliyev Mərkəzində “Şanlı Tarix” mövzusunda tədbir keçirildi

04.11.2025 [18:40]

4 noyabr 2025 – ci il tarixində Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində “Şanlı Tarix” mövzusunda tədbir keçirildi.

Tədbirdə Yasamal Rayon İcra Hakimiyyəti İctimai-siyasi və humanitar məsələlər şöbəsinin müdiri Zöhrab Cəfərov, AMEA–nın Ədəbiyyat İnstitutunun şöbə müdiri, filologiya elmlər doktoru, professor Asif Rüstəmli, AMEA–nın Abasqulu Ağa Bakıxanov adına Tarix və Etnologiya İnstitunun baş elmi işçisi, tarix elmləri doktoru, dosent Vasif Qafarov, Azərbaycan Texniki Universitetinin Humanitar fənlər kafedrasının müdiri, filologiya üzrə fəlsəfə doktoru, dosent Həbib Mirzəyev, Cəfər Cabbarlı ev muzeyinin direktoru Qəmər Bağırova və muzeyin əməkdaşları və AMK–nın nəzdində Respublika İncəsənət Gimnaziyasının müəllim və şagirdləri iştirak etdilər.

Öncə qonaqlar Mərkəzin foyesində “Şanlı Zəfər Tariximiz” adlı rəsm sərgisi ilə tanış oldular.

Sonra tədbir iştirakçıları Mərkəzin ekspozisiya zalında Ulu öndər Heydər Əliyevin əziz xatirəsini ehtiramla yad etdilər.

Giriş sözü ilə çıxış edən Mərkəzin bələdçisi Mayrux Cavadova Azərbaycanın İkinci Qarabağ, 44 günlük Vətən müharibəsi zamanı möhtəşəm qələbə qazanması, uzun illərdən bəri işğal altında olan tarixi torpaqlarımızın azad olunması, ölkəmizin ərazi bütövlüyünün və tarixi ədalətin bərpa edilməsi, xalqımızın çoxəsirlik dövlətçilik tarixinin ən şərəfli səhifələrindən biri olduğunu bildirdi.

Mərkəzin direktoru Naminə Ömərova 30 illik münaqişəni 44 günə sona çatdıran bu qısa müharibədə Azərbaycan Ordusunun gücünü, Azərbaycan xalqının qüdrətini bəşəriyyətə nümayiş etdirən 8 noyabr zəfərinin tənəsindən söz açdı.

Natiqlər – Zöhrab Cəfərov, Vasif Qafarov, Asif Rüstəmli, Həbib Mirzəyev, Qəmər Bağırova çıxışlarında ulu əcdadlarımızın zəngin dövlətçilik və hərb tarixindən ilhamlanan Azərbaycan xalqı Müzəffər Ali Baş Komandan cənab İlham Əliyevin dəmir yumruğu ətrafında birləşərək hərb tariximizə daha bir şanlı qəhrəmanlıq salnaməsi yazıb, özünün qalib xalq olduğunu bütün dünyaya sübut etməsindən danışdılar.

Sonra 8 noyabr zəfər gününə həsr olunmuş zəfəri qazandıran qəhramanlar adlı film nümayiş olundu.

Tədbirin bədii hissəsində AMK–nın nəzdində Respublika İncəsənət Gimnaziyasının şagirdlərinin ifasında şeir, musiqi, rəqs nümunələrindən ibarət kompozisiya təqdim olundu.

Paylaş:

Baxılıb: 450 dəfə